Vaccination In India : દેશને મળનારી છે ચાર નવી કોરોના વેક્સિન, દરરોજ લાગશે 1 કરોડ ડોઝ : ડો. વી.કે.પૉલ

Vaccination In India :  દેશમાં કોરોના (Corona)રસીની ઉપલબ્ધતા અંગે માહિતી આપતા એનઆઈટીઆઈ(NITI)આયોગના સભ્ય ડો. વી.કે.પૉલે જણાવ્યું હતું કે ભારતમાં ટૂંક સમયમાં 4 નવી રસી(Vaccine)આવી રહી છે. તેમણે એમ પણ માહિતી આપી હતી કે વધતા જતા ઉત્પાદનની સાથે સાથે કેન્દ્ર સરકાર દરરોજ 1 કરોડ લોકોને રસી આપવાની તૈયારી કરી રહી છે. રાજ્યો તરફથી રસીના અભાવની ફરિયાદો વચ્ચે તેમણે કહ્યું હતું કે રાજ્ય સરકારો કુલ ઉત્પાદના 25 ટકા હિસ્સો ખરીદે છે.

કેન્દ્ર સરકાર દેશમાં ઉત્પન્ન થતી રસીના 50 ટકા ખરીદી કરશે

ડો. વી.કે.પૉલે કહ્યું, “રાજ્યો અમારી રસી ઉત્પાદન ક્ષમતાને જાણે છે. જ્યારે તેઓએ કહ્યું કે તેઓ રસી પ્રાપ્તિમાં રાહત ઇચ્છે છે, ત્યારે નવી સિસ્ટમ શરૂ કરવામાં આવી હતી – કેન્દ્ર સરકાર દેશમાં ઉત્પન્ન થતી રસીના 50 ટકા ખરીદી કરશે, જે રાજ્યોને વિના મૂલ્યે આપવામાં આવશે અને તેને 45+ ના લોકો માટે ઉપયોગમાં લેવામાં આવશે . જ્યારે બાકીનો 50 ટકા હિસ્સો રાજ્ય સરકારો અને ખાનગી ક્ષેત્ર દ્વારા ખરીદવામાં આવશે. ”

એક જ દિવસમાં 43 લાખ ડોઝ શક્ય બનાવ્યા છે

રસીકરણની ગતિ વિશે, ડો. વી.કે.પૉલે કહ્યું, “આપણે દરરોજ 1 કરોડ ડોઝ લાગુ કરવાની તૈયારી કરવી પડશે.” આવનારા કેટલાક અઠવાડિયામાં આ શક્ય બનશે. આપણે તેની તૈયારી કરવી પડશે. અમે એક જ દિવસમાં 43 લાખ ડોઝ શક્ય બનાવ્યા છે આપણે તેને આવતા ત્રણ અઠવાડિયામાં 73 લાખ લઈ જવા જોઈએ. આ હાંસલ કરવા માટે આપણે એક સિસ્ટમ બનાવવી પડશે.

ભારત સરકારે દેશમાં રસીકરણ ને વેગ આપવા માટે એક મોટું પગલું ભર્યું

ઉલ્લેખનીય છે  કે , કોરોના (Corona)વાયરસની બીજી લહેર વચ્ચે ભારત સરકારે દેશમાં રસીકરણ ને વેગ આપવા માટે એક મોટું પગલું ભર્યું છે. વિદેશમાં ઉત્પાદિત અને ઉપયોગમાં લેવાયેલી  કોરોના(Corona)રસી માટે સરકારે ભારતમાં ફરજિયાત ટ્રાયલને રદ કરી દીધી છે. સરકારના આ પગલાથી વિદેશી રસી(Vaccine)ઓની આયાતને વેગ મળશે. સરકારે આ પગલું એવા સમયે લીધું છે. જ્યારે દેશમાં કોરોના(Corona)ની બીજી લહેર હોવા છતાં દરરોજ કોરોનાના નવા  2 લાખ નવા ચેપ લાગી રહ્યા છે અને અને દરરોજ સરેરાશ ચાર હજાર લોકો મૃત્યુ પામી રહ્યા છે. 

રશિયન રસી સ્પુટનિક વીને પણ સરકાર દ્વારા કટોકટીની મંજૂરી આપવામાં આવી

ભારતમાં, હાલમાં એસ્ટ્રાઝેનેકા અને ઓક્સફર્ડ યુનિવર્સિટી દ્વારા વિકસિત અને ઉત્પાદિત કોવિશિલ્ડ અને ભારત બાયોટેક-આઇસીએમઆરની  રસી(Vaccine)કોવેક્સિન દ્વારા લોકોને રસી આપવામાં આવી રહી છે. રશિયન રસી સ્પુટનિક વીને પણ સરકાર દ્વારા કટોકટીની મંજૂરી આપવામાં આવી છે. પરંતુ રશિયાથી ફક્ત અમુક લાખ ડોઝ રસી(Vaccine)જ આવી છે અને આગામી દિવસોમાં તે ભારતમાં બનાવવામાં આવશે.