અનિલ અંબાણીને મોટો ફટકો, રિલાયન્સ પાવરના શેર તૂટ્યા, 3 વર્ષના પ્રતિબંધને કારણે વધી સમસ્યાઓ
અનિલ અંબાણીની કંપની રિલાયન્સ પાવરનો શેર 5% ઘટીને 41.47 રૂપિયા પર આવી ગયો છે. સોલાર એનર્જી કોર્પોરેશને રિલાયન્સ પાવર, તેની પેટાકંપનીઓ અને રિલાયન્સ NU BESS પર 3 વર્ષ માટે ટેન્ડરમાં ભાગ લેવા પર પ્રતિબંધ મૂક્યો છે.
શુક્રવારે બજાર ખુલતાની સાથે જ અનિલ અંબાણીની કંપની રિલાયન્સ પાવરના શેરમાં કડાકો બોલી ગયો છે. BSEમાં રિલાયન્સ પાવરનો શેર 5% ઘટીને રૂ. 41.47 થયો છે. વાસ્તવમાં આ સમાચારથી અનિલ અંબાણીની કંપનીઓને મોટો ઝટકો લાગ્યો છે.
સરકારી કંપની સોલર એનર્જી કોર્પોરેશન ઓફ ઈન્ડિયા (SECI) એ રિલાયન્સ પાવર લિમિટેડ, તેની પેટાકંપનીઓ અને રિલાયન્સ NU BESS લિમિટેડને કંપની દ્વારા જારી કરાયેલા ટેન્ડરોમાં ભાગ લેવા પર 3 વર્ષ માટે પ્રતિબંધ મૂક્યો છે.
આ કારણસર સરકારી કંપની પર પ્રતિબંધ મુકવામાં આવ્યો છે- સોલાર એનર્જી કોર્પોરેશન ઓફ ઈન્ડિયા (SECI) એ જૂનમાં એક ટેન્ડર બહાર પાડ્યું હતું, આ ટેન્ડરમાં અનિલ અંબાણીની કંપનીઓ દ્વારા કથિત રીતે નકલી દસ્તાવેજો રજૂ કરવામાં આવ્યા હોવાનું સામે આવ્યું છે. આ પછી સરકારી કંપનીએ આ પ્રતિબંધ લગાવ્યો છે. આ ટેન્ડરમાં, સોલાર એનર્જી કોર્પોરેશને 1000 MW/2000 MWh સ્ટેન્ડઅલોન બેટરી એનર્જી સ્ટોરેજ સિસ્ટમ (BESS) પ્રોજેક્ટ સ્થાપવા માટે ટેન્ડરો આમંત્રિત કર્યા હતા. આ ઘટના પ્રકાશમાં આવ્યા બાદ ટેન્ડર પ્રક્રિયા રદ કરવામાં આવી છે.
સોલાર એનર્જી કોર્પોરેશને જણાવ્યું છે કે મહારાષ્ટ્ર એનર્જી જનરેશન લિમિટેડ (હવે રિલાયન્સ એનયુ બીઈએસએસ લિમિટેડ નામ આપવામાં આવ્યું છે) દ્વારા સબમિટ કરાયેલા દસ્તાવેજોની ચકાસણીમાં જાણવા મળ્યું છે કે અર્નેસ્ટ મની ડિપોઝિટ (EMD) ના બદલામાં બેંક ગેરંટીનું સમર્થન નકલી હતું. રિલાયન્સ પાવર, તેની પેટાકંપનીઓ અને રિલાયન્સ NU BESS લિમિટેડ પરનો પ્રતિબંધ 6 નવેમ્બર, 2024થી લાગુ થશે.
અંબાણીની કંપની રિલાયન્સ પાવરે તાજેતરમાં જણાવ્યું હતું કે તેની એકમ રોઝા પાવર સપ્લાય કંપનીએ સિંગાપોર સ્થિત ધિરાણકર્તા વર્ડે પાર્ટનર્સ પાસેથી રૂ. 485 કરોડની બીજી લોન ચૂકવી છે. ઉપરાંત, રોઝા પાવર હવે ઝીરો-ડેટ કંપની બની ગઈ છે. રોઝા પાવરને ઝીરો-ડેટ સ્ટેટસ મળ્યું છે. કંપનીએ વર્ડે પાર્ટનર્સની રૂ. 1318 કરોડની સંપૂર્ણ લોન ચૂકવી દીધી છે. સપ્ટેમ્બરમાં રોઝા પાવરે વર્ડે પાર્ટનર્સને રૂ. 833