હાલમાં NeoCov વાયરસ મનુષ્યમાં ફેલાવાનું જોખમ નહીં, પરંતુ સાવચેત રહેવાની જરૂર, જાણો શું કહી રહ્યા છે વૈજ્ઞાનિકો?
વૈજ્ઞાનિકોએ અહેવાલ આપ્યો છે કે જે લોકો પહેલા અથવા કોરોના રસી લીધા પછી સંક્રમિત થયા છે તેઓ NeoCoV અને PDF-2180-CoV થી સંક્રમિત થઈ શકે છે, પરંતુ ચિંતા કરવાની કોઈ વાત નથી.
છેલ્લા કેટલાક દિવસોથી ઈન્ટરનેટ પર એક નવા પ્રકારના NeoCov કોરોના વાઈરસના (Corona) સમાચારો વહેતા થઈ રહ્યા છે. એવો દાવો કરવામાં આવી રહ્યો છે કે NeoCov નામનો આ નવો વાયરસ દક્ષિણ આફ્રિકામાં ચામાચીડિયામાં મળી આવ્યો છે અને તે માનવ કોષોમાં પ્રવેશ કરી શકે છે. આ સમાચાર અહેવાલ દેખીતી રીતે એક ચાઈનીઝ સંશોધન પેપર પર આધારિત છે જેની સમીક્ષા કરવાની બાકી છે. વધુમાં NeoCoV પરની બધી અતિશયોક્તિપૂર્ણ વાતો અનુમાન પર આધારિત છે. NeoCov માત્ર ચામાચીડિયામાં જ જોવા મળે છે અને તે ક્યારેય માનવને ચેપ લાગ્યો નથી.
તેમના અભ્યાસમાં ચાઈનીઝ સંશોધકોએ શોધી કાઢ્યું કે NeoCoV દ્વારા ઉપયોગમાં લેવાતા બેટ રીસેપ્ટર્સ SARS-CoV2 દ્વારા માનવોને ચેપ લગાડવા માટે ઉપયોગમાં લેવાતા સમાન હતા. ત્રણમાંથી એક વ્યક્તિને મારવાની તેની ક્ષમતા ફક્ત એ હકીકત પર આધારિત છે કે તે MERS કોરોના વાઈરસ સાથે નજીકથી સંબંધિત છે. સંશોધન પેપર જણાવે છે કે MERS સંબંધિત કોરોનાવાયરસના વ્યાપક સમૂહ જેને Merbecoviruses કહેવાય છે, તેનો મૃત્યુદર લગભગ 35 ટકા છે.
‘સર્વેલન્સ જાળવવાની જરૂર છે, પરંતુ ચિંતા કરવાની કંઈ નથી’
ઈન્સ્ટીટ્યુટ ઓફ જીનોમિક્સ એન્ડ ઈન્ટીગ્રેટિવ બાયોલોજીના ડાયરેક્ટર ડો. અનુરાગ અગ્રવાલે જણાવ્યું હતું કે, “MERS વધુ ઘાતક હતું અને તે મનુષ્યોમાં પસાર થયું હતું, પરંતુ તેનાથી મહામારી થઈ ના હતી.” આપણી પાસે જે ઝડપથી આવે છે તે જરૂરી નથી કે તે રોગચાળો બની જાય. જો કે તે અત્યંત મહત્વપૂર્ણ છે કે આપણે ઝૂનોટિક પેથોજેન્સનું નિરીક્ષણ કરવાનું ચાલુ રાખીએ. જાગૃત રહેવું સારું છે, પરંતુ ચિંતા કરવા જેવું કંઈ નથી.
નિયોકોવના ચામાચીડિયાના માનવોમાં જવાનો હજુ કોઈ ખતરો નથી
હાલમાં ચામાચીડિયામાંથી માણસોમાં NeoCov પસાર થવાનો કોઈ ખતરો નથી. સંશોધકોએ નોંધ્યું હતું કે NeoCoV તેના વર્તમાન સ્વરૂપમાં મનુષ્યોને સંક્રમિત કરતું નથી, પરંતુ જો તે વધુ પરિવર્તિત થાય તો તે સંભવિતપણે નુકસાનકારક બની શકે છે. “આ અભ્યાસમાં અમને અણધારી રીતે જાણવા મળ્યું કે NeoCov અને તેના નજીકના સંબંધી PDF-2180-Cov માનવ શરીરમાં પ્રવેશવા માટે અમુક પ્રકારના ચામાચીડિયામાં ACE2નો અસરકારક રીતે ઉપયોગ કરી શકે છે,” સંશોધકોએ કહ્યું.. ‘ACE2 કોષો પર રિસેપ્ટર પ્રોટીન છે, જે કોષોને જોડવા અને સંક્રમિત કરવા માટે કોરોના વાયરસ માટે પ્રવેશ બિંદુ પ્રદાન કરે છે.
નિયોકોવ એ જૂનો વાયરસ છે
મહારાષ્ટ્ર રાજ્ય કોવિડ-19 ટાસ્ક ફોર્સના સભ્ય અને ઇન્ટરનેશનલ ડાયાબિટીસ ફેડરેશનના પ્રમુખ ડૉ. શશાંક જોશીએ NeoCov વિશે એક ટ્વિટમાં જણાવ્યું હતું કે, ‘NeoCov રહસ્યનો પર્દાફાશ 1. NeoCov એ જૂનો વાયરસ છે જે ‘મિડલ ઇસ્ટ રેસ્પિરેટરી સિન્ડ્રોમ’ (MERS)નું કારણ બને છે. નજીકથી સંકળાયેલ છે અને તે DPP4 રીસેપ્ટર્સ દ્વારા કોષોમાં પ્રવેશ કરે છે. 2. આ વાયરસમાં નવું શું છે.
આ પણ વાંચો : શું બજેટ 2022માં ચીન પર નિર્ભરતા ઘટાડવા અને આત્મનિર્ભર ભારત બનાવવા પર નિર્મલા સીતારમણ મુકશે ભાર?
આ પણ વાંચો : Photos: સારા અલી ખાન ભાઈ ઈબ્રાહિમ સાથે કાશ્મીરમાં માણી રહી છે વેકેશન, શેર કરી ખુબસુરત તસ્વીર
