કેળના પત્તામાં ભોજન શા માટે કરવું જોઈએ? ફાયદા જાણીને તમે પણ ચોંકી જશો
કેળના પત્તા પર ભોજન પીરસવાની પરંપરા સદીઓ જૂની છે. આજે પણ ભારતના ઘણા રાજ્યોમાં આ પ્રથાનું પાલન કરવામાં આવે છે. આ માત્ર પર્યાવરણ માટે જ લાભદાયક નથી પરંતુ આપણા શરીર માટે પણ ફાયદાકારક છે.
દક્ષિણ ભારતના કલ્ચરમાં કેળના પાનમાં ભોજન કરવું એ માત્ર પરંપરા કે પર્યાવરણ પ્રત્યેના સન્માનનું પ્રતીક જ નથી પરંતુ તે સ્વાસ્થ્ય માટે પણ અત્યંત ફાયદાકારક માનવામાં આવે છે. અહીં કેળના પાન પર પીરસવામાં આવતા ભોજનનું મહત્વ ખૂબ જ ખાસ છે.
કેળના પાનમાં રહેલા નેચરલ એન્ટીઓક્સીડેન્ટ અને એન્ટી-બેક્ટેરિયલ ગુણો ખાવાની સાથે શરીરમાં પહોંચે છે, જેનાથી પાચન સુધરે છે અને ઇમ્યુનિટી (રોગપ્રતિકારક શક્તિ) મજબૂત થાય છે. આ ઉપરાંત, ગરમ ખોરાક પીરસવાથી પાનમાંથી નીકળતા પોષક તત્વો ભોજનનો સ્વાદ અને પૌષ્ટિકતા પણ વધારી દે છે, જેના કારણે આ પદ્ધતિ સ્વાસ્થ્ય અને સ્વાદ બંને માટે લાભદાયી સાબિત થાય છે.
આજના સમયમાં જ્યાં મોટાભાગના ઘરોમાં માત્ર ફેન્સી વાસણનો ઉપયોગ થાય છે, ત્યાં દક્ષિણ ભારત સહિત દેશના અનેક રાજ્યોમાં આજે પણ લોકો કેળના પાનમાં ભોજન કરે છે. આ પ્રથા સદીઓ જૂની છે, જેનું આજે પણ ખૂબ જ સારી રીતે પાલન કરવામાં આવે છે. કેળના પાનમાં જમવું એ માત્ર એન્વાયરમેન્ટ-ફ્રેન્ડલી (પર્યાવરણને અનુકૂળ) વિકલ્પ જ નથી પરંતુ તેનાથી ઘણા સ્વાસ્થ્ય લાભ પણ મળે છે. ખાસ વાત એ છે કે, આ ફાયદા જાણ્યા પછી તમે પણ પ્લાસ્ટિક અને સ્ટીલના વાસણોમાં જમવાનું છોડી દેશો.
કેળના પાનમાં નેચરલ રીતે એન્ટીઓક્સીડેન્ટ અને રોગાણુનાશક સંયોજનો (Antimicrobial Compounds) રહેલા હોય છે, જે હાનિકારક બેક્ટેરિયા સામે લડવામાં મદદ કરે છે. આના કારણે તમે બીમારીઓથી બચો છો. આ સાથે જ કેળાના પાનની સપાટી પર રહેલા તત્વો બેક્ટેરિયાને વધવા દેતા નથી, જેનાથી આહાર સ્વચ્છ અને સુરક્ષિત રહે છે.
કેળના પાનમાં પોલીફેનોલ્સ જોવા મળે છે, જે એક ખૂબ જ પાવરફુલ એન્ટીઓક્સીડેન્ટ છે. એક રિપોર્ટ મુજબ, આ એન્ટીઓક્સીડેન્ટ સોજો (Inflammation) ઓછો કરવામાં અને કોષોને નુકસાન (Cell Damage) થતું અટકાવવામાં મદદ કરે છે. આ સાથે જ, તેની મદદથી તમે હૃદયરોગ, ડાયાબિટીસ, કેન્સર અને ન્યુરોડીજનરેટિવ જેવી ગંભીર તેમજ લાંબાગાળાની બીમારીઓથી બચી શકો છો.
આ ઉપરાંત, જ્યારે તમે કેળના પાનમાં ભોજન કરો છો, ત્યારે તેનાથી તમારા ગટ હેલ્થ (પાચનતંત્રના સ્વાસ્થ્ય) ને પણ ફાયદો મળે છે. આમાં નેચરલ એન્ઝાઇમ્સ અને ફાઈબર જોવા મળે છે, જે આહારને પચાવવામાં ખૂબ જ મદદરૂપ સાબિત થાય છે.
કેળના પાનમાં રહેલા એન્ટીઓક્સીડેન્ટ અને પોલીફેનોલ્સ શરીરની રોગપ્રતિકારક શક્તિ (ઇમ્યૂન સિસ્ટમ) ને મજબૂત બનાવવામાં મદદ કરે છે. ખાસ વાત એ છે કે, આનાથી તમારા શરીરને ચેપ અને બેક્ટેરિયા સામે લડવામાં મદદ મળે છે.
કેળના પાન પર જ્યારે ગરમ ભોજન રાખવામાં આવે છે, ત્યારે તેની સપાટીમાંથી હળવી, માટી જેવી સુગંધ નીકળે છે. આ સુગંધ સાંભાર, રસમ અને ચોખા જેવી પરંપરાગત વાનગીઓના સ્વાદને વધારે છે.
Published On - 12:43 pm, Thu, 15 January 26
