ફોનમાં બે સિમ લગાવવાના 5 ફાયદા, ફ્રોડથી બચાવશે અને સસ્તા રિચાર્જના કામમાં આવશે
ભારતમાં મોટાભાગના લોકો ડ્યુઅલ સિમ ફોનનો ઉપયોગ માત્ર બે નંબર રાખવા માટે જ કરે છે. પરંતુ જો આ ફીચરનો સમજદારીથી ઉપયોગ કરવામાં આવે તો તે તમારી પ્રાઇવેસી વધારવાની સાથે બેંકિંગ ફ્રોડ, ખરાબ નેટવર્કની સમસ્યા અને સ્પામ કોલ્સથી કાયમ માટે મુક્તિ અપાવી શકે છે. જાણો ડ્યુઅલ સિમ કાર્ડ વાપરવાના 5 સ્માર્ટ રસ્તા.
શું તમારા ફોનમાં પણ બે સિમ લાગે છે? સામાન્ય રીતે લોકો આ ફીચરનો ઉપયોગ માત્ર બે અલગ-અલગ નંબર રાખવા માટે જ કરે છે. જો કે, તમે તમારા ફોનના ડ્યુઅલ સિમ ફીચરનો ઉપયોગ જો 5 સમજદારીભર્યા રસ્તાઓથી કરો, તો તમે તમારી રોજિંદી જિંદગીને ઘણી સરળ, સુરક્ષિત અને વ્યવસ્થિત બનાવી શકો છો.
ડ્યુઅલ સિમ ફીચરની મદદથી તમે માત્ર તમારી પ્રાઇવેસીને જ બહેતર રીતે મેનેજ નથી કરી શકતા, પરંતુ નેટવર્કના કારણે થતી પરેશાનીમાંથી પણ કાયમ માટે છુટકારો મેળવી શકો છો. ચાલો ત્યારે તે રીતો વિશે એક-એક કરીને સમજીએ, જેની મદદથી તમે તમારા ફોનના ડ્યુઅલ સિમ ફીચરનો વધુ સારી રીતે ઉપયોગ કરી શકશો.
ખરાબ નેટવર્કની ચિંતાને કહો અલવિદા:ભારતમાં મુખ્યત્વે બે નેટવર્ક સૌથી વધુ મજબૂત છે. જો કે, બંને દેશના અલગ-અલગ વિસ્તારોમાં અલગ-અલગ પ્રકારનું પર્ફોર્મન્સ આપે છે. આવી સ્થિતિમાં તમે તમારા ફોનના ડ્યુઅલ સિમ ફીચરની મદદથી Jio અને Airtel બંનેના સિમ તૈયાર રાખી શકો છો.
હવે તમારે કરવાનું માત્ર એટલું જ છે કે તે નંબરને હંમેશા પ્રાઇમરી (મુખ્ય) રાખો જે તમારા ઘરની આસપાસ કે તે જગ્યાઓ પર વધુ સારું નેટવર્ક આપે છે, જ્યાં તમે વધુ સમય વિતાવો છો. વળી, બીજા સિમને સ્ટેન્ડબાય પર રાખો. તેમાં ડેટા કે વેલિડિટીના કેટલાક સસ્તા પેક રિચાર્જ કરાવીને તમે તેને ચાલુ રાખી શકો છો. જ્યારે ક્યારેય તમે એવી જગ્યાએ હોવ જ્યાં તમારું મુખ્ય સિમ નબળું પડે, ત્યાં સેટિંગ્સમાંથી તરત જ બીજા સિમ પર સ્વિચ કરી લો. આવું કરવાથી તમે ક્યારેય પણ 'નો નેટવર્ક' વાળી સ્થિતિમાં નહીં ફસાાઓ.
