વિદેશ પ્રવાસ પર ફ્લાઈટની વચ્ચે રોકાવા માટે હોટલ બુક નથી કરતા પણ આ જગ્યા પર રોકાય છે વડાપ્રધાન મોદી

વડાપ્રધાન નરેન્દ્ર મોદીના વિદેશ પ્રવાસ દરમિયાન ફ્લાઈટની વચ્ચે રોકાવા (હોલ્ટ) પર હોટલ બુક કરવામાં આવતી નથી પણ તે એરપોર્ટ લાઉન્જમાં જ આરામ કરે છે. આ પહેલા પ્રોટોકોલ મુજબ હોલ્ટ દરમિયાન વડાપ્રધાનને રોકાવા માટે હોટલ બુક કરવામાં આવતી હતી.

વડાપ્રધાન મોદી તેમની વિદેશ યાત્રા દરમિયાન અન્ય મહાનુભાવો માટે કડક ધોરણો નક્કી કરી રહ્યા છે. તેની જાણકારી ગૃહપ્રધાન અમિતશાહે લોકસભામાં ચર્ચા દરમિયાન આપી છે.

SPG સંશોધન બિલ પર ચર્ચા દરમિયાન ગૃહપ્રધાને કહ્યું કે વડાપ્રધાન મોદીએ અત્યાર સુધી કોઈ પણ દેશમાં હોલ્ટ દરમિયાન તેમના માટે હોટલ બુક કરાવવાનો નિર્દેશ આપ્યો નથી. તે એરપોર્ટ પર જ રોકાય છે. ત્યાં જ આરામ કરે છે અને વિમાનમાં ઈંધણ ભર્યા પછી નિકળી જાય છે.

ગૃહપ્રધાને જણાવ્યું કે વડાપ્રધાને તેમની સાથે વિદેશ પ્રવાસ પર આવનારા સ્ટાફમાં પણ 20 ટકા જેટલો ઘટાડો કર્યો છે. તે સિવાય વડાપ્રધાનના સ્ટાફ માટે પહેલા અલગ વાહનની વ્યવસ્થા કરવામાં આવતી હતી પણ વડાપ્રધાન મોદીએ તેમાં ફેરફાર કરાવ્યો છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]