PM મોદીએ બે દાયકા પહેલા મહિલા અનામતને આપ્યું હતું સમર્થન, 23 વર્ષ બાદ સાકાર થયું સપનું
વડાપ્રધાન નરેન્દ્ર મોદીએ વર્ષ 2000માં પણ મહિલા અનામત બિલને સમર્થન આપ્યું હતું. જો કે, તે સમયે નેતાઓ બિલ પર સર્વસંમતિ પર પહોંચી શક્યા ન હતા, ત્યારબાદ તેને સંસદની સંયુક્ત સમિતિને મોકલવામાં આવ્યું હતું. ત્યારે 23 વર્ષ પછી પીએમ મોદીએ પોતાની વાત સાબિત કરી દીધી છે.
વડાપ્રધાન નરેન્દ્ર મોદીએ (PM Narendra Modi) વર્ષ 2000માં જે બાબતોનો ઉલ્લેખ કર્યો હતો તે 2023માં પૂર્ણ થઈ ગઈ છે. વર્ષ 2000માં જ્યારે પીએમ મોદી ભાજપના મહાસચિવ હતા ત્યારે તેમણે મહિલાઓને અનામત આપવાનો ઉલ્લેખ કર્યો હતો, જે દર્શાવે છે કે તેઓ હંમેશા નીતિ ઘડતરમાં મહિલાઓના વધુ પ્રતિનિધિત્વના પક્ષમાં રહ્યા છે.
વર્ષ 2000માં ભાજપના મહાસચિવ તરીકે, પીએમ મોદીએ એક અખબાર સાથે વાત કરતા, દેશના રાજકારણમાં મહિલાઓની ભાગીદારી વધારવા પર ભાર મૂક્યો હતો અને દેશની સંસદમાં તેમજ રાજ્યમાં મહિલા અનામતની માંગને ખુલ્લું સમર્થન આપ્યું હતું.
જો કે, વર્ષ 2000માં મહિલા અનામત બિલને સંસદની સંયુક્ત સમિતિને મોકલવામાં આવ્યું હતું કારણ કે કેટલાક રાજકીય પક્ષો બિલ પર સર્વસંમતિ સુધી પહોંચી શક્યા ન હતા. આ પછી પણ આરક્ષણના મુદ્દે પીએમ મોદીનો મત સંપૂર્ણપણે સ્પષ્ટ હતો.
PM @narendramodi has always been in favor of greater representation of women in policy making.
As the General Secretary of the BJP, way back in 2000, Modi was unequivocal in supporting demand for Women’s Reservation for Parliament and State Legislatures.
Though the bill, in… pic.twitter.com/9RZOjMZlpN
— Modi Archive (@modiarchive) September 26, 2023
પંચાયત રાજમાં પણ મહિલાઓને અનામત આપવાની વાત થઈ હતી
આખરે 23 વર્ષ બાદ સંસદના બંને ગૃહોમાં મહિલા અનામત બિલ પાસ થઈ ગયું છે. ત્યારે પીએમ મોદીએ પંચાયત રાજ અને નાગરિક સંસ્થાઓમાં પણ મહિલાઓને 33 ટકા અનામત આપવાનો આગ્રહ કર્યો હતો. વર્ષ 2000માં દેશમાં ભાજપની સરકાર હતી અને અટલ બિહારી વાજપેયી વડાપ્રધાન હતા.
તમને જણાવી દઈએ કે મોદી સરકાર દ્વારા તાજેતરમાં પસાર કરાયેલ મહિલા આરક્ષણ બિલમાં લોકસભાની સાથે સાથે દેશની વિધાનસભાઓમાં મહિલાઓને 33 ટકા અનામત આપવાની વાત કરવામાં આવી છે. લોકસભા અને રાજ્યસભામાં ચર્ચા દરમિયાન કોંગ્રેસ પાર્ટી સહિત વિપક્ષી ગઠબંધન ભારતની પાર્ટીઓએ પણ બિલને સમર્થન આપ્યું હતું.