Stock Market: દેશની સૌથી મોટી માઈનિંગ કંપની લાવી રહી છે ₹1,071 કરોડનો ‘IPO’, ગ્રે માર્કેટમાં 70% થી વધુનો ઉછાળો
વર્ષ 2026 ના પહેલા મેઈનબોર્ડ IPO ની રાહ હવે પૂરી થવા જઈ રહી છે. વાત એમ છે કે, દેશની સૌથી મોટી માઇનિંગ કંપની કોલ ઈન્ડિયાની સબ્સિડિયરી કંપની ₹1,071 કરોડનો IPO લાવી રહી છે.
દેશની સૌથી મોટી માઇનિંગ કંપની કોલ ઈન્ડિયાની સબ્સિડિયરી કંપનીનો ₹1,071 કરોડનો IPO 9 જાન્યુઆરીએ ખુલવાનો છે. આ ઈશ્યુ હેઠળ, શેર ફક્ત ઓફર ફોર સેલ વિન્ડો દ્વારા જ વેચવામાં આવશે અને કોઈ નવા શેર બહાર પાડવામાં આવશે નહીં.
રોકાણકારો આ ₹1,071 કરોડના IPOમાં ₹21-₹23 ના પ્રાઇસ બેન્ડમાં અને 600 શેરના લોટમાં રોકાણ કરી શકે છે. વધુમાં, કર્મચારીઓને દરેક શેર પર ₹2 નું ડિસ્કાઉન્ટ મળશે.
ભારત કોકિંગ કોલનો IPO 9 જાન્યુઆરીએ ખુલશે અને 13 જાન્યુઆરીએ બંધ થશે. IPO હેઠળ શેરનું એલોટમેન્ટ 14 જાન્યુઆરીના રોજ થશે. BSE અને NSE પર એન્ટ્રી માટે 16 જાન્યુઆરીની તારીખ નક્કી કરવામાં આવી છે.
મોક સેશન દરમિયાન શું થઈ શકે છે?: મોક સેશનને વધુ વાસ્તવિક બનાવવા માટે, ચોક્કસ સેશનના અંતે ઓર્ડર એન્ટ્રીમાં અચાનક સ્ટોપ જેવી પરિસ્થિતિઓનું સિમ્યુલેટર કરવામાં આવશે. આનો હેતુ એ જોવાનો છે કે ટ્રેડિંગ સિસ્ટમ અને બ્રોકર્સ અણધાર્યા સંજોગોમાં કેવી પ્રતિક્રિયા આપે છે અને તેઓ કેટલી ઝડપથી સ્વસ્થ થાય છે. આ દિવસે બીજી એક મહત્વપૂર્ણ કસોટી હાથ ધરવામાં આવશે, જેમાં SEBI માર્ગદર્શિકા હેઠળ વૈકલ્પિક ટ્રેડિંગ સ્થળનો ઉપયોગ સામેલ છે. NSE પર એક સિમ્યુલેટેડ ટેકનિકલ ગ્લીચ બનાવવામાં આવશે, જેના પછી BSE ને વૈકલ્પિક ટ્રેડિંગ પ્લેટફોર્મ તરીકે સક્રિય કરવામાં આવશે. આ ખાતરી કરશે કે એક જ એક્સચેન્જ સમસ્યાનો સામનો કરે તો પણ બજાર સરળતાથી કાર્ય કરી શકે છે.
ગ્રે માર્કેટની એક્ટિવિટીને ટ્રેક કરતાં પ્લેટફોર્મ્સ અનુસાર, Bharat Coking Coal ના શેરનો GMP (ગ્રે માર્કેટ પ્રીમિયમ) અનરેગ્યુલેટેડ માર્કેટમાં 70 ટકા સુધી પહોંચી ગયો છે. InvestorGain દ્વારા આ શેરનો GMP 16 રૂપિયા દર્શાવવામાં આવ્યો છે. આનો અર્થ એ થાય છે કે, આ IPO માં રોકાણ દ્વારા લગભગ 69.57 ટકા લિસ્ટિંગ ગેઇન્સની અપેક્ષા રાખી શકાય છે. IPO Watch દ્વારા પણ GMP 70 ટકા જેટલો પહોંચી ગયો હોવાનું કહેવાઈ રહ્યું છે.
ભારત કોકિંગ કોલના IPO હેઠળ ₹10 ફેસ વેલ્યૂવાળા 46.57 કરોડ શેર ઈશ્યૂ કરવામાં આવશે પરંતુ આ તમામ શેર ઓફર ફોર સેલ વિન્ડો હેઠળ આવશે. મીડિયા રિપોર્ટસ અનુસાર, આ શેર કંપનીના પ્રમોટર 'કોલ ઇન્ડિયા' દ્વારા વેચવામાં આવી રહ્યા છે, જે તેનો 10% હિસ્સો ઘટાડી રહી છે.
