Breaking News : કાશ્મીરના કુપવાડામાં સામાજીક કાર્યક્રર પર આતંકી હુમલો, હોસ્પિટલમાં દાખલ

જમ્મુ અને કાશ્મીરના પહેલગામમાં, ગત 22મી એપ્રિલે થયેલા આતંકી હુમલા બાદથી, પાકિસ્તાન તેના ઉશ્કેરણીજનક કાર્યોથી બાજ નથી આવી રહી રહ્યું. જમ્મુ અને કાશ્મીરના કુપવાડા જિલ્લામાં શંકાસ્પદ આતંકવાદીઓએ ગોળીબાર કર્યો હતો, એમ અધિકારીઓએ જણાવ્યું હતું. આ હુમલામાં 45 વર્ષીય સામાજિક કાર્યકર ઘાયલ થયા હતા.

અધિકારીઓએ જણાવ્યું હતું કે આતંકવાદીઓએ શનિવારે મોડી રાત્રે કાંડી ખાસમાં સામાજિક કાર્યકર ગુલામ રસૂલ માગરે પર તેમના નિવાસસ્થાનમાં ગોળીબાર કર્યો હતો. તેમણે જણાવ્યું કે આ ગોળીબારમાં ગુલામ રસૂલ માગરે ઘાયલ થયા હતા, ત્યારબાદ તેમને તાત્કાલિક હોસ્પિટલમાં લઈ જવામાં આવ્યા હતા. જોકે, આતંકવાદીઓએ સામાજિક કાર્યકર્તાને શા માટે નિશાન બનાવ્યા તે હજુ સુધી જાણી શકાયું નથી.

આતંકવાદીઓના ઘરો તોડી પડાયા

તાજેતરમાં 22 એપ્રિલના રોજ, જમ્મુ અને કાશ્મીરના પહેલગામમાં એક હુમલો થયો હતો. આ હુમલામાં 2 વિદેશી પ્રવાસીઓ સહિત 26 લોકોએ જીવ ગુમાવ્યા હતા. આ પછી, ભારતે પાકિસ્તાન સામે કાર્યવાહી કરી છે, જ્યાં એક તરફ વિઝા રદ કરવામાં આવ્યા છે. બીજી તરફ, ઘણા આતંકવાદીઓના ઘરો પણ તોડી પાડવામાં આવ્યા છે.

પહેલગામ આતંકવાદી હુમલાને પગલે, કાશ્મીરમાં અધિકારીઓએ આતંકવાદીઓ અને તેમના સમર્થકો સામે મોટા પાયે કાર્યવાહી શરૂ કરી છે, જેમાં આતંકવાદીઓના ઘરો તોડી પાડવામાં આવ્યા છે, આતંકીઓના છુપાવવાના સંભિવત ઠેકાણાઓ પર દરોડા પાડવામાં આવ્યા છે અને સેંકડો ઓવરગ્રાઉન્ડ કાશ્મીરીઓની પૂછપરછ માટે અટકાયત કરવામાં આવી છે, એમ અધિકારીઓએ શનિવારે જણાવ્યું હતું.

6 ઘર પર કાર્યવાહી કરવામાં આવી

છેલ્લા 48 કલાકમાં, આતંકવાદીઓ અથવા તેમના સહયોગીઓના ઘરો તોડી પાડવામાં આવ્યા છે, અધિકારીઓએ ચેતવણી આપી છે કે આતંકવાદી પ્રવૃત્તિઓમાં સામેલ અન્ય લોકો સામે પણ આવી જ કાર્યવાહી કરવામાં આવશે.

સુરક્ષા અધિકારીઓના જણાવ્યા અનુસાર, તોડી પાડવામાં આવેલા ઘરોમાં પુલવામાના અહસાન ઉલ હકનું ઘર પણ હતું, જેણે 2018 માં પાકિસ્તાનમાં તાલીમ લીધી હતી અને તાજેતરમાં જ ખીણમાં ઘૂસણખોરી કરી હતી. શોપિયાના લશ્કર-એ-તૈયબા (LeT) ના વરિષ્ઠ કમાન્ડર શાહિદ અહમદ કુટ્ટય વર્ષોથી રાષ્ટ્ર વિરોધી પ્રવૃત્તિઓમાં સામેલ હતો અને કુલગામના ઝાકિર અહમદ ગની 2023 થી આતંકવાદી સંબંધોના આરોપસર દેખરેખ હેઠળ છે. આ બધા લોકોના ઘરો પર કાર્યવાહી કરવામાં આવી છે.

અધિકારીઓએ જણાવ્યું કે કુપવાડાના કાલારૂસ વિસ્તારમાં ફારૂક અહેમદ તેડવા અને મિસ્કીન અહેમદ તેડવાના ઘરો ઉપર પણ કાર્યવાહી કરવામાં આવી છે. આ સાથે, ભારતીય સેના એલર્ટ મોડ પર છે અને પાકિસ્તાન દ્વારા સીઝ ફાયરનો ભંગ કરીને કરવામાં આવી રહેલા ગોળીબારના હુમલાઓનો જવાબ આપવામાં આવી રહ્યો છે.

જમ્મુ કાશ્મીર સહીત દેશભરના મહત્વના સમાચાર જાણવા માટે આપ અહીં ક્લિક કરો.