પેટ્રોલ પંપ પર મળશે આ 8 સુવિધાઓ ફ્રી, જાણશો તો આજ સુધીના ખર્ચેલા પૈસાનો અફસોસ થશે
શું તમે જાણો છો કે પેટ્રોલ પંપ પર માત્ર તેલ જ નહીં, પણ બીજી અનેક સુવિધાઓ મફત મળે છે? હવા ભરવાથી લઈને ઈમરજન્સી કોલ સુધી, જાણો એવા 8 નિયમો જે દરેક ભારતીય વાહનચાલકે જાણવા જોઈએ.
શું તમે પણ પેટ્રોલ પંપ પર જતી વખતે ખિસ્સામાં છુટા પૈસા રાખો છો?ઘણીવાર આપણે એ જ્ઞાનના અભાવે પૈસા ચૂકવી દઈએ છીએ જે સેવાઓ હકીકતમાં આપણને ફ્રીમાં મળવી જોઈએ. ટાયરમાં હવા ભરાવવાથી લઈને ઈમરજન્સીમાં મેડિકલ હેલ્પ સુધી.
શું તમે પણ ટાયરમાં હવા ભરાવવાના 5-10 રૂપિયા ખર્ચો છો? સાવધાન! દરેક પેટ્રોલ પંપ પર વાહનમાં હવા ભરવાની સુવિધા મફત આપવી અનિવાર્ય છે. જો પંપનો સ્ટાફ તમારી પાસે પૈસા માંગે, તો તમે તેની ફરિયાદ કરી શકો છો.
હાઈવે પર મોંઘી મિનરલ વોટરની બોટલ ખરીદવાની જરૂર નથી. નિયમ મુજબ પેટ્રોલ પંપ માલિકે ગ્રાહકો માટે RO સિસ્ટમ અથવા ઠંડા પાણીના કૂલરની મફત વ્યવસ્થા કરવી જ પડે છે.
ગંદકી જોઈને મોઢું ન બગાડશો, પણ અવાજ ઉઠાવો! પેટ્રોલ પંપ પર શૌચાલય વાપરવાનો અધિકાર દરેક નાગરિકનો છે. જો બાથરૂમ ગંદુ હોય કે તેને તાળું મારેલું હોય, તો તમે પંપ લાયસન્સ રદ કરાવવા સુધીની તાકાત ધરાવો છો.
જો તમારો ફોન સ્વીચ ઓફ થઈ જાય અથવા કોઈ મુશ્કેલીમાં હોવ, તો પેટ્રોલ પંપ પરથી તમે ગમે ત્યાં એક કોલ બિલકુલ ફ્રીમાં કરી શકો છો. આ સેવા આપવી માલિક માટે બંધનકર્તા છે.
રસ્તામાં નાની-મોટી ઈજા થાય ત્યારે મોંઘી હોસ્પિટલ દોડવાને બદલે નજીકના પેટ્રોલ પંપ પર જાઓ. ત્યાં પ્રાથમિક સારવારની કિટ (Bandages અને જરૂરી દવાઓ) હંમેશા તૈયાર રાખવી પડે છે, જેની કોઈ ફી હોતી નથી.
પેટ્રોલ પંપ એ વિસ્ફોટક સ્થળ છે, તેથી ત્યાં ફાયર સેફ્ટીના સાધનો હોવા જ જોઈએ. જો કોઈ દુર્ઘટના સર્જાય, તો આ સાધનોનો ઉપયોગ કરવા માટે ગ્રાહકે કોઈ ચાર્જ ચૂકવવો પડતો નથી.
પંપ ક્યારે ખુલશે અને ક્યારે બંધ થશે, તેની વિગતવાર માહિતી આપતું બોર્ડ ત્યાં હોવું જ જોઈએ. આ પારદર્શિતા રાખવી એ પંપ સંચાલકની ફરજ છે જેથી ગ્રાહકો હેરાન ન થાય.
દરેક પંપ પર માલિકનું નામ અને કંપનીનો કોન્ટેક્ટ નંબર હોવો જોઈએ. જો ઉપરની કોઈ પણ સુવિધા તમને ન મળે, તો તમે pgportal.gov પર ઓનલાઈન અથવા ડાયરેક્ટ માલિકને ફરિયાદ કરીને તેમની શાન ઠેકાણે લાવી શકો છો.
