રસોઈ બન્યા પછી કેટલા કલાકમાં ખાઈ લેવું જોઈએ ? જાણો આયુર્વેદ શું કહે છે
આયુર્વેદના સિદ્ધાંતો મુજબ, બચેલો ખોરાક ખાવું ટાળવું જોઈએ, કારણ કે તે શરીરના સ્વાસ્થ્ય પર નકારાત્મક અસર કરી શકે છે. ખાસ કરીને, સવારના સમયે રાત્રિનું બચેલું ભોજન અથવા રાત્રે દિવસનું બચેલું ખોરાક લેવાથી અનેક તકલીફો થઈ શકે છે. ચાલો જાણીએ, આયુર્વેદ શાસ્ત્રમાં આ ખોરાક ન ખાવાના ત્રણ મુખ્ય કારણો શું જણાવ્યા છે.
આયુર્વેદના સિદ્ધાંતો મુજબ, બચેલો ખોરાક ખાવાથી શરીરમાં દોષોનું અસંતુલન અને પાચન સંબંધિત તકલીફો ઊભી થઈ શકે છે. આયુર્વેદમાં ઉલ્લેખિત ત્રણ દોષો, વાત, પિત્ત અને કફ માંથી વાત દોષ પાચન પ્રક્રિયા સાથે સૌથી વધુ સંકળાયેલો છે. જ્યારે વાસી અથવા લાંબા સમય સુધી રાખેલો ખોરાક લેવાય છે, ત્યારે વાત દોષમાં અસંતુલન થવાની શક્યતા વધી જાય છે. તે ઉપરાંત, બચેલા ખોરાકમાં સમય જતા બેક્ટેરિયા અને જંતુઓ ઝડપથી વધવા લાગે છે, જે આરોગ્ય માટે હાનિકારક બની શકે છે. સાથે સાથે, ખોરાકમાં રહેલા પોષક તત્વો ધીમે ધીમે નાશ પામે છે, જેના કારણે તે શરીરને પૂરતું પોષણ આપી શકતો નથી. આ કારણસર, આયુર્વેદ સૂચવે છે કે રસોઈ કર્યા બાદ એક કલાકની અંદર ખોરાકનું સેવન કરવું શ્રેષ્ઠ ગણાય છે, જેથી શરીરને સંપૂર્ણ પોષણ અને ઊર્જા મળી શકે. ( Credits: AI Generated )
યોગ અને આયુર્વેદના સિદ્ધાંતો મુજબ, તમે જે ખોરાક બનાવો છો, તે તમારી શારીરિક અને માનસિક સ્થિતિ પર સીધી અસર કરે છે. જો તમે તાજો, પૌષ્ટિક અને સાત્વિક ખોરાક લો, તો શરીરને ઊર્જા મળે છે અને મન શાંત રહે છે. તેના વિપરીત, વાસી, જંક અથવા રાજસિક ખોરાકનું સેવન કરવાથી શરીરમાં આળસ, ચીડિયાપણું અને ગુસ્સો વધે છે. તેથી, સંતુલિત આરોગ્ય અને સકારાત્મક મનોદશા માટે હંમેશા તાજો અને ગરમ ખોરાક ખાવાની સલાહ આપવામાં આવે છે. ( નોંધ: અહીં આપવામાં આવેલી માહિતી પબ્લિક ડોમેન પરથી લેવામાં આવી છે, જે ફક્ત તમારી જાણકારી માટે છે.) ( Credits: AI Generated )
