Breaking News : પરવાનગી વગર જંતર-મંતર પર CJP નું વિરોધ પ્રદર્શન, દિલ્હી પોલીસે અનેક પ્રદર્શનકારીઓની અટકાયત કરી, જુઓ Video
CJP આજે દિલ્હીના જંતર-મંતર પર વિરોધ પ્રદર્શન કરી રહ્યા છે. તેઓ CEC જ્ઞાનેશ કુમારના રાજીનામાની માંગ કરી રહ્યા છે. જોકે, પોલીસે વિરોધ પ્રદર્શન માટે પરવાનગી આપી નથી.
દિલ્હી પોલીસે CJP ને જંતર-મંતર પર વિરોધ પ્રદર્શન કરવાની પરવાનગી આપી નથી. પરિણામે, ઘટનાસ્થળે ગયેલા પ્રદર્શનકારીઓની પોલીસે અટકાયત કરી છે.
45 મેટ્રો સ્ટેશન બંધ, 250 ટ્રેનો રદ… પરવાનગી વગર CJP ના વિરોધ પ્રદર્શનથી નારાજ લોકો. CJP ને દિલ્હીના જંતર-મંતર પર વિરોધ પ્રદર્શન કરવાની પરવાનગી આપવામાં આવી નથી.
દિલ્હી પોલીસના જણાવ્યા અનુસાર, CJP એ વિરોધ પ્રદર્શન પહેલા જરૂરી માર્ગદર્શિકાનું પાલન કર્યું ન હતું. પરિણામે, વિરોધ પ્રદર્શનના પરિણામે 45 મેટ્રો સ્ટેશનો પર એક્ઝિટ અને એન્ટ્રી ગેટ બંધ થયા છે, અને 250 ટ્રેનો રદ કરવામાં આવી છે. સામાન્ય નાગરિકો મુશ્કેલીઓનો સામનો કરી રહ્યા છે.
પશ્ચિમ બંગાળના મંત્રી દિલીપ ઘોષે કહ્યું, “…દિલ્હીમાં અશાંતિ ફેલાવવાના પ્રયાસોથી સામાન્ય જનતાને અસુવિધા થઈ શકે છે. સરકારે પહેલાથી જ એ સુનિશ્ચિત કરવાની વ્યવસ્થા કરી છે કે દિલ્હીના રહેવાસીઓ સહિત કોઈને પણ કોઈ અસુવિધા ન થાય અને બહારના લોકો કાયદો અને વ્યવસ્થાની સમસ્યા ઊભી ન કરે… કોઈને પણ વિરોધ કરતા અટકાવવામાં આવ્યા નથી, કારણ કે ભારત એક લોકશાહી છે અને દરેકને વિરોધ દ્વારા પોતાના વિચારો વ્યક્ત કરવાનો અધિકાર છે. જોકે, કાયદો અને વ્યવસ્થાને ખલેલ પહોંચાડવાના પ્રયાસો બંધ થવા જોઈએ…”
કોકરોચ જનતા પાર્ટી (CJP)ના સ્થાપક અભિજીત દીપકેએ કહ્યું કે, “મને આશ્ચર્ય થાય છે કે આ દેશના વડાપ્રધાન દેશના યુવાનો અને લોકોનાથી આટલા ડરે છે કેમ? તમામ રેલવે સેવાઓ બંધ કરવાની શું જરૂર હતી? મેટ્રોનું સંચાલન રોકવાની શું જરૂર હતી? ઇન્ટરનેટ બંધ કરી દેવામાં આવ્યું અને રસ્તાઓ પર અવરજવર પણ અટકાવી દેવામાં આવી.
જમ્મુ-કાશ્મીરમાંથી સેનાને બોલાવીને દિલ્હીમાં તૈનાત કરવામાં આવી. નક્સલ પ્રભાવિત વિસ્તારોમાંથી CRPFના જવાનોને બોલાવીને દિલ્હીમાં તૈનાત કરવામાં આવ્યા. શું નરેન્દ્ર મોદી અને અમિત શાહ પોતાના જ દેશના લોકો સામે યુદ્ધ છેડવા માગે છે? શું જ્ઞાનેશ કુમાર તેમના માટે એટલા ખાસ છે કે તેઓ પોતાના જ નાગરિકો સામે પોલીસ અને સેનાની તાકાતનો ઉપયોગ કરશે?”
શારજાહમાં ઓઇલ ટેન્કર પર ડ્રોન હુમલો, 22 ભારતીયો હતા સવાર; મંત્રાલયે શું કહ્યું?
Published On - 9:08 am, Sat, 10 October 26
