Breaking News: ઓઈલ કંપનીઓએ જાહેર કરી એડવાઈઝરી, શું ખરેખર દેશમાં પેટ્રોલ-ડીઝલની અછત સર્જાઈ છે?
મિડલ ઈસ્ટમાં ચાલી રહેલા તણાવ અને હોર્મુઝની ખાડીમાં સર્જાયેલા અવરોધો વચ્ચે ભારતમાં ઈંધણની અછતની અફવાઓએ જોર પકડ્યું છે. ગભરાટમાં આવીને લોકો પેટ્રોલ પંપ પર લાઈનો લગાવી રહ્યા છે, ત્યારે દેશની દિગ્ગજ ઓઈલ કંપનીઓએ સત્તાવાર નિવેદન જારી કરીને સ્થિતિ સ્પષ્ટ કરી છે.
છેલ્લા કેટલાક દિવસોથી ઈંધણના પુરવઠાને લઈને ફેલાયેલી ચિંતાઓને પગલે ભારત પેટ્રોલિયમ (BPCL), હિન્દુસ્તાન પેટ્રોલિયમ (HPCL) અને ઇન્ડિયન ઓઈલે મોરચો સંભાળ્યો છે. કંપનીઓએ સોશિયલ મીડિયા દ્વારા જનતાને અફવાઓથી દૂર રહેવા અપીલ કરી છે.
અફવાઓ પર પૂર્ણવિરામ
- BPCL: કંપનીએ સ્પષ્ટપણે જણાવ્યું છે કે પેટ્રોલ-ડીઝલની અછતની વાતો તદ્દન ખોટી છે. દરેક લોકેશન પર અનિરુદ્ધ પુરવઠો સુનિશ્ચિત કરવામાં આવી રહ્યો છે.
महत्वपूर्ण सूचना
पेट्रोल-डीजल की कमी की अफवाहें पूरी तरह गलत हैं। देशभर में ईंधन की पर्याप्त उपलब्धता है और आपूर्ति सामान्य है।
बीपीसीएल सभी स्थानों पर निर्बाध सप्लाई सुनिश्चित कर रहा है।
कृपया घबराएं नहीं और अनावश्यक खरीदारी से बचें। pic.twitter.com/0czLuQqzHH— Bharat Petroleum (@BPCLimited) March 25, 2026
- HPCL: કંપનીએ ખાતરી આપી છે કે પેટ્રોલ, ડીઝલ અને LPG નો પૂરતો સ્ટોક ઉપલબ્ધ છે. ગ્રાહકોએ ‘પેનિક બાઈંગ’ (ગભરાટમાં ખરીદી) કરવાનું ટાળવું જોઈએ.
प्रिय उपभोक्ता,
देशभर में पेट्रोल, डीज़ल और एलपीजी की कोई कमी नहीं है। ईंधन की आपूर्ति सामान्य है और पर्याप्त भंडार उपलब्ध है।उपभोक्ताओं से अनुरोध है कि अफवाहों पर ध्यान न दें और घबराकर खरीदारी न करें। कृपया सामान्य रूप से ही ईंधन लें।
एचपीसीएल अपने नेटवर्क के माध्यम से… pic.twitter.com/5tPsUEKGwf
— Hindustan Petroleum Corporation Limited (@HPCL) March 25, 2026
- Indian Oil: ઇન્ડિયન ઓઈલે રીયલ-ટાઇમ અપડેટ્સ શેર કરીને બતાવ્યું છે કે તેમના આઉટલેટ્સ પર કોઈ ભીડ નથી અને બધું સામાન્ય રીતે કાર્યરત છે.
There is no shortage of petrol or diesel.
Rumours circulating online can create unnecessary concern and disrupt normal supply patterns. IndianOil outlets are well-stocked and fully operational.
We urge citizens to avoid panic buying and rely only on verified information.… pic.twitter.com/xWc1L4BpUY
— Indian Oil Corp Ltd (@IndianOilcl) March 25, 2026
ભાવ વધારો અને સપ્લાય ચેઈન
જોકે, મિડલ ઈસ્ટ સંકટની અસર કિંમતો પર જોવા મળી છે. તાજેતરમાં પ્રીમિયમ પેટ્રોલ (95-ઓક્ટેન) ના ભાવમાં લિટર દીઠ ₹2 અને ઈન્ડસ્ટ્રીયલ ડીઝલમાં ₹22 નો વધારો થયો છે. પરંતુ સામાન્ય જનતા જે પેટ્રોલ-ડીઝલ વાપરે છે તેના ભાવમાં કોઈ ફેરફાર કરવામાં આવ્યો નથી. અધિકારીઓએ નોંધ્યું છે કે પ્રીમિયમ પેટ્રોલ વાપરનારા ગ્રાહકો માત્ર 5% જ છે.
LPG બુકિંગના નિયમોમાં કોઈ ફેરફાર નહીં
સોશિયલ મીડિયા પર એવી અફવા પણ હતી કે LPG બુકિંગના દિવસોમાં ફેરફાર થયો છે, પરંતુ ઇન્ડિયન ઓઈલે સ્પષ્ટ કર્યું છે કે:
- શહેરી વિસ્તારોમાં 25 દિવસ અને ગ્રામીણ વિસ્તારોમાં 45 દિવસનો હાલનો નિયમ યથાવત છે.
- ગેસનો પુરવઠો પણ દેશભરમાં પૂરતો છે, તેથી એડવાન્સ બુકિંગ માટે ઉતાવળ ન કરવી.
વૈશ્વિક સ્તરે ક્રૂડ ઓઈલના ભાવમાં વધઘટ થઈ રહી છે, પરંતુ ભારત પાસે અત્યારે પૂરતો જથ્થો ઉપલબ્ધ છે. જનતાએ માત્ર સત્તાવાર સ્ત્રોતો પર જ વિશ્વાસ કરવો જોઈએ જેથી સિસ્ટમ કાર્યક્ષમ રીતે ચાલતી રહે.
