America work permit : અમેરિકામાં વર્ક પરમિટ ઓટો રિન્યુઅલ નહીં થાય ! આ વિઝા ધારકો માટે વધી મુશ્કેલી
અમેરિકામાં તાજેતરમાં, રોજગાર અધિકૃતતા (વર્ક પરમિટ) માટે ઓટોમેટિક રિન્યુઅલ સમયગાળો 180 દિવસથી વધારીને 540 દિવસ કરવામાં આવ્યો હતો. પરંતુ હવે બે રિપબ્લિકન સેનેટરોએ આ નિયમને ઉથલાવી દેવાનો પ્રસ્તાવ રજૂ કર્યો છે, જે ભારતીય H-1B અને L-1 વિઝા ધારકો માટે મુશ્કેલી ઊભી કરી શકે છે.
ભારતીયો પર આની કેવી અસર થશે તેની વાત કરવામાં આવે તો, H-1B અને L-1 વિઝા ધારકોમાં ભારતીય નાગરિકોની સંખ્યા નોંધપાત્ર છે. 2023માં, યુ.એસ. દ્વારા 76,671 L-1 વિઝા અને 83,277 L-2 વિઝા જારી કરવામાં આવ્યા, જેમાં મોટો હિસ્સો ભારતીયોને મળ્યો. H-1B વિઝા માટે 72% વીઝા ભારતીયોને જારી કરાયા.
શા માટે આ ફેરફાર મહત્વનો છે? તો વર્ક પરમિટ ઓટોમેટિક રિન્યુઅલ ભારત સહિત ઘણા દેશોના વ્યાવસાયિકો માટે અતિ મહત્વપૂર્ણ છે. વિઝા ધારકો માટે નોકરી અને રોકાણ અંગે અસ્થિરતા વધી શકે છે. ભારતીય ટેક ઉદ્યોગ પર મોટી અસર પડશે, કારણ કે યુ.એસ.માં ઘણા ભારતીયો IT અને ટેક ક્ષેત્રમાં કાર્યરત છે.
આ નિયમ અંગેનો વિવાદ H-1B અને L-1 વિઝા ધારકો માટે મહત્ત્વનો બની શકે છે. જો ઓટોમેટિક રિન્યુઅલ રદ થાય, તો ભારતીય વ્યાવસાયિકો અને તેમના કુટુંબો માટે નોકરી અને રોકાણ અંગે નવી મુશ્કેલીઓ ઊભી થઈ શકે છે.
Published On - 9:28 pm, Thu, 6 February 25
