સુરતના એક બિઝનેસમેને સમગ્ર કોંગ્રેસ પાર્ટીને કર્યું ચેલેન્જ, કહ્યુ- હું તમારા ઘરના બધા જ કામ કરીશ, જો કોંગ્રેસ….

કોંગ્રેસના ઘણા નેતાઓએ અનેક વખત તેમના રાજકીય વિરોધીઓને તેમની શૈક્ષણિક લાયકાત પર સવાલ ઉઠાવીને બદનામ કરવાના પ્રયત્નો કરે છે. વડાપ્રધાન નરેન્દ્ર મોદી પર આ પ્રકારના આક્ષેપ ઘણી વખત કરવામાં આવ્યા છે. કોંગ્રેસ નેતાઓ દ્વારા કરવામાં આવતા આવા હુમલાનો જવાબ એક ટ્વિટર યુઝર દ્વારા આપવામાં આવ્યો છે.

કોંગ્રેસ સામે પડકાર કર્યો

એક લોકપ્રિય ટ્વિટર યુઝર ઋષિ બાગ્રીએ પીએમ મોદીની BA અને MA ડિગ્રીની અધિકૃતતા સ્થાપિત કરતો લેખ શેર કર્યો અને કોંગ્રેસ પાર્ટીને રાહુલ ગાંધી અને સોનિયા ગાંધીની શૈક્ષણિક ડિગ્રી જાહેર કરવા માટે પડકાર ફેંક્યો છે. ટ્વીટર પર મિસ્ટર સિંહા તરીકે જાણીતા સુરત સ્થિત બિઝનેસમેન રૌશન સિંહાએ રાહુલ ગાંધી અને સોનિયા ગાંધીની ડીગ્રી જાહેર કરવા માટે કોંગ્રેસ સામે પડકાર કર્યો છે.

મિસ્ટર સિંહા, સુરતમાં પ્લાસ્ટિક મેન્યુફેક્ચરિંગ કંપની, કુરિયર સર્વિસ અને એક જિમ ધરાવે છે, સાથે સોશિયલ મીડિયા કન્સલ્ટન્સી કંપની ચલાવે છે. તેમણે કોંગ્રેસના પ્રવક્તા સુપ્રિયા શ્રીનાતેને ચેલેન્જ કરી કે જો તેઓ રાહુલ ગાંધી અને સોનિયા ગાંધીની શૈક્ષણિક ડિગ્રી સોશિયલ મીડિયા પર પોસ્ટ કરશે, તો તે ટ્વિટર છોડી દેશે અને ગાંધી પરિવારના નિવાસસ્થાન 10 જનપથ ખાતે ઘરના બધા જ કામ કરશે.

મિસ્ટર સિન્હાએ રાહુલ ગાંધી અને સોનિયા ગાંધીની તેમની ચૂંટણી એફિડેવિટમાં દાખલ કરેલી શૈક્ષણિક વિગતોમાં ઘણી વિસંગતતાઓ પર પણ પ્રકાશ પાડ્યો છે. રાહુલ ગાંધી દ્વારા વિવિધ ચૂંટણીઓમાં સબમિટ કરાયેલા વિવિધ નામાંકનોનો અભ્યાસ કરવાથી તેમની શૈક્ષણિક લાયકાતમાં નોંધપાત્ર તફાવત જોવા મળે છે. તેમના સોગંદનામામાં રાહુલ ગાંધીએ ઉલ્લેખ કર્યો છે કે તેમણે 1989માં માધ્યમિક પરીક્ષા પાસ કરી હતી, 1994માં તેમની સ્નાતકની ડિગ્રી મેળવી હતી અને તે પછી 1995માં કેમ્બ્રિજ યુનિવર્સિટીની ટ્રિનિટી કોલેજમાંથી વિકાસ અભ્યાસમાં એમ.ફિલ. કર્યું હતું.

પરંતુ 2004ની લોકસભા ચૂંટણી માટેનું તેમનું એફિડેવિટ અલગ વાર્તા કહે છે, કારણ કે તેમાં માત્ર તેમની સીબીએસઈ અને એમફિલનો ઉલ્લેખ છે અને તેમાં કોઈ સ્નાતકની ડિગ્રીનો ઉલ્લેખ નથી. જો આપણે રાહુલ ગાંધીના 2004ના સોગંદનામા પર જઈએ તો, તેમણે માધ્યમિક શાળા પૂર્ણ કર્યા પછી એમફીલ કર્યું હતું.