MP: ભીડ ભારે કરશે, ધાર જિલ્લામાં વેક્સિનેશન સેન્ટર પર લોકોની પડીપડી, જુઓ VIDEO
મધ્યપ્રદેશના ધાર જિલ્લામાં મોટી સંખ્યામાં લોકો વેક્સિન લેવા માટે પહોંચ્યા હતા. ભારે ભીડને પગલે લોકો કોરોના નિયમોનો ભંગ કરીને કોરોનાને આમંત્રણ આપી રહ્યા હોય તેવા દ્રશ્યો જોવા મળ્યા હતા.
MP: કોરોના(Corona)થી બચવા માટે એકમાત્ર રામબાણ ઈલાજ વેક્સિનને(Vaccine) જ માનવામાં આવે છે. ત્યારે લોકો પણ વેક્સિન અંગે જાગૃત થઈ રહ્યા છે પરંતુ વેક્સિનની અછતને પગલે લોકોએ પારાવાર મુશ્કેલીનો સામનો કરવો પડી રહ્યો છે.
વેક્સિન મેળવવા માટે વધતી જાગૃતિને લીધે મોટી સંખ્યામાં લોકો વેક્સિનેશન સેન્ટર(Vaccination center) પર પહોંચી રહ્યા છે. જેના કારણે ભીડને કાબૂમાં રાખવી મુશ્કેલ બની છે.કંઈક આવા દ્રશ્યો મધ્યપ્રદેશના ધાર જીલ્લામાં (Dhar District)જોવા મળ્યા છે.
વેક્સિનેશન સેન્ટર પર ભીડ બની બેકાબુ
મધ્યપ્રદેશના ધાર જિલ્લામાં વેક્સિનેશન સેન્ટર(Vaccination Center) પર કોરોનાને આમંત્રણ આપતા દ્રશ્યો જોવા મળ્યા છે.વેક્સિન લેવા માટે મોટી સંખ્યામાં લોકો વેક્સિનેશન સેન્ટર પર પહેંચતા ભીડ બેકાબુ બની હતી.પરિસ્થિતિ ત્યાં સુધી વણસી કે લોકોએ વેક્સિન લેવા માટે પડાપડા કરી. આ ભીડમાં મહિલાઓ, પુરુષો અને બાળકો શામેલ હતા.
#WATCH | A stampede-like situation was witnessed at a vaccination centre in Madhya Pradesh’s Dhar district. Scores of people belonging to different age groups were seen rushing to the centre. People were seen skidding and falling on top of each other. (19.07) pic.twitter.com/eb0EJxG0Rp
— ANI (@ANI) July 19, 2021
ધાર જિલ્લાના કલેક્ટર(District Collector) નીરજસિંહે જણાવ્યું હતું કે ,આ વિસ્તારમાં આજે રસીકરણ કેન્દ્રની બહાર લોકોની લાંબી કતારો જોવા મળી હતી અને વધુમાં જણવ્યું કે, વેક્સિન મેળવવા અંગે લોકોમાં જાગૃતિ વધી છે અને આ જ કારણ છે કે લોકો વેક્સિનેશન સેન્ટર પર મોટી સંખ્યામાં પહોંચી રહ્યા છે અને વહીવટી તંત્ર દ્વારા(Administration) તમામ વ્યવસ્થા કરવામાં આવી હોવાનો દાવો કર્યો હતો.
વેક્સિન લેવા માટે લોકોની લાંબી કતાર
ધાર જિલ્લામાં વેક્સિનેશન સેન્ટર હજારો લોકો વેક્સિન માટે લાઈનોમાં રાહ જોતા જોવા મળ્યા હતા. આ દરમિયાન સુરક્ષા(Safety) અને યોગ્ય વ્યવસ્થા જાળવવા માટે પોલીસ બંદોબસ્ત પણ ગોઠવી દેવામાં આવ્યો હતો. પરંતુ બેકાબુ બનેલી ભીડને રોકવા તંત્ર અસમર્થ રહ્યું.
#WATCH | Long queues of people were seen outside a vaccination centre in Narsinghgarh area of Rajgarh, Madhya Pradesh today
“Due to increased awareness, people are thronging to vaccination centres in large numbers. We’ve made all arrangements,” said Collector Neeraj Singh pic.twitter.com/zzclJLxpcu
— ANI (@ANI) July 19, 2021
ઉલ્લેખનીય છે કે,લોકો વેક્સિન માટે જાગુત બન્યા છે, પરંતુ કોરોના વેક્સિન લેવા ગયેલા લોકોએ કોરોના નિયમોનો ભંગ કરીને કોરોનાને(Corona) આમંત્રણ આપ્યું હોય તેવું લાગી રહ્યું છે.
Published On - 9:54 am, Tue, 20 July 21
