આજે Tuesday નહીં Twosday છે, આજની તારીખ 22-02-2022 ને લઈને સોશિયલ મીડિયામાં યુઝર્સ આવી રીતે મનાવે છે આ સ્પેશિયલ દિવસ

સામાન્ય રીતે લોકો દિવસો કે તારીખો (Date) પર વધુ ધ્યાન આપતા નથી, પરંતુ સોશિયલ મીડિયા (Social Media) ના આ યુગમાં તારીખો સિવાય પણ ઘણી એવી વસ્તુઓ છે જેને લોકો ઉજવવા લાગ્યા છે. આજે 22 ફેબ્રુઆરી, 2022ની તારીખ છે અને તે દિવસ મંગળવાર એટલે કે Tuesday છે. લોકો આ દિવસને ખૂબ જ ખાસ માને છે. જો તમે આજની તારીખને અંકમાં લખો તો તે 22.02.2022 અથવા 22/2/22 લખવામાં આવશે. એવું લાગે છે કે આ નંબર ખાસ છે. આ જ કારણ છે કે આ તારીખ પર સોશિયલ મીડિયા પર લોકોમાં ઘણો ઉત્સાહ છે, કારણ કે આ તારીખના તમામ નંબરો 2 જ છે. એટલા માટે યુઝર્સે તેનું નામ Tuesday નહીં પણ Twosday રાખ્યું છે. આ એક અદ્ભુત સંયોગ છે કે આ તારીખ મંગળવારે આવે છે.

જો આપણે આજની તારીખ 22 ફેબ્રુઆરી 2022ને અંકમાં લખીએ તો તે ‘22022022’ થશે. હવે તમે આ તારીખને જમણી બાજુથી વાંચો કે ડાબેથી, તારીખ એક જ દેખાશે. લોકો તેને રેરેસ્ટ ડેટ માની રહ્યા છે. એક તારીખ જે ફરી ક્યારેય દેખાશે નહીં. આવી વિશિષ્ટ તારીખોને પેલિન્ડ્રોમ તારીખો (Palindrome date) કહેવામાં આવે છે, એટલે કે, તમે ગમે તે બાજુથી વાંચો, તેનો મતલબ સરખો જ નીકળશે

આજની તારીખની બીજી વિશેષતા એ છે કે આ આઠ અંકની તારીખમાં 2 અને 0 એ બે જ અંકો અહીં છે અને મોટાભાગની બે અંકની તારીખને ‘TWOS Day’ તરીકે પણ ઓળખવામાં આવે છે. એટલા માટે સોશિયલ મીડિયા યુઝર્સ આ ખાસ દિવસને ખાસ રીતે સેલિબ્રેટ કરી રહ્યાં છે અને અલગ-અલગ પ્રકારના મેસેજ શેર કરી રહ્યાં છે. ચાલો એક નજર કરીએ કેટલીક ખાસ ટ્વિટ્સ પર…

આ પણ વાંચો: Knowledge: શું તમે જાણો છો કે નાળિયેર તેલ આટલું મોંઘું કેમ છે અને તે કેવી રીતે બને છે?

આ પણ વાંચો: Knowledge: કોણીમાં વાગે તો કરંટ જેવો અનુભવ થાય છે, જાણો શું છે તેની પાછળનું કારણ