કાશ્મીર મુદ્દે આખરે UNSCમાં પણ પાકિસ્તાનને મળી પછડાટ, જાણો UNSCએ શું આપ્યો જવાબ

જમ્મૂ-કાશ્મીરને બળજબરીપૂર્વક વૈશ્વિક મુદ્દો બનાવવાના પાકિસ્તાનના પ્રયત્નોને મોટો ઝટકો લાગ્યો છે. થોડા દિવસ પહેલા પાકિસ્તાને UNSC સમક્ષ અપીલ કરી હતી. હવે UNSCની અધ્યક્ષતા કરી રહેલા પોલેન્ડે કહ્યું કે દિલ્હી અને ઈસ્લામાબાદને ‘દ્વિપક્ષીય’ રીતે આ મુદ્દાનું નિરાકરણ શોધવુ પડશે.

ભારત-પાકિસ્તાનની વચ્ચે ચાલી રહેલા તણાવની વચ્ચે પોલેન્ડે પ્રથમ વખત પ્રતિક્રિયા આપી છે. પોલેન્ડના કહેવાથી પાકિસ્તાનના UNSCમાં કાશ્મીર મુદ્દો ઉઠાવવાના પ્રયત્નો થોડા સમય માટે ખત્મ થઈ ગયા છે.

UNSCમાં નથી પાકિસ્તાનનું કોઈ સાથી

પોલેન્ડ પહેલા UNSCના સ્થાયી સભ્ય રશિયાએ પણ સાફ કરી દીધુ હતુ કે ભારતે કલમ 370ને નાબૂદ કરવા માટેનો નિર્ણય ભારતીય બંધારણની પ્રક્રિયા અનુસાર જ કર્યો છે. પોલેન્ડ ઓગસ્ટ મહિના માટે UNSCનું અધ્યક્ષ છે. UNSC સભ્ય દેશોની વચ્ચે અધ્યક્ષતા દર મહિને બદલતુ રહે છે.

વિદેશ સચિવ પહેલા જ રાજદૂતોને આ વિશે જાણકારી આપી ચૂક્યા છે. વિદેશ મંત્રી એસ.જયશંકરે પોલેન્ડના વિદેશ મંત્રીને ફોન પણ કર્યો હતો. ભારતમાં પોલેન્ડના રાજદૂત એડમ બુરાકોવસ્કીએ વાતચીતમાં કહ્યું કે પોલેન્ડ આશા રાખે છે કે બંને દેશો ‘દ્વિપક્ષીય’ રીતે કોઈ નિરાકરણ લાવી શકે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

પોલન્ડને વિશ્વાસ છે કે વિવાદનો હલ માત્ર શાંતિપૂર્ણ રીતે જ થઈ શકે છે. યૂરોપિયન યૂનિયનની જેમ અમે ભારત અને પાકિસ્તાનની વચ્ચે વાતચીતના પક્ષમાં છીએ. પોલેન્ડના આ સ્ટેન્ડથી ભારતની સ્થિતી વધુ મજબૂત થઈ ગઈ છે. ભારતે કહ્યું કે કાશ્મીર મુદ્દો દ્વિપક્ષીય રીતે જ હલ થશે, જે રીતે 1972માં શિમલા કરાર અને 1999માં લાહોર ઘોષણામાં નક્કી કરવામાં આવ્યું હતું.

[yop_poll id=”1″]

આ પણ વાંચો: બેહરીનમાં પાકિસ્તાનીઓએ કાશ્મીર માટે યોજી રેલી, પોલિસે કરી કાર્યવાહી

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]