Breaking News: સોના-ચાંદીની કિંમતોમાં અચાનક આવ્યો ‘મોટો ઉછાળો’, ભાવ જાણીને હોશ ઊડી જશે
સોના-ચાંદીના ભાવમાં રોજેરોજ ફેરફાર થઈ રહ્યા છે. જો કે, આ ઊથલપાથલે ગ્રાહકો અને રોકાણકારો બંનેની ઊંઘ ઉડાવી દીધી છે. બજારમાં આજે એટલે કે 12 જૂનને શુક્રવારે કિંમતી ધાતુઓના ભાવમાં જે ઉછાળો જોવા મળ્યો છે, તેના આંકડા જાણીને તમે પણ ચોંકી જશો.
શુક્રવારે રાષ્ટ્રીય રાજધાનીમાં સોનાના ભાવમાં 3,000 રૂપિયાનો વધારો થયો અને તે 1.56 લાખ રૂપિયા પ્રતિ 10 ગ્રામ પર પહોંચી ગયો. બીજી તરફ, ચાંદીની કિંમત 10,000 રૂપિયા વધીને 2.55 લાખ રૂપિયા પ્રતિ કિલોગ્રામ થઈ ગઈ.
સ્થાનિક બજારના નિષ્ણાતોના જણાવ્યા અનુસાર, 99.9 ટકા શુદ્ધતાવાળા સોનાની કિંમત ગુરુવારના 1,53,900 રૂપિયા પ્રતિ 10 ગ્રામના સ્તરથી 3,000 રૂપિયા વધીને 1,56,900 રૂપિયા પ્રતિ 10 ગ્રામ (તમામ ટેક્સ સહિત) થઈ ગઈ.
ચાંદીના ભાવમાં પણ જોરદાર ઉછાળો આવ્યો અને તે 10,000 રૂપિયા વધીને 2,55,700 રૂપિયા પ્રતિ કિલોગ્રામ (તમામ ટેક્સ સહિત) થઈ ગઈ. ગત સત્રમાં ચાંદી 2,45,700 રૂપિયા પ્રતિ કિલોગ્રામ પર બંધ થઈ હતી.
એચડીએફસી (HDFC) સિક્યોરિટીઝના કોમોડિટીઝના સિનિયર એનાલિસ્ટ સૌમિલ ગાંધીએ જણાવ્યું હતું કે, 'શુક્રવારે સોનાના ભાવમાં તીવ્ર ઉછાળો આવ્યો, કારણ કે અમેરિકા-ઈરાન વચ્ચે સંભવિત શાંતિ સમજૂતીને લઈને વધતી આશાએ કિંમતી ધાતુઓના બજારમાં સકારાત્મક માહોલ બનાવ્યો.' તેમણે કહ્યું કે, અમેરિકી રાષ્ટ્રપતિ ડોનાલ્ડ ટ્રમ્પ દ્વારા ઈરાન વિરુદ્ધ આયોજિત સૈન્ય હુમલા રદ કરવાની જાહેરાત બાદ રોકાણકારોનો ભરોસો વધ્યો. સાથે જ, વાતચીતમાં પ્રગતિના સમાચારોએ પણ કિંમતોમાં સુધારો કરવામાં મદદ કરી.
આંતરરાષ્ટ્રીય બજારમાં સ્પોટ ગોલ્ડ મામૂલી ઘટાડા સાથે 4,206.88 ડોલર પ્રતિ ઔંસ પર કારોબાર કરી રહ્યું છે, જ્યારે ચાંદી પણ 0.48 ટકા ઘટીને 67.02 ડોલર પ્રતિ ઔંસ પર આવી ગઈ છે. જો કે, પ્રોફિટ બુકિંગ છતાં તેણે પોતાના તાજેતરના વધારાનો મોટો હિસ્સો જાળવી રાખ્યો છે.
