GoFirst એ મુસાફરોની ટિકિટના નાણાં પરત આપવા NCLTને કરી અરજી, 3 મેથી સંચાલનની કામગીરી છે બંધ

GoFirst ના રિઝોલ્યુશન પ્રોફેશનલે NCLTની દિલ્હી શાખામાં નવી પિટિશન દાખલ કરી છે જેમાં 3 મે અને ત્યાર પછીની મુસાફરી ટિકિટોની રકમ પરત કરવાની પરવાનગી માંગવામાં આવી છે. મહેન્દ્ર ખંડેલવાલ અને રાહુલ પી ભટનાગરની બનેલી NCLT બેન્ચ સોમવારે અરજી પર સુનાવણી કરશે. જો GoFirstને આ પરવાનગી મળશે તો તે મુસાફરોને મોટી રાહત થશે જેમના પૈસા ફસાયેલા છે.

અહીં, GoFirst એ જાહેરાત કરી છે કે તેમની ફ્લાઇટ્સ 31 જુલાઈ સુધી રદ રહેશે, ઓપરેશનલ અવરોધોને ટાંકીને. રોકડની તંગીનો સામનો કરી રહેલી સ્થાનિક એરલાઇન કંપનીએ 3 મેથી કામગીરી બંધ કરી દીધી છે.

આ પણ વાંચો : મણિપુરથી પરત ફર્યા ‘I.N.D.I.A’ના નેતા, કહ્યું- સાંજ થાય એટ્લે ફાયરિંગ શરૂ થઈ જાય, રાષ્ટ્રપતિ શાસનની માગ

આ પહેલીવાર નથી, જ્યારે GoFirst એ તેના એરક્રાફ્ટની કામગીરી રદ કરી હોય. મે મહિનાની શરૂઆતમાં એરલાઈન કંપનીએ તેના એરક્રાફ્ટની ઉડાન રદ કરવાનો નિર્ણય લીધો હતો. કંપનીએ કહ્યું હતું કે તેણે 3 મે, 2023થી તેની તમામ ફ્લાઈટ્સ રદ કરી દીધી છે. ત્યારબાદ કંપનીની તમામ ફ્લાઈટ્સ 2 મહિનાથી વધુ સમયથી સતત બંધ રહી હતી. આ પછી, તેમણે 13 જુલાઈના રોજ ફરીથી માહિતી આપી હતી કે GoFirstની ફ્લાઈટ સેવાઓ 16 જુલાઈ સુધી રદ રહેશે. આ રીતે તમામ GoFirst ફ્લાઇટ્સ સતત 2 મહિના અને 13 દિવસ માટે રદ કરવામાં આવી હતી, જે હજુ પણ ચાલુ છે.