હિમાચલ પ્રદેશના પ્રવાસન સ્થળ કસૌલીના જંગલમાં લાગી ભીષણ આગ, Mi-17 હેલિકોપ્ટરથી આગને કાબૂમાં લેવા વાયુસેના ઉતર્યુ મેદાને, જુઓ Video
હિમાચલ પ્રદેશમાં સતત વધતા તાપમાનને કારણે જંગલમાં આગ લાગવાની ઘટનાઓ વધી રહી છે. વન વિભાગના ડેટા અનુસાર, ફક્ત મે મહિનામાં જ હિમાચલ પ્રદેશના જંગલમાં આગ લાગવાની 148 જેટલી ઘટનાઓ નોંધાઈ છે. આ ઘટનાઓથી જંગલ વિસ્તારની હજારો હેક્ટર જમીનને અસર થઈ છે. સૌથી વધુ નુકસાન શિમલા અને નાહન વન વિભાગમાં થવા પામ્યુ છે.
હિમાચલ પ્રદેશના પ્રવાસન સ્થળ કસૌલીના જંગલોમાં લાગેલી ભીષણ આગને કારણે કોટી, સનાવર અને ગરખાલ પ્રદેશોમાં ગંભીર ખતરો સર્જાયો છે. આગને કારણે કરોડો રૂપિયાની વન સંપત્તિને નુકસાન થયું છે. આગને કાબુમાં લેવા માટે, ભારતીય વાયુસેનાના Mi-17 હેલિકોપ્ટર, વન વિભાગ, ફાયર બ્રિગેડ અને સ્થાનિક રહેવાસીઓ સાથે તહેનાત કરવામાં આવ્યા છે.
હિમાચલ પ્રદેશના જાણીતા પર્યટન સ્થળ કસૌલીમાં લાગેલી ભીષણ આગથી વિશાળ જંગલ વિસ્તાર ઘેરાઈ ગયો છે. સોલન જિલ્લાના કોટી, સનાવર અને ગરખાલ પ્રદેશોમાં આગ ઝડપથી ફેલાતા, કરોડો રૂપિયાની વન સંપત્તિ નાશ પામી છે. આગની ગંભીરતાને જોતાં, વન વિભાગ, ફાયર બ્રિગેડ અને સ્થાનિક રહેવાસીઓ રાહત અને બચાવ કામગીરી સતત કરી રહ્યાં છે. દરમિયાન, વાયુસેના પણ હવે આગ ઓલવવાના પ્રયાસમાં જોડાઈ છે. અસરગ્રસ્ત વિસ્તારોમાં અનેક Mi-17 હેલિકોપ્ટર તહેનાત કરવામાં આવ્યા છે.
ઘણા કલાકોથી આગ બેકાબૂ
અહેવાલો અનુસાર, કસૌલીના જંગલોમાં લાગેલી, છેલ્લા ઘણા કલાકોથી ભડકી રહી છે. તીવ્ર ગરમી, સૂકી વનસ્પતિ અને ભારે પવનને કારણે આગ ઝડપથી ફેલાઈ રહી છે. આગનેના કારણે હવે કસૌલીની આસપાસના વિસ્તારોમાં ખતરો વધી ગયો છે. દૂરથી દેખાતી ઉંચી જ્વાળાઓ જોઈને સ્થાનિક રહેવાસીઓમાં ગભરાટનું વાતાવરણ સર્જાયું છે. વન વિભાગના અધિકારીઓ જણાવે છે કે આગને કાબુમાં લેવા માટે સતત પ્રયાસો કરવામાં આવી રહ્યા છે. જોકે, મુશ્કેલ ભૌગોલિક ભૂપ્રદેશ અને ભારે પવનને કારણે કામગીરી પડકારજનક રહી છે.
રાજ્યભરમાં સતત વધતા તાપમાનને કારણે જંગલમાં આગ લાગવાની ઘટનાઓ વધી રહી છે. વન વિભાગના ડેટા અનુસાર, ફક્ત મે મહિનામાં જ હિમાચલ પ્રદેશના જંગલમાં આગ લાગવાની 148 જેટલી ઘટનાઓ નોંધાઈ છે. આ ઘટનાઓથી જંગલ વિસ્તારની હજારો હેક્ટર જમીનને અસર થઈ છે. સૌથી વધુ નુકસાન શિમલા અને નાહન વન વિભાગમાં થવા પામ્યુ છે.
