અમરેલીમાં નાઈટ કોમ્બિંગ દરમિયાન ભાવનગર રેન્જ આઈજીપી ગૌતમ પરમારની સરપ્રાઈઝ વિઝિટથી પોલીસ બેડામાં મચી દોડધાામ- Photos
અમરેલી જિલ્લામા પોલીસના નાઈટ કોબિંગ દરમ્યાન ભાવનગર રેન્જ આઈજીપી ગૌતમ પરમાર અડધી રાતે સરપ્રાઈઝ ચેકીંગ કરવા પહોંચ્યા હતા, તેમની સરપ્રાઈઝ વિઝિટથી અમરેલી પોલીસ બેડામાં દોડધમ મચી ગઈ હતી. આ દરમિયાન રેન્જ આઈજીપી એ તમામ પોલીસ પોઈન્ટની મુલાકાત કરી હતી.
ભાવનગર રેન્જ આઈજીપી ગૌતમ પરમારની સરપ્રાઈઝ વિજીટ દરમ્યાન હાઇવે ઉપર બેરીકેટ લગાવ્યા ન હતા. જેના કારણે જરૂરી સૂચનાઓ આપવામાં આવી હતી. આ ઉપરાંત કોબિંગ નાઈટ હોવાને કારણે એ.એસ.પી.વલય વૈદ્ય,ડી.વાય.એસ.પી.કક્ષાના અધિકારીઓ અલગ અલગ તાલુકા મથક પર એલર્ટ મોડમાં જોવા મળ્યા હતા.
ભાવનગર રેન્જ આઈજીએ કંટ્રોલરૂમની કામગીરીની પણ સમીક્ષા કરી હતી. 100 નંબર પર આવતા કોલને કેવી રીતે અટેન્ડ કરવા, તેનુ જરૂરી માર્ગદર્શન પૂરુ પાડ્યુ. લોકોના કોલ આવે તો સામેવાળાને કેવી રીતે જવાબ આપવા, કેવી રીતે વાતચીત કરવી તે કંટ્રોલ પર કોલ કરી સૂચના આપવામાં આવી હતી.
છેલ્લા કેટલાક દિવસોથી રેન્જ આઈજીપીની અમરેલી જિલ્લામાં અવરજવર વધી છે, છેલ્લા થોડા દિવસોથી તેઓ સતત પોલીસ અધિકારીઓ સાથે બેઠકો યોજી કડક સૂચના આપી રહ્યા છે અને કાયદો વ્યવસ્તા જળવાઈ રહે તે માટે કડક આદેશો બાદ જાતે જ સરપ્રાઈઝ ચેકિંગ કરી રહ્યા છે. Input credit- Jaudev Lathi- Amreli
Published On - 4:12 pm, Tue, 4 March 25
