India Canada Relation : કેનેડા સામે આ દેશનું ભારતને ખુલ્લું સમર્થન, ટ્રુડોને ગણાવ્યા આતંકવાદીઓના સમર્થક, જુઓ Video

India Canada Relation:  ખાલિસ્તાની આતંકવાદી હરદીપ સિંહ નિજ્જરની હત્યા કેસમાં ભારતને કકળાટમાં મૂકનાર કેનેડા ચારે બાજુથી ઘેરાયેલું છે. કેનેડા સામે ભારતને ઘણા દેશોનું સમર્થન મળ્યું છે. હવે આ યાદીમાં શ્રીલંકાનું નામ પણ જોડાઈ ગયું છે.

આ પણ વાંચો: India Canada Tension: કેનેડાએ અપડેટ કરી ટ્રાવેલ એડવાઈઝરી, ભારતમાં રહેતા કેનેડિયન નાગરિકોને ફરી આપી આ સલાહ

ભારત-કેનેડા રાજદ્વારી વિવાદ પર શ્રીલંકાના વિદેશ પ્રધાન અલી સાબરીએ કહ્યું છે કે કેનેડાના વડા પ્રધાન જસ્ટિન ટ્રુડો આતંકવાદીઓને સમર્થન આપે છે. તેમણે કહ્યું કે કેનેડા અને ઉત્તર અમેરિકા આતંકવાદીઓ માટે સુરક્ષિત આશ્રયસ્થાન છે.

ટ્રુડો અપમાનજનક અને ખોટા આક્ષેપો કરે છે: શ્રીલંકા

ન્યૂઝ એજન્સી ANI સાથે વાત કરતા શ્રીલંકાના વિદેશ મંત્રી અલી સાબરીએ કહ્યું કે હું પીએમ જસ્ટિન ટ્રુડોની ટિપ્પણીથી આશ્ચર્યચકિત નથી, કારણ કે તેઓ અપમાનજનક અને ખોટા આરોપો લગાવી રહ્યા છે. તેમણે કહ્યું કે કેટલાક આતંકવાદીઓને કેનેડામાં સુરક્ષિત આશ્રય મળ્યો છે. કેનેડાના વડા પ્રધાન કોઈપણ પુરાવા વિના આક્ષેપો કરે છે. તેમણે શ્રીલંકા સાથે પણ આવું જ કર્યું હતું. તેમનું કહેવું છે કે શ્રીલંકામાં નરસંહાર થયો હતો. આ સંપૂર્ણ જુઠ્ઠાણું હતું. દરેક વ્યક્તિ જાણે છે કે અમારા દેશમાં કોઈ નરસંહાર થયો ન હતો.

ટ્રુડોની ‘નરસંહાર’ ટિપ્પણીએ અમારા સંબંધો બગાડ્યા: શ્રીલંકા

કેનેડા અને શ્રીલંકા વચ્ચેના સંબંધો અંગે વિદેશ મંત્રી સબરીએ કહ્યું કે ટ્રુડોની ‘નરસંહાર’ ટિપ્પણીને કારણે બંને વચ્ચેના સંબંધો બગડ્યા. તેમણે કહ્યું કે કેનેડામાં વૈશ્વિક બાબતોના મંત્રાલયે ખૂબ જ સ્પષ્ટપણે કહ્યું છે કે શ્રીલંકામાં નરસંહાર થયો નથી, જ્યારે પીએમ ટ્રુડો રાજકારણી તરીકે ઉભા છે અને કહે છે કે નરસંહાર થયો હતો. તેઓ પોતે એકબીજાના વિરોધાભાસી છે. શ્રીલંકાએ કેનેડાના પીએમ દ્વારા લગાવવામાં આવેલા તમામ આરોપોને ફગાવી દીધા હતા.

આંતરિક બાબતોમાં દખલ ન કરે ટ્રુડો: શ્રીલંકા

શ્રીલંકાના વિદેશ મંત્રીએ કેનેડાના પીએમને સાર્વભૌમ દેશની આંતરિક બાબતોમાં દખલ ન કરવાની સલાહ પણ આપી હતી. તેમણે કહ્યું કે મને નથી લાગતું કે કોઈ અન્ય દેશોમાં પ્રવેશ કરે અને અમને જણાવે કે આપણે આપણા દેશ પર કેવી રીતે શાસન કરવું જોઈએ. આપણે આપણા દેશને બીજા કરતા વધુ પ્રેમ કરીએ છીએ. ટ્રુડોના નિવેદનથી અમે બિલકુલ ખુશ નથી. વિદેશ મંત્રીએ કહ્યું કે આપણે સાથે મળીને કામ કરવાની જરૂર છે. આ રીતે આપણે શાંતિપૂર્ણ વાતાવરણ બનાવી શકીએ છીએ.

દેશના તમામ સમાચાર વાંચવા માટે અહીં ક્લિક કરો