ભારતે પુલવામા હુમલામાં સામેલ જૈશ ચીફ મૌલાના મસૂદના ભાઈ અમ્માર અલ્વીને આતંકવાદી જાહેર કર્યો

કેન્દ્ર સરકારે સોમવારે ત્રણ વર્ષ પહેલા પુલવામા હુમલાના માસ્ટરમાઈન્ડ અને જૈશ-એ-મોહમ્મદ (Jaish-e-Mohammed) ના વડા મૌલાના મસૂદ અઝહરના ભાઈ મોહિઉદ્દીન ઔરંગઝેબ આલમગીર ઉર્ફે અમ્માર અલ્વીને આતંકવાદી જાહેર કર્યો છે. પાકિસ્તાન (Pakistan) ના બહાવલપુરનો રહેવાસી 39 વર્ષીય અમ્માર અલ્વી જૈશ-એ-મોહમ્મદનો અગ્રણી નેતા છે. કેન્દ્રીય ગૃહ મંત્રાલયે અલ્વીને ગેરકાનૂની પ્રવૃત્તિઓ એક્ટ (UAPA) હેઠળ આતંકવાદી તરીકે નિયુક્ત કર્યા છે. ગૃહ મંત્રાલયે (Home Ministry) કહ્યું છે કે અલ્વી અફઘાન કેડરોની ઘૂસણખોરીને સુવિધાજનક બનાવવામાં અને જમ્મુ અને કાશ્મીરમાં ભારતીય સુરક્ષા દળો પર આતંકવાદી હુમલાઓનું સંકલન કરવામાં પણ સામેલ છે.

ગૃહ મંત્રાલયે કહ્યું કે મોહિઉદ્દીન ઔરંગઝેબ આલમગીર ઉર્ફે અલ્વી જૈશ-એ-મોહમ્મદની ભારત વિરોધી આતંકવાદી ગતિવિધિઓમાં સામેલ છે, સાથે જ પાકિસ્તાની નાગરિકો પાસેથી જૈશ-એ-મોહમ્મદની ભંડોળ એકત્ર કરવાની ગતિવિધિઓ પર નજર રાખે છે અને ભારતમાં મળેલું ભંડોળ કાશ્મીરમાં મોકલે છે. એક સરકારી અધિકારીએ નામ ન આપવાની શરતે જણાવ્યું હતું કે એક વખત ફેડરલ એન્ટી-ટેરરિઝમ કાયદા હેઠળ કોઈ વ્યક્તિને આતંકવાદી તરીકે નિયુક્ત કરવામાં આવે તો, નેશનલ ઈન્વેસ્ટિગેશન એજન્સી જેવી એજન્સીઓ પણ આવી વ્યક્તિઓની સંપત્તિ જપ્ત કરી શકે છે.

UAPA શું છે?

અમ્માર અલ્વીને તેના ભાઈઓ મૌલાના મસૂદ અઝહર અને અબ્દુલ રઉફ અસગર સાથે ઓગસ્ટ 2020માં નેશનલ ઈન્વેસ્ટિગેશન એજન્સી દ્વારા ચાર્જશીટ કરવામાં આવી હતી. અહીંની એજન્સીએ તેના ભત્રીજા ઉમર ફારૂકનું નામ પણ આપ્યું હતું, જેને પુલવામા હુમલાને અંજામ આપવા માટે 15 અન્ય લોકો સાથે કાશ્મીર મોકલવામાં આવ્યો હતો. તપાસકર્તાઓએ કહ્યું કે તે અમ્માર અલ્વી હતો, જે ફોન પર પુલવામા હુમલા અંગે પાકિસ્તાનથી ઉમર ફારુકને સતત માર્ગદર્શન આપતો હતો. ગેરકાનૂની પ્રવૃતિઓ અધિનિયમમાં 2019નો સુધારો કેન્દ્રને સત્તા આપે છે કે જો તેઓ માનતા હોય કે તેઓ આતંકવાદ સાથે સંકળાયેલા છે તો તેઓને કાયદા હેઠળ આતંકવાદી તરીકે નિયુક્ત કરી શકે.

જૈશે પુલવામા હુમલાની જવાબદારી લીધી હતી

14 ફેબ્રુઆરી 2019ના રોજ પુલવામામાં ભારતીય સુરક્ષા જવાનો પર આત્મઘાતી બોમ્બ હુમલા થયા હતા. આ હુમલામાં CRPFના 40 જવાનો શહીદ થયા હતા અને પાકિસ્તાનના ઈસ્લામિક આતંકવાદી સંગઠન જૈશ-એ-મોહમ્મદે આ હુમલાની જવાબદારી લીધી હતી. આ હુમલો શ્રીનગર-જમ્મુ નેશનલ હાઈવે પર કરવામાં આવ્યો હતો. આ હુમલાની વિશ્વભરમાં નિંદા કરવામાં આવી હતી. આતંકી હુમલા બાદ ભારત અને પાકિસ્તાન વચ્ચેના સંબંધો બગડી ગયા હતા. 15 ફેબ્રુઆરી, 2019 ના રોજ, વિદેશ મંત્રાલયે જણાવ્યું કે આ હુમલો પાકિસ્તાન દ્વારા પ્રાયોજિત કરવામાં આવ્યો હતો.

આ પણ વાંચો: પંજાબ કોંગ્રેસની નવી ટીમ રાહુલ ગાંધીને મળી, વિકાસ સહિતના મુદ્દાઓ પર કરી ચર્ચા

આ પણ વાંચો: ગાંધીનગર : મુખ્યમંત્રી આઝાદીના અમૃત મહોત્સવ અંતર્ગત મંગળવારે સરઢવ ગામે પ્રભાત ફેરીમાં હાજર રહેશે