સ્પામ કોલ્સમાંથી મેળવો મુક્તિ: આજકાલ દરેક બીજી વેબસાઈટ પર લોગ-ઈન કરવાના બદલામાં મોબાઈલ નંબર માંગવામાં આવે છે. ત્યારબાદ તે નંબર પર જાહેરાતો અને સેલ્સવાળા કોલ્સ તેમજ મેસેજીસનો પૂર આવી જાય છે. આવા સમયે તમે ડ્યુઅલ સિમ ફીચરની મદદથી આને વધુ સારી રીતે મેનેજ કરી શકો છો. તમે તમારા બે નંબરોમાંથી એકને 'બર્નર નંબર' (સામાન્ય ઉપયોગ માટેનો નંબર) ની જેમ વાપરો. કોઈપણ મોલ, ડિલિવરી એપ કે અજાણી વેબસાઈટ્સ પર નંબર માંગવામાં આવે, તો આ જ નંબર આપો. આનાથી તમારો મુખ્ય નંબર સ્પામ કોલ્સથી ઘણો ખરો બચી જશે.
પર્સનલ અને વર્ક લાઈફમાં રાખો બેલેન્સ: ડ્યુઅલ સિમ ફીચરની મદદથી તમે તમારી પર્સનલ અને વર્ક લાઈફમાં પરફેક્ટ બેલેન્સ રાખી શકો છો. આ માટે બે ફોન નંબરોમાંથી એકને માત્ર તમારા મિત્રો, પરિવારના સભ્યો અથવા જેમને તમે વ્યક્તિગત રીતે ઓળખો છો તેમની સાથે જ શેર કરો. જ્યારે બીજા નંબરનો ઉપયોગ માત્ર પ્રોફેશનલ કામો માટે કરો. આનાથી ફોન આવવા પર તમે સમજી શકશો કે કોલ પર્સનલ છે કે પ્રોફેશનલ અને સાથે જ તમારા અંગત સમયે તમે પ્રોફેશનલ નંબરને બંધ રાખીને કામ અને ખાનગી જિંદગી વચ્ચે વધુ સારું સંતુલન બનાવી શકશો.
સસ્તા રિચાર્જના કામમાં આવશે: ફોનના ડ્યુઅલ સિમ ફીચરનો ઉપયોગ તમે દર મહિને મોબાઈલ રિચાર્જનો ખર્ચ ઓછો કરવા માટે પણ કરી શકો છો. આ માટે તમે એક નંબર પર સસ્તી કોલિંગ અને લાંબી વેલિડિટી જેમ કે 84 દિવસ કે 365 દિવસવાળો પ્લાન એક્ટિવ રાખી શકો છો. જ્યારે, બીજા નંબર માટે તે ટેલિકોમ કંપનીનું સિમ પસંદ કરી શકો છો જે તમને ઓછી કિંમતમાં વધુ ડેટા, અનલિમિટેડ 5G કે મફત OTT (જેમ કે નેટફ્લિક્સ, હોટસ્ટાર) ના ફાયદા આપી રહી હોય. આ કોમ્બિનેશનથી તમને ઓછા પૈસામાં કોલિંગ અને ડેટા બંનેની બેસ્ટ ઓફર મળી જશે.
સુરક્ષિત બેંકિંગ માટે કરો ઉપયોગ: આજકાલ ઓનલાઈન બેંકિંગ ફ્રોડ અને સિમ સ્વેપિંગ (Sim Swapping) જેવી ઘટનાઓ ખૂબ વધી ગઈ છે. સામાન્ય રીતે આપણે જે નંબર બધી જગ્યાએ શેર કરીએ છીએ, તે જ બેંક સાથે પણ લિંક હોય છે, જે સુરક્ષાની દ્રષ્ટિએ જોખમી છે. ડ્યુઅલ સિમ ફીચરનો ફાયદો ઉઠાવતા તમે તમારા એક નંબરને પૂરી રીતે 'સિક્રેટ બેંકિંગ નંબર' બનાવી શકો છો. આ નંબરને માત્ર તમારા બેંક ખાતાઓ, યુપીઆઈ (UPI) અને જરૂરી સરકારી દસ્તાવેજોમાં જ રજીસ્ટર કરો. આ નંબરને કોઈ પણ બહારની વ્યક્તિ, મિત્ર કે સોશિયલ મીડિયા પર ભૂલથી પણ શેર ન કરો. આનાથી તમારો નંબર લીક થવાની કે સ્કેમર્સની નજરમાં આવવાની શક્યતા નહિવત થઈ જશે.
Published On - 7:21 pm, Sat, 11 July 26
