Alia Bhatt Cannes 2026: કાન્સમાં આલિયા ભટ્ટનો શાનદાર એન્ટ્રી લુક વાયરલ, મિન્ટ-ગ્રીન ગાઉનમાં ચાહકો થયા દીવાના
બોલિવૂડ અભિનેત્રી Alia Bhattએ કાન્સ ફિલ્મ ફેસ્ટિવલ 2026માં પોતાના સ્વપ્નિલ અને એલેગન્ટ લુકથી સૌનું ધ્યાન ખેંચી લીધું છે. મિન્ટ-ગ્રીન ગાઉનમાં જોવા મળેલી આલિયાનો સિમ્પલ છતાં ગ્લેમરસ અંદાજ સોશિયલ મીડિયા પર ઝડપથી વાયરલ થઈ રહ્યો છે. ચાહકો તેની સુંદરતા અને સ્ટાઇલની ભરપૂર પ્રશંસા કરી રહ્યા છે.
Cannes Film Festival 2026 વિશ્વના સૌથી પ્રતિષ્ઠિત અને ચર્ચિત ફિલ્મ ફેસ્ટિવલ્સમાંનું એક માનવામાં આવે છે. આ વર્ષે ફેસ્ટિવલની 79મી આવૃત્તિ યોજાઈ રહી છે, જ્યાં વિશ્વભરના કલાકારો પોતાની કલા અને સંસ્કૃતિનું પ્રતિનિધિત્વ કરે છે. ભારતના અનેક સ્ટાર્સ પણ આ પ્રતિષ્ઠિત ઇવેન્ટમાં હાજરી આપવા પહોંચ્યા છે.
આલિયા ભટ્ટના કાન્સમાં હાજરી આપવા અંગે છેલ્લા ઘણા સમયથી ચર્ચાઓ ચાલી રહી હતી. હવે જ્યારે અભિનેત્રીનો પ્રથમ લુક સામે આવ્યો છે, ત્યારે સોશિયલ મીડિયા પર તેની જ ચર્ચા થઈ રહી છે. આલિયાની આકર્ષક સ્ટાઇલ અને આત્મવિશ્વાસભર્યા અંદાજે દરેકને મંત્રમુગ્ધ કરી દીધા છે.
ફ્રાન્સમાં યોજાઈ રહેલા કાન્સ ફિલ્મ ફેસ્ટિવલ દરમિયાન આલિયા એરપોર્ટ પર પણ ચાહકોની ભીડ વચ્ચે જોવા મળી હતી. ગયા વર્ષે તેણે કાન્સમાં ડેબ્યૂ કર્યું હતું અને ત્યારે પણ તેના લુકે ભારે ચર્ચા જગાવી હતી. આ વર્ષે પણ લોકો આતુરતાથી તેના નવા લુકની રાહ જોઈ રહ્યા હતા, જે હવે સામે આવી ગયો છે.
કાન્સ 2026માં આલિયા રંગબેરંગી અને રોમેન્ટિક ટચ ધરાવતા મિન્ટ-ગ્રીન ગાઉનમાં જોવા મળી હતી. અભિનેત્રીએ નાજુક સ્પાઘેટ્ટી સ્ટ્રેપ્સ અને ડીપ નેકલાઇનવાળો ભવ્ય મીડી બોલ ગાઉન પહેર્યો હતો. તેનો આ આખો લુક જાણે કોઈ રોમેન્ટિક ફિલ્મના દ્રશ્યમાંથી બહાર આવ્યો હોય તેવી લાગણી કરાવતો હતો.
ઘણા ફેશન પ્રેમીઓ આ ગાઉનને મરમેઇડ-ઇન્સ્પાયર્ડ લુક તરીકે વર્ણવી રહ્યા છે. ખાસ વાત એ છે કે, અગાઉની જેમ આ વખતે પણ આલિયાએ પોતાનો લુક ખૂબ જ મિનિમલ રાખ્યો હતો, જે લોકોનું ધ્યાન વધુ ખેંચવામાં સફળ રહ્યો છે.
કાન્સમાંથી આલિયાના ફોટોઝ સોશિયલ મીડિયા પર જોરદાર વાયરલ થઈ રહ્યા છે. ચાહકો સતત તેના લુકની પ્રશંસા કરતા જોવા મળી રહ્યા છે. નોંધનીય છે કે, આ બીજી વખત છે જ્યારે આલિયા ભટ્ટ કાન્સ ફિલ્મ ફેસ્ટિવલમાં હાજરી આપી રહી છે.
