PM Modi: વિશ્વના સૌથી લોકપ્રિય નેતા બન્યા PM મોદી, 13 વૈશ્વિક નેતાઓના એપ્રુવલ રેટિંગ ચાર્ટમાં ટોચ પર

અમેરિકા (America) સ્થિત ગ્લોબલ લીડર એપ્રુવલ ટ્રેકર મોર્નિંગ કન્સલ્ટે (Morning Consult) વૈશ્વિક લીડર્સની એપ્રુવલ રેટિંગ બહાર પાડી છે. આ વખતે વડાપ્રધાન નરેન્દ્ર મોદી (Narendra Modi) સૌથી વધુ રેટિંગ ધરાવે છે અને તેઓ 77 ટકા એપ્રુવલ રેટિંગ (Narendra Modi Approval Rating) સાથે વિશ્વના સૌથી લોકપ્રિય નેતા છે. 18 માર્ચે મોર્નિંગ કન્સલ્ટ પોલિટિકલ ઈન્ટેલિજન્સે (Morning Consult Political Intelligence) તેનો નવીનતમ ડેટા જાહેર કર્યો. તેમાં કહેવામાં આવ્યું છે કે 13 દેશોના નેતાઓમાં પીએમ મોદીનું એપ્રુવલ રેટિંગ સૌથી વધુ છે. આ દર્શાવે છે કે વડાપ્રધાનની લોકપ્રિયતા કેટલી ઊંચી છે.

રિસર્ચ કંપની દ્વારા કરવામાં આવેલા સર્વેમાં PM મોદી વિશ્વના 13 નેતાઓમાં 77 ટકા એપ્રુવલ રેટિંગ સાથે ટોચ પર છે. ત્યારબાદ મેક્સિકોના એન્ડ્રેસ મેન્યુઅલ લોપેઝ ઓબ્રાડોર આવે છે. જેમની પાસે 63 ટકાનું એપ્રુવલ રેટિંગ છે. ઈટાલીની મારિયા ડ્રેગીનું એપ્રુવલ રેટિંગ 54 ટકા છે. જાપાનના ફૂમિયો કિશિદાને 45 ટકાનું એપ્રુવલ રેટિંગ મળ્યું છે. પીએમ મોદીનું નામંજૂર રેટિંગ પણ સૌથી ઓછું 17 ટકા છે. ડેટા દર્શાવે છે કે જાન્યુઆરી 2020થી માર્ચ 2022 સુધીના મોટાભાગના મહિનાઓમાં ભારતીય વડાપ્રધાન સૌથી લોકપ્રિય વૈશ્વિક નેતા રહ્યા. નવીનતમ મંજૂરી રેટિંગ 9થી 15 માર્ચ, 2022 દરમિયાન એકત્રિત કરવામાં આવેલા ડેટા પર આધારિત છે.

બાઈડેન, જોહ્ન્સન અને ટ્રુડોની શું છે સ્થિતિ?

છેલ્લા બે વર્ષમાં, 2 મે, 2020ના રોજ પીએમ મોદીનું એપ્રુવલ રેટિંગ 84 ટકાના ઉચ્ચ સ્તરે પહોંચ્યું હતું. દેશમાં કોરોના વાયરસની બીજી લહેર દરમિયાન, 7 મે 2021ના રોજ તેમનું અપ્રુવલ રેટિંગ 63 ટકા સાથે સૌથી ઓછું હતું. જો કે પીએમ મોદીનું એપ્રુવલ રેટિંગ અન્ય વૈશ્વિક નેતાઓની સરખામણીમાં પ્રમાણમાં ઊંચું રહ્યું છે. કેનેડાના પીએમ જસ્ટિન ટ્રુડો અને યુએસ પ્રમુખ જો બાઈડેનને અનુક્રમે 42 ટકા અને 41 ટકાના એપ્રુવલ રેટિંગ મળ્યા છે. આ રીતે બંને નેતાઓ અનુક્રમે છઠ્ઠા અને સાતમા સ્થાને છે. બ્રિટિશ પીએમ બોરિસ જોન્સન 33 ટકા એપ્રુવલ રેટિંગ સાથે સર્વેમાં સૌથી નીચે છે.

સર્વેનું માર્જિન ઓફ એરર કેટલું છે?

અમેરિકી રાષ્ટ્રપતિ જો બાઈડેનનું એપ્રુવલ રેટિંગ તેમના પ્રમુખપદ દરમિયાન સૌથી નીચું થઈ ગયું છે. ગયા વર્ષે કોવિડ-19ના કારણે થયેલા મૃત્યુ અને અફઘાનિસ્તાનમાંથી અમેરિકી સૈનિકોની ઉતાવળમાં પાછી ખેંચી લેવાના કારણે બાઈડેનની લોકપ્રિયતામાં ઘટાડો થવા લાગ્યો હતો. યુક્રેનની કટોકટી અને દેશમાં ચાલી રહેલી અન્ય સમસ્યાઓના કારણે આગામી દિવસોમાં બાઈડેનની અપ્રુવલ રેટિંગ વધુ ઘટી શકે છે.

મોર્નિંગ કન્સલ્ટ મુજબ સર્વેક્ષણ 1થી 3 ટકા વચ્ચેની ભૂલના માર્જિન સાથે આપેલા દેશના તમામ પુખ્ત વયના લોકોની સાત દિવસની મૂવિંગ એવરેજ પર આધારિત રીઅલ-ટાઇમ ડેટાને પ્રતિબિંબિત કરે છે. યુએસમાં સરેરાશ નમૂનાનું કદ 45,000 છે, જ્યારે અન્ય દેશોમાં તે 3,000-5,000ની વચ્ચે છે.

આ પણ વાંચો: World Sparrow Day: જેતપુરના હોટેલના માલિકનો અનોખો ચકલી પ્રેમ, 25 વર્ષથી ચકલીઓની રાખે છે સંભાળ, જાણો તેમની સંભાળ માટે શુ કરે છે

આ પણ વાંચો: PM Modi એ ખેલ મહાકુંભનો પ્રારંભ કરાવ્યો, ગુજરાત સ્પોર્ટ્સ પોલિસી 2022-27નું અનાવરણ કર્યું