Nawab Malik Arrested: જાણો મંત્રી બનવાથી લઈને નવાબ મલિકની ધરપકડ સુધીની 25 મહત્વની વાતો

મહારાષ્ટ્ર સરકારમાં લઘુમતી વિભાગના મંત્રી નવાબ મલિક (Nawab Malik)ની 8 કલાકની પૂછપરછ બાદ એન્ફોર્સમેન્ટ ડિરેક્ટોરેટ (ED) દ્વારા ધરપકડ કરવામાં આવી છે. આ પછી તેમને મુંબઈની જે.જે. હોસ્પિટલમાં મેડિકલ ચેકઅપ બાદ સાંજે 4 વાગ્યે સ્પેશિયલ પીએમએલએ કોર્ટમાં રજૂ કરવામાં આવ્યા. ED દ્વારા જાહેર કરાયેલ અરેસ્ટ લેટર અનુસાર 62 વર્ષીય નવાબ મલિકની મની લોન્ડરિંગ કેસ (Money Laundering Case)માં ધરપકડ કરવામાં આવી છે. સવારે 4.30 વાગ્યે EDની ટીમ સીઆઈએસએફના જવાનો સાથે મુંબઈના કુર્લા સ્થિત નૂર મંઝિલના નવાબ મલિકના ઘરે પહોંચી અને નવાબ મલિકના આરોપો મુજબ તેમને સમન્સ આપ્યા વિના જ કસ્ટડીમાં લેવામાં આવ્યા. ત્યારબાદ નવાબ મલિકને 7.30થી 7.45ની વચ્ચે દક્ષિણ મુંબઈમાં ED ઓફિસમાં લાવવામાં આવ્યો. આ પછી તેની પોણા ત્રણ કલાક સુધી પૂછપરછ કર્યા પછી તેની ધરપકડ કરવામાં આવી.

કોણ છે નવાબ મલિક? તેમનું રાજકારણ કેવી રીતે શરૂ થયું? તેઓ મંત્રી કેવી રીતે બન્યા? તેઓ કયા રાજકીય પક્ષો સાથે જોડાયેલા હતા? 25 વર્ષની વયે પહેલીવાર ચૂંટણી જીતનાર નવાબ મલિક સાથે જોડાયેલી 25 મહત્વની માહિતી અમે તમને જણાવી રહ્યા છે.

નવાબ મલિક સાથે જોડાયેલી 25 મહત્વની વાતો

1. નવાબ મલિક મૂળ ઉત્તર પ્રદેશનો છે. પરંતુ નવાબ મલિકના જન્મ પહેલા તેમના પિતા મુંબઈ આવી ગયા હતા. પછી કોઈ કારણસર તેને ઉત્તર પ્રદેશ પરત ફરવું પડ્યું.
2. નવાબ મલિકનો જન્મ 20 જૂન 1959ના રોજ થયો હતો. તે યુપીના બલરામપુર જિલ્લાના ઉતરૌલાના દુસવા ગામનો છે.
Web Stories View more

શું તમે જાણો છો દાંત પર કેટલી મિનીટ સુધી બ્રશ કરવું જોઈએ ?

ઉનાળામાં પાણીની પ્લાસ્ટિકની ટાંકીના પાણીને રાખો બરફ જેવુ, અપનાવો આ ટીપ્સ

Kesar Mango : ભારતની કેરી સૌથી વધારે ખવાઈ છે આ દેશમાં

Blood Pressure: આ વિટામિનની ઉણપને કારણે બ્લડપ્રેશર વધે છે! જાણો ક્યાં વિટામિનની ઉણપથી વધે છે બ્લડપ્રેશર!

