કોમનવેલ્થ ગેમ્સ દરમિયાન ઘણીવાર એવું જોવા મળ્યું હતું કે પીએમ મોદી મેડલ વિજેતાઓને પ્રોત્સાહિત કરતા હતા. અગાઉ, જ્યારે ભારતીય ટુકડી ટોક્યો ઓલિમ્પિકમાંથી પરત આવી ત્યારે પણ વડાપ્રધાન નરેન્દ્ર મોદી મેડલ વિજેતાઓને મળ્યા હતા.
PM Narendra Modi (File Image)
Image Credit source: File Image
Follow us on
વડાપ્રધાન નરેન્દ્ર મોદી (PM Modi) શનિવારે બર્મિંગહામ કોમનવેલ્થ ગેમ્સ 2022ના (birmingham Commonwealth Games 2022) મેડલ વિજેતાઓને મળશે. તેઓ આજે સવારે 11 વાગ્યે પીએમ આવાસ પર ખેલાડીઓને મળશે. તમને જણાવી દઈએ કે સૌથી વધુ મેડલ જીતવાના મામલે ભારત ચોથા ક્રમે છે. ભારતે આ ગેમ્સમાં શાનદાર પ્રદર્શન કર્યું અને 22 ગોલ્ડ મેડલ સહિત 61 મેડલ જીત્યા. આ સિવાય ભારતે 16 સિલ્વર અને 23 બ્રોન્ઝ મેડલ પણ જીત્યા હતા. કોમનવેલ્થ ગેમ્સ દરમિયાન ઘણીવાર એવું જોવા મળ્યું હતું કે પીએમ મોદી મેડલ વિજેતાઓને પ્રોત્સાહિત કરતા હતા. અગાઉ, જ્યારે ભારતીય ટુકડી ટોક્યો ઓલિમ્પિકમાંથી પરત આવી ત્યારે પણ વડાપ્રધાન નરેન્દ્ર મોદી મેડલ વિજેતાઓને મળ્યા હતા.
PM Modi to host CWG 2022 medal winners at his official residence today
ભારતે આ ગેમ્સમાં કુલ 61 મેડલ જીત્યા હતા, જેમાંથી 22 ગોલ્ડ મેડલ જીત્યા હતા. ભારતીય ખેલાડીઓ 16 સિલ્વર મેડલ અને 23 બ્રોન્ઝ મેડલ જીતવામાં સફળ રહ્યા હતા. આ વખતે ભારતે ઘણી રમતોમાં ઈતિહાસ રચ્યો હતો. એથ્લેટિક્સમાં ભારતને ઘણી સફળતા મળી હતી. તેજસ્વિન શંકર, મુરલી શ્રીશંકર જેવા ખેલાડીઓએ પ્રથમ વખત મેડલ જીતીને ઈતિહાસ રચ્યો હતો. આ રમતોમાં મહિલા ક્રિકેટને પ્રથમ વખત તક મળી છે. હરમનપ્રીત કૌરની કેપ્ટનશીપવાળી ભારતીય ટીમે સિલ્વર મેડલ મેળવ્યો હતો. ફાઈનલમાં તેને ઓસ્ટ્રેલિયાએ હરાવ્યું હતું.
ગઈકાલે રાજનાથ સિંહે ખેલાડીઓની કરી હતી મુલાકાત
બીજી તરફ, સંરક્ષણ પ્રધાન રાજનાથ સિંહ શુક્રવારે કોમનવેલ્થ ગેમ્સમાં ભાગ લેનાર ભારતીય સશસ્ત્ર દળોના ખેલાડીઓને મળ્યા હતા. રક્ષા મંત્રીએ સશસ્ત્ર દળોના ખેલાડીઓના પ્રદર્શનની પ્રશંસા કરી અને તેને શાનદાર ગણાવી. રાજનાથ સિંહે ટ્વિટર પર લખ્યું, બર્મિંગહામમાં કોમનવેલ્થ ગેમ્સમાં ભારતનું પ્રતિનિધિત્વ કરી રહેલા સશસ્ત્ર દળોના ખેલાડીઓ સાથે ઉત્તમ વાર્તાલાપ કર્યો. તેઓએ તેમના શાનદાર પ્રદર્શનથી દરેકને ખુશ કર્યા અને તેમની સિદ્ધિઓથી રાષ્ટ્રને ગૌરવ અપાવ્યું. આ ખેલાડીઓને ભવિષ્ય માટે સફળતા પ્રાપ્ત કરવા માટે શુભેચ્છાઓ.
એરપોર્ટ પરત પહોંચેલા ગુજરાતના ખેલાડીઓનું ભવ્ય સ્વાગત કરવામાં આવ્યું
કોમનવેલ્થ ગેમ્સ 2022માં ક્રિકેટમાં સિલ્વર મેડલ વિજેતા બે મહિલા ક્રિકેટર રાધા યાદવ અને યાસ્તિકા ભાટિયાનું પણ વડોદરામાં ભવ્ય સ્વાગત કરાયું. BCAના હોદ્દેદારો અને ક્રિકેટ રસિકોએ ઢોલ નગારા અને ડી.જેના તાલે ખેલાડીઓને આવકાર્યા હતા. સાથે જ એરપોર્ટથી એરપોર્ટ સર્કલ સુધી રોડ શો પણ યોજ્યો હતો. મહત્વનું છે કે, ભારતીય મહિલા ટીમે કોમનવેલ્થ ગેમ્સમાં ભારત માટે સિલ્વર મેડલ (Silver medal) જીત્યો છે. રાધા યાદવ અને યાસ્તિકા ભાટિયા બંનેનું સમગ્ર ટૂર્નામેન્ટમાં શાનદાર પ્રદર્શન રહ્યું છે.
