ગુજરાતમાં 40થી વધુ IPS ઓફિસરની બદલીના એંધાણ, સરહદી જિલ્લાઓમાં સુરક્ષા-એજન્સીઓને મજબૂત કરવા માટે નિર્ણય

ગુજરાતમાં 40થી વધુ આઈ.પી.એસ અધિકારીઓની બદલી ટૂંક સમયમાં થઇ શકે છે. કાશ્મીરમાંથી 370ની કલમ હટાવ્યા બાદ રઘવાયું થયેલુ પાકિસ્તાન ગુજરાતને ગોરીલ્લા વોરમાં કોઇ રીતે નુકશાન ન પહોંચાડે માટે રાજ્યની દરિયાઇ અને જમીની સરહદના જિલ્લા તથા એજન્સીઓને મજબૂત કરવા આ નિર્ણય ટુંકમાં લેવાશે.

પ્રતીકાત્મક તસવીર

આ પણ વાંચો :  નવા નિયમ બાદ ટ્રાફિક વિભાગનો સપાટો, ટ્રેક્ટર ચાલકને ફટકાર્યો 59 હજારનો દંડ

હાલ દરિયાઇ સુરક્ષા ગુજરાત માટે ચિંતાનો વિષય છે. મરીન ટાસ્કફોર્સનો હવાલો હાલ રાજ્યની એ.ટી.એસના ડી.આઈ.જી હિમાંશુ શુક્લા સંભાળી રહ્યાં છે. શુક્લા પાસે ગુજરાત એ.ટી.એસની મહત્વની જવાબદારી હોય તેમનો ભાર હળવો કરવા મરીન ટાસ્કફોર્સ અને કોસ્ટ ગાર્ડના નવા બે એસ.પીની નિમણૂંક કરવા સરકારે મંજૂરી આપી દીધી છે.

હ્યુમન ઇન્ટેલીજન્સ અને ટેક્નિકલ સર્વેલન્સની મદદથી ગુજરાત પોલીસ છેલ્લા એક દાયકામાં જમીન પર મજબૂત પકડ બનાવામાં સફળ રહી છે. પડકાર 1600 કીમી લાંબા દરિયાનો છે. કારણ દુશ્મન દેશ પાકિસ્તાનની દરિયાઇ સીમા પણ ગુજરાતને સ્પર્શીને આવેલી છે અને દરિયામાં હજારોની સંખ્યામાં ફરતી માછીમારોની બોટને તપાસવી શક્ય નથી. જેનો ગેરલાભ આતંવાદીઓ ઉઠાવી શકે છે..!

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

દરિયાઇ સુરક્ષા ઉપરાંત સરહદી જિલ્લા પાટણ અને બનાસકાંઠાના આઇ.પી.એસ યુગલની દિલ્હીમાં નિમણૂંક બાદ બન્ને જિલ્લા ખાલી પડ્યાં છે. સરહદી વિસ્તારના કારણે અહીં પણ સિનિયર આઈ.પી.એસની નિમણૂંક અપાશે. આ ઉપરાંત સુરત શહેરની પણ કમિશનરની જગ્યા હાલ ચાર્જમાં છે.

હવે આર.બી બ્રહ્મભટ્ટને પ્રમોશન સાથે ટ્રાન્સફર અપાતા તેમની આઈ.બીની અતિ મહત્વની જગ્યા ખાલી પડશે. આ ઉપરાંત સતિષ શર્મા, જે.કે ભટ્ટ, મોહન ઝા સિહત રીટાયર્ડ થયેલા છ આઈ.પી.એસની જગ્યા પણ ભરાશે. આમ 40 જગ્યાઓ પર આઈ.પી.એસની ટૂંકમાં ટ્રાન્સફર થઇ શકે છે.

(અહેવાલ-  મિહિર ભટ્ટ, ટીવી નાઈન, અમદાવાદ)

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]