રાહુલ ગાંધીના બફાટ પર ભાજપનો કટાક્ષ, કહ્યુ- આખિર કિતના ઔર કબ તક સિખાઓગે?

બ્રિટનથી પરત ફર્યા બાદ રાહુલ ગાંધી બુધવારે સંસદ પહોંચ્યા હતા. તેઓ લોકસભાના સ્પીકર ઓમ બિરલાને મળ્યા અને વિનંતી કરી કે તેમને ગૃહમાં બોલવાની તક આપવામાં આવે. સંસદમાંથી પરત ફર્યા બાદ રાહુલે પ્રેસ કોન્ફરન્સ કરી હતી. આ દરમિયાન તેમણે કેટલીક ભૂલ કરી હતી. આ પછી તેમની બાજુમાં બેઠેલા જયરામ રમેશે તરત જ રાહુલ ગાંધીને અટકાવ્યા, ત્યારબાદ રાહુલ ગાંધીએ ભૂલ સુધારી હતી.

રાહુલ ગાંધીની આ ભૂલ પર બીજેપી પ્રવક્તા સંબિત પાત્રાએ ટ્વીટ કર્યું, “…आखिर कितना और कब तक सिखाओगे?” પ્રેસ કોન્ફરન્સ દરમિયાન રાહુલ ગાંધીએ કહ્યું, “દુર્ભાગ્યવશ, હું એક સાંસદ છું. મેં લોકસભા સ્પીકરને કહ્યું કે હું સંસદમાં બોલવા માંગુ છું, ચાર મંત્રીઓએ મારા પર આરોપ લગાવ્યા છે, મને જવાબ આપવાનો અધિકાર છે.

ભાજપે કટાક્ષ કર્યો

રાહુલે કહ્યું- ‘દુર્ભાગ્યવશ હું સાંસદ છું…

રાહુલ ગાંધીની લાઇન ‘દુર્ભાગ્યવશ હું સાંસદ છું’ પર જયરામ રમેશે રાહુલના કાનમાં કંઈક કહ્યું જે માઈકમાં રેકોર્ડ થઈ ગયું. રમેશે રાહુલ ગાંધીને કહ્યું કે, તમે જે કહો છો તેની ભાજપના લોકો મજાક ઉડાવી શકે છે. જયરામ રમેશની આ વાત રેકોર્ડ થઈ હતી અને આ વીડિયો વાયરલ થયો હતો. આ પછી બીજેપીના ઘણા નેતાઓએ આ મુદ્દે તેમને આડે હાથ લીધા છે.

શહજાદ પૂનાવાલાએ કહી આ વાત

સંબિત પાત્રાએ જયરામ રમેશને ટોણો માર્યો અને કહ્યું કે આખરે તમે કેટલું અને ક્યાં સુધી શીખવશો. બીજેપી નેતા શહજાદ પૂનાવાલાએ કહ્યું, ‘જયરામજી, અમારા માટે દુર્ભાગ્યપૂર્ણ છે કે તેઓ આ સંસદમાં સાંસદ છે. તે દુઃખની વાત છે કે તે તાલીમ વિના આ નિવેદન પણ કરી શકતા નથી! આશ્ચર્યની વાત એ છે કે તેમના વિદેશી હસ્તક્ષેપના નિવેદન માટે તેમને કોણે તાલીમ આપી હતી.

મને સંસદમાં બોલવાની મંજૂરી આપો

પ્રેસ કોન્ફરન્સ દરમિયાન રાહુલ ગાંધીએ કહ્યું કે મને આશા છે, જોકે બહુ ખાતરી નથી કે તેઓ મને શુક્રવારે સંસદમાં બોલવાની મંજૂરી આપશે. તેમણે કહ્યું કે એક સાંસદ તરીકે મારી પહેલી જવાબદારી સંસદમાં જવાબ આપવાની છે, તો જ હું મીડિયા સામે સ્પષ્ટતા આપી શકીશ. પૂર્વ કોંગ્રેસ અધ્યક્ષે કહ્યું કે મને નથી લાગતું કે તેમને બોલવા દેવામાં આવશે. તેમ છતાં, હું આશા રાખું છું કે આવતીકાલે મને બોલવાની તક મળશે. કોંગ્રેસના નેતાએ કહ્યું કે અદાણી ગ્રુપ વિશે સંસદમાં મારા છેલ્લા ભાષણમાં પૂછવામાં આવેલા પ્રશ્નોનો વડાપ્રધાને હજુ સુધી જવાબ આપ્યો નથી.