Flower Show 2025 : આ વર્ષે ફ્લાવર શોમાં 10 લાખથી વધુ ફૂલો અને 30 થી વધુ સ્કલ્પચર્સ જોવા મળશે
અમદાવાદ મહાનગરપાલિકા આયોજીત ઇન્ટરનેશનલ ફ્લાવર શો 2025નો શુભારંભ થઈ ચુક્યો છે. મુખ્યપ્રધાન ભુપેન્દ્ર પટેલના હસ્તે રિવરફ્રન્ટ ખાતે ફ્લાવર શોનું ઉદ્ઘાટન કરાયું. આજથી 22 જાન્યુઆરી સુધી સાબરમતી રિવરફ્રન્ટ પર ફ્લાવર શોની જમાવટ જોવા મળશે.
અમદાવાદ મહાનગરપાલિકા આયોજીત ઇન્ટરનેશનલ ફ્લાવર શો 2025નો શુભારંભ થઈ ચુક્યો છે. મુખ્યપ્રધાન ભુપેન્દ્ર પટેલના હસ્તે રિવરફ્રન્ટ ખાતે ફ્લાવર શોનું ઉદ્ઘાટન કરાયું. આજથી 22 જાન્યુઆરી સુધી સાબરમતી રિવરફ્રન્ટ પર ફ્લાવર શોની જમાવટ જોવા મળશે.
ફ્લાવર શોમાં દેશના વિકાસ, સંસ્કૃતિ અને વારસાનું પ્રદર્શન જોવા મળશે. લગભગ 15 કરોડના ખર્ચે ફ્લાવર શોનું આયોજન કરાયું છે. જેમાં ફૂલોમાંથી વિવિધ સ્કલ્પચર બનાવવામાં આવ્યુ છે.
આ ફ્લાવર શોને વિવિધ 6 ભાગમાં વહેંચવામાં આવ્યો છે. 7 લાખથી વધુ રોપા સાથેની 400 ફૂટની ક્રેનિયલ વોલ પણ લોકોમાં આકર્ષણનું કેન્દ્ર બની છે.
અહીં 10 લાખથી વધુ ફૂલો અને 30 થી વધુ સ્કલ્પચર્સ મુકવામાં આવ્યા છે. પ્રકૃતિ અને સંસ્કૃતિના સંગમ સમાન આ ફ્લાવર શૉ ની મુલાકાત પ્રવાસીઓને આકર્ષશે.
ભારતનો વિકાસ, સસ્ટેનેબલ ડેવલપમેન્ટ, ભારતીય સંસ્કૃતિ અને ઐતિહાસિક વિરાસત અને આપણા દેશમાં આગામી સમયમાં થનારા આયોજનો જેવા વિવિધ પાસાઓને અહીં અલગ-અલગ ઝોન બનાવીને ફૂલોના માધ્યમથી રજૂ કરવામાં આવ્યા છે.
ફ્લાવર શોમાં મુલાકાતીઓ માટે ટિકિટનો ભાવ સોમથી શુક્ર દરમિયાન 70 રૂપિયા રહેશે. જ્યારે શનિ-રવિ દરમિયાન ટિકિટ 100 રૂપિયા રહેશે.
અહીં વિવિધ સ્થળોએ QR કોડ સ્કેન કરીને જે-તે ફૂલ, સ્કલ્પચર કે ઝોન અંગેની માહિતી પણ મેળવી શકાય છે. આ વખતે ઘણાં કોર્પોરેટ અને સરકારી એકમો પણ આ ફ્લાવર શૉ માં ભાગીદાર બન્યા છે. અહીં બાળકો માટેના વિવિધ આકર્ષણો જેવા કે સોવેનિયર શોપ, નર્સરી, ફૂડ સ્ટોલ બધુ જ છે