અમેરિકાના પ્રેસિડેન્ટ ડૉનાલ્ડ ટ્રમ્પ પહેલીવાર આવશે ગુજરાત. તેના માટે ટ્રમ્પ હાઉસ તરફથી લીલી ઝંડી મળી ગઈ છે. ટ્રમ્પ અને પીએમ મોદી 24થી 27 ફેબ્રુઆરી દરમિયાન ગુજરાતની મુલાકાતે આવશે. અને જે રીતે અમેરિકામાં હાઉડી મોદી કાર્યક્રમ યોજાયો હતો તે રીતે અમદાવાદના મોટેરા સ્ટેડિયમમાં ‘કેમ છો ટ્રમ્પ’ કાર્યક્રમ યોજાશે. જેને લઈ રાજ્ય સરકાર જોરશોરથી તૈયારીઓમાં લાગેલી છે.
મોટેરા ખાતે નવા બનેલા સરદાર પટેલ સ્ટેડિયમમાં બન્ને મહાનુભવો હાજર રહેશે અને એક લાખની જનમેદનીને સંબોધન કરશે. મોટેરા સ્ટેડિયમ ઉપરાંત સાબરમતી ખાતેના ગાંધી આશ્રમની પણ બંન્ને મહાનુભવો મુલાકાત લેશે. મોટેરા સ્ટેડિયમનો કાર્યક્રમ દિવસનો નક્કી કરવામાં આવી રહ્યો છે. ઈન્ટરનેશનલ પ્રોટોકોલ મુજબ ટ્રમ્પ માટે હોટલ બૂકિંગની પ્રક્રિયા પણ શરૂ કરાઈ છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો