‘Happy Retirement…’ રોહિત શર્મા અને વિરાટ કોહલીને કોણે કહી દીધુ આવુ ? જાણો
બોર્ડર-ગાવસ્કર ટ્રોફી 2024-25 રોહિત શર્મા અને વિરાટ કોહલી માટે અત્યાર સુધી ખૂબ જ ખરાબ રહી છે. મેલબોર્ન ટેસ્ટમાં પણ આ દિગ્ગજ ખેલાડીઓ મોટી ઇનિંગ્સ રમવામાં નિષ્ફળ રહ્યા હતા. જેના કારણે ટીમ ઈન્ડિયાનું ટેન્શન વધી ગયું છે. આ બંને ખેલાડીઓ છેલ્લા કેટલાક સમયથી ખૂબ જ ખરાબ તબક્કામાંથી પસાર થઈ રહ્યા છે.
ટીમ ઈન્ડિયાના દિગ્ગજ બેટ્સમેન રોહિત શર્મા અને વિરાટ કોહલીનું ખરાબ ફોર્મ યથાવત છે. મેલબોર્ન ટેસ્ટમાં પણ આ ખેલાડીઓના બેટમાંથી રનનો વરસાદ જોવા નથી મળ્યો. આ બંને ખેલાડીઓ પોતાની ટેસ્ટ કારકિર્દીના અંતિમ તબક્કામાં છે. આવી સ્થિતિમાં તેના માટે આ પ્રવાસ ઘણો મહત્વનો છે.
જો કે રોહિત અને વિરાટ આ મોટી તકનો ફાયદો ઉઠાવવામાં નિષ્ફળ રહ્યા છે. ઓસ્ટ્રેલિયા પ્રવાસ દરમિયાન ટીમ ઈન્ડિયામાં ફેરફારની માગ ઘણી વખત ઉઠી છે અને માનવામાં આવી રહ્યું છે કે આ દિગ્ગજ ખેલાડીઓમાંથી એક ટેસ્ટ ફોર્મેટ છોડી શકે છે.
ટીમ ઈન્ડિયા માટે મેલબોર્ન ટેસ્ટમાં વિજય ખૂબ જ મહત્વપૂર્ણ છે, નહીં તો વર્લ્ડ ટેસ્ટ ચેમ્પિયનશિપની ફાઇનલમાં પહોંચવાનું સપનું ચકનાચૂર થઈ શકે છે. પરંતુ આ મોટી મેચમાં રોહિત શર્મા અને વિરાટ કોહલી સંપૂર્ણ રીતે ફ્લોપ રહ્યા હતા. રોહિત શર્માએ મેલબોર્ન ટેસ્ટના પ્રથમ દાવમાં 3 રન બનાવ્યા હતા. બીજી ઈનિંગમાં પણ તે માત્ર 9 રનનું જ યોગદાન આપી શક્યો હતો.
બીજી તરફ વિરાટ કોહલી પણ ફ્લોપ રહ્યો હતો. પ્રથમ દાવમાં 36 રન બનાવ્યા બાદ બીજી ઈનિંગમાં તે માત્ર 5 રન જ બનાવી શક્યો હતો. આ ખરાબ પ્રદર્શન બાદ હવે રોહિત અને વિરાટ ચાહકોના નિશાના પર આવી ગયા છે.
ભારતીય ચાહકો સોશિયલ મીડિયા પર રોહિત શર્મા અને વિરાટ કોહલીને નિવૃત્તિ પર અભિનંદન આપી રહ્યા છે. એટલે કે ચાહકો માને છે કે આ બંને ખેલાડીઓની ટેસ્ટ કારકિર્દી હવે પૂરી થઈ ગઈ છે અને ભવિષ્યમાં તેઓ ટેસ્ટ રમતા જોવા નહીં મળે.
આ બંને ખેલાડીઓની નિવૃત્તિને લઈને સોશિયલ મીડિયા પર ઘણી પોસ્ટ વાયરલ થઈ રહી છે અને હેશટેગ '#HappyRetirement' ટ્રેન્ડ થઈ રહ્યો છે. વિરાટનો ફોટો શેર કરતા એક યુઝરે લખ્યું, 'હેપ્પી રિટાયરમેન્ટ વિરાટ કોહલી.'
તે જ સમયે એક યુઝરે રોહિત માટે લખ્યું, 'રોહિત અને વિરાટે ટેસ્ટમાંથી નિવૃત્તિ લીધી! યાદો માટે આભાર. નિવૃત્તિની શુભેચ્છા.
Published On - 8:39 am, Mon, 30 December 24