શું દેશની બહેનોને 15 ઓગસ્ટે મળશે 1 વર્ષનું ‘Free Recharge’? PM મોદીના વાયરલ વીડિયો પાછળનું સાચું સત્ય શું છે?
સોશિયલ મીડિયા પર અવારનવાર નવી નવી યોજનાઓ અને ફ્રી ઓફર્સના નામે અનેક મેસેજ વાયરલ થતા હોય છે. તાજેતરમાં પ્રધાનમંત્રી નરેન્દ્ર મોદીના નામે 15 ઓગસ્ટે ફ્રી મોબાઈલ રિચાર્જ આપવાનો એક વિડીયો વાયરલ થઈ રહ્યો છે. એવામાં સવાલ એ છે કે, શું આ ફ્રી મોબાઈલ રિચાર્જ આપવાની વાત ખરેખર સાચી છે?
સોશિયલ મીડિયા પર પ્રધાનમંત્રી નરેન્દ્ર મોદીના નામે એક વિડીયો ઝડપથી વાયરલ થઈ રહ્યો છે. આ વિડીયોમાં દાવો કરવામાં આવી રહ્યો છે કે, 15 ઓગસ્ટના રોજ દેશની તમામ બહેનોને એક વર્ષનું ફ્રી મોબાઈલ રિચાર્જ આપવામાં આવશે. ખાસ વાત એ છે કે, વિડીયોમાં પ્રધાનમંત્રી મોદીને આ જાહેરાત કરતા દર્શાવવામાં આવ્યા છે.
હવે જણાવી દઈએ કે, આ દાવો સંપૂર્ણપણે ફેક (નકલી) છે. PIB Fact Check એ આ વિડીયોને નકલી ગણાવતા લોકોને આનાથી સાવધાન રહેવાની સલાહ આપી છે.
AI થી બનાવવામાં આવ્યો છે ‘Video’
PIB Fact Check એ સોશિયલ મીડિયા પર વાયરલ થઈ રહેલા આ વિડીયોની તપાસ કરી છે. તપાસમાં સામે આવ્યું કે, આ વિડીયો AI એટલે કે આર્ટિફિશિયલ ઈન્ટેલિજન્સની મદદથી બનાવવામાં આવ્યો છે.
डीपफेक वीडियो से सावधान रहें!
सोशल मीडिया पर एक वीडियो प्रसारित हो रहा है, जिसमें प्रधानमंत्री नरेंद्र मोदी को यह कहते हुए दिखाया गया है कि 15 अगस्त के अवसर पर सभी बहनों को ‘एक वर्ष का मुफ्त रिचार्ज’ दिया जाएगा।#PIBFactCheck
❌ यह #AI जनरेटेड #फर्जी वीडियो है।
✅ केंद्र… pic.twitter.com/LT1FrtmxuC
— PIB Fact Check (@PIBFactCheck) August 10, 2026
PIB Fact Check એ સ્પષ્ટ કર્યું છે કે, કેન્દ્ર સરકાર કે પ્રધાનમંત્રી નરેન્દ્ર મોદી દ્વારા આવી કોઈ જાહેરાત કરવામાં આવી નથી, એટલે કે 15 ઓગસ્ટના રોજ તમામ બહેનોને એક વર્ષનું ફ્રી મોબાઈલ રિચાર્જ આપવાની કોઈ સરકારી યોજના જાહેર થઈ નથી. PIB Fact Check એ લોકોને અપીલ કરી છે કે, સોશિયલ મીડિયા પર આ પ્રકારના આકર્ષક દાવાઓને જોઈને તરત જ વિશ્વાસ ન કરો અને ન તો તેને આગળ શેર કરો.
Free Recharge ના નામે રહો ‘સાવધાન’
સોશિયલ મીડિયા પર અવારનવાર સરકારી યોજના, ફ્રી રિચાર્જ, પૈસા મળવા કે કોઈ ખાસ લાભ સાથે જોડાયેલા દાવા વાયરલ થતા રહે છે. આવા દાવાઓમાં લોકોને આકર્ષિત કરવા માટે પ્રધાનમંત્રી કે કોઈ સરકારી સંસ્થાના નામ અને તસવીરનો ઉપયોગ કરવામાં આવી શકે છે. PIB Fact Check એ લોકોને ખાસ કરીને આવા વિડીયો અને મેસેજથી સાવધાન રહેવા માટે કહ્યું છે. જો કોઈ દાવો ખૂબ જ આકર્ષક લાગી રહ્યો હોય, તો તેની સત્યતા ચોક્કસ તપાસો.
સરકારી યોજનાઓની માહિતી ક્યાં મળશે?
PIB Fact Check એ કહ્યું છે કે, કેન્દ્ર સરકારની જનકલ્યાણ યોજનાઓ સાથે જોડાયેલી સાચી અને સત્તાવાર માહિતી માટે લોકો myscheme.gov.in વેબસાઈટ પર જઈ શકે છે. અહીં સરકારની અલગ-અલગ યોજનાઓ અને તેના ફાયદાઓ સાથે જોડાયેલી માહિતી મેળવી શકાય છે.
Fake Video કે Message ની આ રીતે કરો ‘ફરિયાદ’
જો કોઈ વ્યક્તિને કેન્દ્ર સરકાર સાથે જોડાયેલો કોઈ શંકાસ્પદ ફોટો, વિડીયો કે મેસેજ મળે છે, તો તે PIB Fact Check ને મોકલીને તેની સત્યતા જાણી શકે છે. આ માટે PIB Fact Check નો મોબાઈલ નંબર 8799711259 આપવામાં આવ્યો છે.
PIB Fact Check એ લોકોને અપીલ કરી છે કે, તેઓ આવા ફેક અને ગેરમાર્ગે દોરતા વિડીયોને આગળ શેર ન કરે. ખાસ કરીને સરકારી યોજનાઓ અને પ્રધાનમંત્રીના નામ સાથે જોડાયેલા કોઈ પણ દાવા પર વિશ્વાસ કરતા પહેલા તેની સત્તાવાર પુષ્ટિ ચોક્કસ કરો.
