કરોડો કર્મચારીઓને મળશે ‘ખાસ ભેટ’! હવે પીએફના પૈસા મેળવવાની રીત આખી બદલાઈ જશે, જાણી લો નહીંતર પસ્તાશો
પીએફ ખાતાધારકો માટે એપ્રિલનો મહિનો મોટી ખુશખબરી લઈને આવી રહ્યો છે. સરકાર એક નવી અને હાઈ-ટેક સિસ્ટમ લાવી રહી છે કે, જેનાથી પીએફ મેળવવાની આખી રીત બદલાઈ જશે.
કર્મચારી ભવિષ્ય નિધિ સંગઠન (EPFO) તેના કરોડો સબ્સ્ક્રાઇબર્સ માટે પીએફ ઉપાડ અને ખાતા વ્યવસ્થાપન (Account Management) ની પ્રક્રિયાને વધુ સરળ તેમજ હાઈ-ટેક બનાવવા જઈ રહ્યું છે. આનાથી હવે તમે તમારા જૂના પીએફ ખાતાને સરળતાથી મર્જ કરી શકશો. આ ઉપરાંત, ભવિષ્યમાં પીએફના નાણાં સીધા તમારા UPI આઈડી પર ટ્રાન્સફર કરવાની તૈયારીઓ પણ ચાલી રહી છે.
ઘણીવાર નોકરી બદલતી વખતે કર્મચારીઓ પાસે બે અલગ-અલગ યુનિવર્સલ એકાઉન્ટ નંબર (UAN) થઈ જાય છે, જેના કારણે પીએફ ટ્રાન્સફરમાં મુશ્કેલી આવે છે. જો કે, હવે તમે ઈમેઈલ દ્વારા પણ જૂના UAN ને બંધ કરાવી શકો છો. આ માટે તમારે uanepf@epfindia.gov.in પર એક મેઈલ મોકલવો પડશે, જેમાં તમારા વર્તમાન અને જૂના UAN ની જાણકારી આપવાની રહેશે.
વેરિફિકેશન પછી 'EPFO' જૂના નંબરને બ્લોક કરી દેશે. ત્યારબાદ તમે હાલના UAN દ્વારા સરળતાથી જૂના ફંડને નવા ખાતામાં ટ્રાન્સફર કરવાનો ક્લેમ કરી શકો છો. જો તમે ઓનલાઇન પોર્ટલ દ્વારા બે પીએફ ખાતાઓને જોડવાની વિનંતી (Request) સબમિટ કરો છો. ધ્યાન રાખો કે, આ માટે તમારા વર્તમાન એમ્પ્લોયર (કંપની) ની મંજૂરી અનિવાર્ય છે.
કંપની દ્વારા તમારી રિક્વેસ્ટ સ્વીકારવામાં આવે છે, તો 'EPFO' પ્રોસેસને આગળ વધારતા જૂના ખાતાની રકમ નવા ખાતામાં શિફ્ટ કરી દેશે. 'EPFO' ના ઈતિહાસમાં સૌથી મોટો ફેરફાર એપ્રિલ 2026 સુધીમાં જોવા મળી શકે છે.
કેન્દ્રીય શ્રમ મંત્રાલય એક આધુનિક સિસ્ટમ પર કામ કરી રહ્યું છે, જેના દ્વારા લગભગ 8 કરોડ સભ્યો સીધા UPI નો ઉપયોગ કરીને પોતાના પીએફ ખાતામાંથી પૈસા ઉપાડી શકશે. આ પગલાનો મુખ્ય ઉદ્દેશ્ય ક્લેમ સેટલમેન્ટના સમયને ઘટાડવાનો અને ઉપાડની પ્રક્રિયાને વધુ પારદર્શક તેમજ ઝડપી બનાવવાનો છે.
