પુલવામા અટેક: NIAની ટીમે એકત્ર કર્યા કેટલાંક મહત્વના પુરવા, ક્યાંથી અને કોને કરી મદદ તે તપાસ કરવા હવે CCTV ફૂટેજ બનશે મુખ્ય પુરાવો

જમ્મુ કાશ્મીરના પુલવામા ખાતે થયેલા બલાસ્ટ અને શહીદ થયેલા CRPF ના જવાનો માટે NIA ની ટીમ તપાસ કરી રહી છે. NIAની ટીમ તરફથી બલાસ્ટમાં ઉપયોગમાં લેવાયેલી કાર અને ક્યાં યોજના બનવવામાં આવી તેના માટેના જરૂરી પુરાવા CCTVના આધારે એકત્ર કરવામાં આવી રહ્યા છે.

ક્યાંથી મળ્યા પુરાવા ?

વરિષ્ઠ અધિકારીઓના અનુસાર, આતંકવાદીઓએ મારૂતિ ઈકો કારનો ઉપયોગ બ્લાસ્ટ કરવા માટે કર્યો હતો. જેમાં આંતકી આદિલ અહમદ ડાર સવાર હતો અને તેના હાલચલ પરથી NIA ને વધુ લીડ મળી રહી છે. જેના માટે અવંતિપુરા અને તેની આસપાસના વિસ્તારોની CCTV ફૂટેજ તપાસવામાં આવી રહી છે. જેમાંથી ઘણાં મહત્વના પુરાવા એકત્ર કરવામાં આવી રહ્યા છે.

હાલ સ્થાનિક લોકોના ઘરોમાં લાગેલા CCTV દ્વારા NIA ઘટનાક્રમથી જોડાયેલ મહત્વપૂર્ણ પુરાવા એકત્ર કરી રહ્યું છે. ટીમ તેની પણ તપાસ કરી રહ્યું છે કે કયા ગામમાંથી કાર વળાંક લઇ હાઇવે સુધી પહોંચી અને ત્યાંથી કાફલાના પાંચમા નંબરની બસ સાથે અથડાવવામાં આવી. કારને આતંકી ડાર ખુદ ચલાવી રહ્યો હતો અને તેની સાથે બીજું કોણ હાજર હતું તે તમામ પ્રશ્નાનો જવાબ તપાસવા ટીમ CCTV તપાસી રહી છે.

આ પણ વાંચો : પાણી, ટામેટાં પછી હવે પાન ખાવા માટે તડપશે પાકિસ્તાન, લાખો રૂપિયાની ખોટ ખાઈ ખેડૂતોએ લીધો મક્કમ નિર્ણય

આ ઉપરાંત જૈશ-એ-મોહમ્મદ દ્વારા જે વીડિયો જાહેર કરવામાં આવ્યો છે તેમાં કોનો અવાજ છે. આતંકી ડાર વીડિયોમાંદેખાઇ રહ્યો છે. નિષ્ણાતોની ટીમ વિવિધ એંગલથી આ વીડિયોને ચકાસી રહ્યું છે. NIAના ઉચ્ચ અધિકારી ખૂબ ઝડપથી સરકારને પૂરા ષડયંત્રની માહિતી આપી શકે છે. આ સાથે જ આરડીએક્સ દેશમાં ક્યાંથી પ્રવેશ કર્યો તેની પણ તપાસ કરી રહ્યું છે.

એવું પણ સામે આવી રહ્યું છે કે, જૈશ, લશ્કર-એ-તૈયબા, હિઝ્બુલ મુઝાહિદ્દીન અને બીજા સ્થાનિક આતંકી સંગઠનોના અંડરગ્રાઉન્ડ આતંકીઓએ પુલાવામ હુમલા માટે તમામ જરૂરી મદદ પૂરી કરી હતી. હિઝબુલ અને બીજા સંગઠનોના એવા કેટલાંક સપ્લાયર્સે પણ સઘન પૂછપરચ્છ કરી છે. અત્યાર સુધીમાં એક સ્થાનિક જૈશ આતંકી મુદસ્સર અહમદ ખાન જેણે આતંકી હુમલામાં ભાગ લીધો હતો તેને સુરક્ષાબળોએ ઠાર કર્યો છે. ત્રણ જૈશ આતંકીઓ કામરાન, ગાઝી અહમદ અને હિલાલ અહદમના સામેલ થવાની પુષ્ટિ કરાઇ હતી જે તમામને ઠાર કરી દેવામાં આવ્યા છે.

[yop_poll id=1803]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]