India China Relation: ભારત સાથે કામ કરવા માંગે છે ચીન, વિઝા મુદ્દે કોલકાતામાં ચીનના રાજદૂતનું નિવેદન, જુઓ Video

India China Relation: ભારત અને ચીન વચ્ચે લાંબા સમયથી તણાવ ચાલી રહ્યો છે. તે જ સમયે, ચીની એમ્બેસીએ એશિયન ગેમ્સમાં ભાગ લઈ રહેલા ત્રણ ભારતીય વુશુ ખેલાડીઓને વિઝા આપવાનો ઇનકાર કર્યો હતો, જેના કારણે નવો વિવાદ શરૂ થયો છે. મળતી માહિતી મુજબ આ ત્રણેય ખેલાડીઓ અરુણાચલ પ્રદેશના રહેવાસી છે. જ્યારે ચીનના કોન્સ્યુલ જનરલ લિયુને આ બાબતે પૂછવામાં આવ્યું તો તેમણે બંને દેશો વચ્ચેના દ્વિપક્ષીય સંબંધોને વધુ મજબૂત બનાવવાનું આહ્વાન કર્યું હતું.

આ પણ વાંચો: India China Clash: પોતાની હરકતોથી બાજ નથી આવી રહ્યું ચીન, નવા નકશામાં અરુણાચલ પ્રદેશ અને અક્સાઈ ચીનને બતાવ્યો ચીનનો ભાગ

હકીકતમાં, મીડિયા રિપોર્ટ્સ અનુસાર, કોલકાતા પહોંચેલા ચીનના કોન્સ્યુલ જનરલ લિયુએ કહ્યું કે હાલમાં ભારત અને ચીન વચ્ચેના સંબંધો સ્થિર છે. બંને દેશના નેતાઓ એકબીજા સાથે વાત કરી રહ્યા છે.

અમે ભારત સાથે કામ કરવા માંગીએ છીએ: ચીનના રાજદૂત

ચીનના રાજદૂતે વધુમાં કહ્યું કે અમે ભારત સાથે કામ કરવા માંગીએ છીએ જેથી દ્વિપક્ષીય સંબંધોને આગળ વધારી શકાય. તેમણે કહ્યું કે બંને દેશો વચ્ચેના સંબંધો આજે સ્થિર બન્યા છે અને આ ચીન અને ભારત બંનેના નાગરિકોના હિતમાં છે. ભારતીય ખેલાડીઓને વિઝા આપવાના ઇનકાર અંગે ચીનના કોન્સ્યુલ જનરલ લિયુએ કહ્યું કે એશિયન ગેમ્સ દરેકની છે અને અમે એક પરિવાર જેવા છીએ. વિઝાના પ્રશ્ન પર તેમણે કહ્યું કે આ દ્વિપક્ષીય મુદ્દો છે.

અનુરાગ ઠાકુરે હાંગઝોઉનો પ્રવાસ કેન્સલ કર્યો

આ સિવાય કેન્દ્રીય રમતગમત મંત્રી અનુરાગ ઠાકુરે ભારતીય ખેલાડીઓ નેયમાન વાંગસુ, ઓનિલુ તેગા અને માપુંગ લામગુને વિઝા નકારવાને કારણે તેમની આગામી હંગઝોઉની મુલાકાત રદ કરવાનો નિર્ણય લીધો છે. ઠાકુરે કહ્યું કે અરુણાચલ પ્રદેશ ભારતનો અભિન્ન અંગ છે અને ભવિષ્યમાં પણ રહેશે. તેમણે કહ્યું કે અમે કોઈપણ ભારતીય સાથે ભેદભાવ કરતા નથી.

પહેલા પણ ચીન અરુણાચલ પ્રદેશને પોતાનો ભાગ ગણાવી ચુક્યું છે

ચીને પોતાનો સત્તાવાર નકશો જાહેર કરીને વિવાદ શરૂ કરી દીધો છે. કારણ કે, આ નકશામાં ચીને અરુણાચલ પ્રદેશ, અક્સાઈ ચીન ક્ષેત્ર, તાઈવાન અને વિવાદિત દક્ષિણ ચીન સાગર પરના તેના દાવા સહિત વિવાદિત વિસ્તારોનો સમાવેશ કર્યો છે.

દેશના તમામ સમાચાર વાંચવા માટે અહીં ક્લિક કરો