Stock Market: રોકાણકારોને ભેટ! આ 4 કંપની આવતા અઠવાડિયે બોનસ શેર ઓફર કરશે; તમારા પોર્ટફોલિયોમાં કયા શેર્સ છે?
આવનારું અઠવાડિયું શેરબજારના રોકાણકારો માટે ખાસ રહેશે, કારણ કે ઘણી મોટી કંપનીઓ તેમના રોકાણકારોને બોનસ શેર ઓફર કરી રહી છે.
આવતા અઠવાડિયે, ફાઇનાન્સ, ટેકનોલોજી અને હેલ્થકેર સેક્ટરની 4 કંપની તેના રોકાણકારોને બોનસ શેર ઓફર કરવાની છે. BSE પર પોસ્ટ કરાયેલી માહિતી અનુસાર, આ ઓફરિંગ માટે એક્સ-ડેટ્સ અને રેકોર્ડ તારીખ પણ નક્કી કરવામાં આવી છે. ટૂંકમાં જેના નામ રેકોર્ડ તારીખ સુધીમાં કંપનીના શેરહોલ્ડર રજિસ્ટરમાં રહેશે, તેઓ જ બોનસ શેર મેળવવા માટે પાત્ર બનશે.
મનીબોક્સ ફાઇનાન્સ લિમિટેડ કંપની 15 ડિસેમ્બર, 2025 ના રોજ બોનસ ઇશ્યૂ માટેની એક્સ-ડેટ પર ટ્રેડિંગ કરશે. કંપનીએ 1:1 રેશિયો પર બોનસ શેર ઓફર કરવાનું નક્કી કર્યું છે. આનો અર્થ એ છે કે, જે રોકાણકારો એક શેર ધરાવે છે તેમને વધારાનો 1 બોનસ શેર મળશે. આ તારીખ કંપનીની રેકોર્ડ ડેટ પણ છે.
બીજી કંપની સિલ્ફ ટેક્નોલોજીસ લિમિટેડ છે. કંપનીએ તેના બોનસ ઇશ્યૂ માટે 17 ડિસેમ્બર, 2025 ની તારીખ નક્કી કરી છે, જે તેની રેકોર્ડ ડેટ પણ હશે. સિલ્ફ ટેક્નોલોજીસ 5:11 ના રેશિયોમાં બોનસ શેર ઓફર કરી રહી છે. આનો અર્થ એ થયો કે, રોકાણકારોને દરેક 11 શેર ઉપર 5 બોનસ શેર મળશે.
ત્રીજી કંપની ડૉ. લાલ પેથલેબ્સ લિમિટેડ છે, જે હેલ્થકેર અને ડાયગ્નોસ્ટિક્સ સેક્ટરમાં અગ્રણી નામ છે. કંપનીએ બોનસ ઇશ્યૂ માટે એક્સ-ડેટ અને રેકોર્ડ ડેટ 19 ડિસેમ્બર, 2025 નક્કી કરી છે. ડૉ. લાલ પેથલેબ્સ 1:1 રેશિયોમાં બોનસ શેર ઓફર કરશે. આનો અર્થ એ થયો કે, દરેક શેર ઉપર એક બોનસ શેર આપવામાં આવશે.
ચોથી અને છેલ્લી કંપની યુનિફિન્ઝ કેપિટલ ઇન્ડિયા લિમિટેડ છે. આ કંપનીએ તેના બોનસ ઇશ્યૂ માટે 19 ડિસેમ્બર, 2025 ની તારીખ નક્કી કરી છે. યુનિફિન્ઝ કેપિટલ ઇન્ડિયા 4:1 ના રેશિયોમાં બોનસ શેર ઓફર કરી રહી છે. આનો અર્થ એ થયો કે, રોકાણકારોને દરેક શેર ઉપર 4 બોનસ શેર મળશે.
નિષ્ણાતોના મતે, રોકાણકારો માટે બોનસ ઇશ્યૂ સાથે જોડાયેલ એક્સ-ડેટ અને રેકોર્ડ ડેટ સમજવી મહત્વપૂર્ણ છે. સરળ રીતે કહીએ તો, જે રોકાણકારોના નામ રેકોર્ડ ડેટ સુધીમાં કંપનીના શેરહોલ્ડર રજિસ્ટરમાં હશે, તેઓ જ બોનસ શેર મેળવવા માટે પાત્ર છે. આથી, આગામી સપ્તાહના બોનસ ઇશ્યૂનો લાભ લેવો હોય, તો રોકાણકારોએ આ તારીખો ધ્યાનમાં લેવી જોઈએ.
