સેનાની તાકાતમાં થશે વધારો, સંરક્ષણ મંત્રાલયે 7800 કરોડની ખરીદીને આપી મંજૂરી

Delhi: આજે ભારતના સંરક્ષણ દળોની (Ministry of Defense) તાકાતને વધારવા માટે રૂ. 7,800 કરોડની ખરીદીની દરખાસ્તોને મંજૂરી આપવામાં આવી હતી, જેમાં Mi-17 V5 હેલિકોપ્ટર માટે ઈલેક્ટ્રોનિક વોરફેર સ્યુટની ખરીદીનો પણ સમાવેશ થાય છે. સંરક્ષણ પ્રધાન રાજનાથ સિંહની આગેવાની હેઠળની ડિફેન્સ એક્વિઝિશન કાઉન્સિલ (ડીએસી) એ દરખાસ્તોને મંજૂરી આપી હતી.

સંરક્ષણ મંત્રાલયે કહ્યું કે DAC દ્વારા મંજૂર કરાયેલા પ્રસ્તાવોમાં ભારતીય નૌકાદળના 7.62×51 mm લાઈટ મશીન ગન (LMG) અને હથિયાર MH-60R હેલિકોપ્ટરની ખરીદીનો સમાવેશ થાય છે.

મંત્રાલયે એક નિવેદનમાં જણાવ્યું હતું કે સંરક્ષણ પ્રધાન રાજનાથ સિંહની અધ્યક્ષતામાં યોજાયેલી DAC બેઠકમાં આશરે રૂ. 7,800 કરોડના મૂલ્યની ખરીદીની દરખાસ્તોને મંજૂરી આપવામાં આવી હતી. ભારતીય વાયુસેનાની કાર્યક્ષમતા વધારવા માટે DACએ ભારતીય-IDDM શ્રેણી હેઠળ Mi-17 V5 હેલિકોપ્ટર પર ઈલેક્ટ્રોનિક વોરફેર (EW) સ્યુટની ખરીદી અને તૈનાતી માટે મંજૂરી આપી છે.

આ પણ વાંચો: Ajab Gajab News: લો બોલો ગજબ છે આ ગામડાનો રિવાજ કે જ્યાં દહેજમાં ના બુલેટ બાઈક કે રોકડા, અપાય છે ‘નાગરાજ’ !

સેના અને આર્મર્ડ રેજિમેન્ટ

EW સૂટ ભારત ઈલેક્ટ્રોનિક્સ લિમિટેડ (BEL) પાસેથી ખરીદવામાં આવશે. મંત્રાલયે જણાવ્યું હતું કે DAC એ સેના અને આર્મર્ડ રેજિમેન્ટ્સ માટે જમીન આધારિત સ્વાયત્ત પ્રણાલીઓની ખરીદીને પણ મંજૂરી આપી છે, માનવરહિત દેખરેખ, દારૂગોળો, બળતણ અને સ્પેર સપ્લાય અને યુદ્ધના મેદાનમાં જાનહાનિ ખાલી કરાવવા જેવા વિવિધ કાર્યોમાં મદદ કરશે.

એલએમજીની ખરીદી માટે મંજૂરી

નિવેદનમાં કહેવામાં આવ્યું છે કે 7.62×51 mm LMG અને બ્રિજ લેઈંગ ટેન્ક (BLT)ની ખરીદી માટેની દરખાસ્તોને પણ DAC દ્વારા મંજૂરી આપવામાં આવી છે. મંત્રાલયે કહ્યું કે એલએમજીને સામેલ કરવાથી સેનાની લડવાની ક્ષમતામાં વધારો થશે. BLT સાથે યાંત્રિક દળોની હિલચાલ ઝડપી થશે.

લેપટોપ અને ટેબ્લેટની ખરીદી

મંત્રાલયે કહ્યું કે પ્રોજેક્ટ શક્તિ હેઠળ ભારતીય સેના માટે લેપટોપ અને ટેબલેટ ખરીદવા માટે પણ મંજૂરી આપવામાં આવી છે. આ તમામ ખરીદી માત્ર સ્વદેશી વિક્રેતાઓ પાસેથી જ કરવામાં આવશે. નિવેદનમાં કહેવામાં આવ્યું છે કે, ભારતીય નૌકાદળના MH-60R હેલિકોપ્ટરની ઓપરેશનલ ક્ષમતાને વધારવા માટે, DAC એ હથિયારોની ખરીદી માટે મંજૂરી આપી છે.

રાષ્ટ્રીય તમામ સમાચાર વાંચવા માટે અહીં ક્લિક કરો