Breaking News : ફેસબુક પરથી PM Modiની પોસ્ટ હટાવવા બદલ Metaએ માફી માંગી, કહ્યું કે તે ભૂલ હતી

ફેસબુક પરથી પીએ મોદીની પોસ્ટ દુર કરવાને લઈ મેટાએ માફી માંગી છે. મેટાએ કહ્યું વડાપ્રધાન નરેન્દ્ર મોદીનો વીડિયો ટેકનિકલ ભૂલના કારણે દૂર થયો હતો. ત્યારબાદ તેમણે ભૂલ સુધારી હતી. દૂર કરેલી સામગ્રી પુનઃસ્થાપિત કરવામાં આવી છે.

ઈન્સ્ટાગ્રામ પર વીડિયોએ રેકોર્ડ બનાવ્યો

વડાપ્રધાન નરેન્દ્ર મોદીએ 23 જુલાઈના રોજ ફેસબુક પર એક વીડિયો શેર કર્યો હતો. આ વીડિયો મેટાએ દુર કર્યો હતો. ત્યારબાદ અનેક નેતાઓએ આ વિશે વાંધો ઉઠાવ્યો હતો. આ વીડિયોને લાખો લોકો જોઈ ચૂક્યા હતા. વડાપ્રધાન નરેન્દ્ર મોદીએ આ વીડિયોને સેલ્ફી મોડમાં રેકોર્ડ કર્યો હતો. કોકરોચ જનતા પાર્ટીના વિરોધ પ્રદર્શન દરમિયાન તેમણે આ વીડિયો દ્વારા વિદ્યાર્થીઓને એક સંદેશ આપ્યો હતો.

Meta releases a statement on blocking PM Modi’s video on Facebook.

“The content was removed in error and has since been restored.” says a Meta Spokesperson. pic.twitter.com/SZ082SY5kw

— ANI (@ANI) July 28, 2026

ભાજપ નેતા તેજિંદર સિંહ બગ્ગાએ પણ મેટા પર આરોપ લગાવ્યો હતો. તેમણે ટ્વિટ કરી કહ્યું હતુ કે, વડાપ્રધાન નરેન્દ્ર મોદીએ પેપર લીક વિરુદ્ધ કડક કાર્યવાહી સાથે જોડાયેલી એક પોસ્ટ કરી હતી. જેને મેટાએ ભારતમાં બ્લોક કરી હતી. ફેસબુક પર આ પોસ્ટ જોવા મળતી ન હતી. તેમણે સવાલ ઉઠાવતા કહ્યું કે, મેટાએ અંતે કોના કહેવાથી આવું કર્યું છે.

મેટા એક અમેરિકન કંપની છે. જેની અંદર ફેસબુક,ઈનસ્ટાગ્રામ અને વોટસએપ જેવી મેસેજિંગ એપ પ્લેટફોર્મ આવે છે. તેના સીઈઓ માર્ક ઝકરબર્ગ છે. વર્ષ 2021માં ફેસબુક આઈએનસીનું નામ બદલી ઓફિશિયલ મેટા કરવામાં આવ્યું હતુ. મેટા ભારતનું એક મોટો યુઝરબેસ છે.

વડાપ્રધાન નરેન્દ્ર મોદીના ઓફિશિયલ પેજ પર કરોડોની સંખ્યામાં ફોલોઅર્સ છે. વડાપ્રધાન નરેન્દ્ર મોદીના ફોલોઅર્સની સંખ્યા અંદાજે 10.5 કરોડ પાર છે. વડાપ્રધાન નરેન્દ્ર મોદીના ફેસબુક પર 61 મિલિયન અને વોટ્સએપ ચેનલ પર 15 મિલિયન ફોલોઅર્સ છે.

સૌથી લાંબા સમય સુધી સેવા આપનાર વડા પ્રધાનનો રેકોર્ડ ધરાવનાર નરેન્દ્ર મોદીનો પરિવાર જુઓ અહી ક્લિક કરો