આજનું રાશિફળ તારીખ : 11-05-2024

ભારતનું આ ગામ કે જ્યાં ભૂતોની થાય છે પૂજા ! જાણો શું છે કારણ

3. નવાબ મલિકનો પૈતૃક વ્યવસાય ભંગારનો છે.
4. નવાબ મલિકનો પરિવાર મુંબઈના ડોંગરી વિસ્તારમાં રહેતો હતો.
5. 21 વર્ષની ઉંમરે નવાબ મલિકના લગ્ન મહેજબીન નામની મહિલા સાથે થયા હતા.
6. નવાબ મલિકના બે પુત્રોના નામ ફરાજ અને અમીર અને બે દિકરીના નામ નિલોફર અને સના છે.
7. નવાબ મલિક વિદ્યાર્થી આંદોલનથી જ રાજકારણમાં સક્રિય થયા.
8. મુંબઈ યુનિવર્સિટીમાં ફી વધારા સામેની ચળવળ બાદ રાજકારણમાં રસ વધ્યો.
9. 25 વર્ષની ઉંમરે નવાબ મલિકે પહેલીવાર લોકસભાની ચૂંટણી લડી હતી.
10. ગુરુદાસ કામતનીસામે ઉભા રહેલા નવાબ મલિકને તે સમયે 2,620 વોટ મળ્યા હતા.
11. 1991માં કોંગ્રેસે તેમને નગરપાલિકાની ચૂંટણીમાં ટિકિટ આપવાનો ઈનકાર કર્યો હતો.
12. 1992ના રમખાણો પછી નવાબ મલિકે અખબાર શરૂ કર્યું. આ અખબારનું નામ સાંજ સમાચાર હતું.
13. ખોટને કારણે આ અખબાર બંધ થઈ ગયું.
14. નવાબ મલિકને કોંગ્રેસ દ્વારા ટિકિટ ન આપવામાં આવતા તેઓ સમાજવાદી પાર્ટીમાં ગયા હતા.
15. 1995ની વિધાનસભા ચૂંટણીમાં તેમને સમાજવાદી પાર્ટી તરફથી ઉમેદવારી મળી હતી.
16. 1995ની ચૂંટણીમાં તેમને શિવસેનાના ઉમેદવાર સૂર્યકાંત મહાડિક સામે હારનો સામનો કરવો પડ્યો હતો.
17. 1996ની પેટાચૂંટણીમાં નવાબ મલિક સાડા છ હજાર મતોથી જીત્યા અને વિધાનસભામાં એન્ટ્રી લીધી.
18. 1999માં તેઓ ફરી એકવાર વિધાનસભાની ચૂંટણી જીત્યા. તેમને ગૃહ રાજ્ય મંત્રીનું પદ પણ મળ્યું.
19. નવાબ મલિકે સમાજવાદી પાર્ટી વચ્ચેના પરસ્પર મતભેદથી કંટાળીને 2001માં SP છોડીને NCPમાં જોડાયા હતા.
20. NCPએ તેમને ઉચ્ચ અને ટેકનિકલ શિક્ષણ અને શ્રમ મંત્રાલય સાથે જોડાયેલ મંત્રી પદ આપ્યું.
21. મલિક પર માહિમમાં જરીવાવા ચાલના પુનર્વિકાસ પ્રોજેક્ટ સાથે જોડાયેલા કેસમાં કૌભાંડ કરવાનો આરોપ હતો, આ આરોપ પછી તેમણે મંત્રી પદ પરથી રાજીનામું આપવું પડ્યું હતું.
22. 2008માં નવાબ મલિકને ફરી એકવાર મંત્રી બનાવવામાં આવ્યા.
23. NCBએ નવાબ મલિકની મોટી દીકરી નિલોફરના પતિ સમીર ખાનની ધરપકડ કરી છે.
24. કાર્ડેલિયા ક્રુઝ ડ્રગ્સ કેસને લઈને નવાબ મલિક NCB અને સમીર વાનખેડે પર સતત આક્રમક હતા.
25. 1993 બોમ્બ બ્લાસ્ટના આરોપી અને દાઉદ ઈબ્રાહિમની ડી કંપની સાથે સંકળાયેલા લોકો પાસેથી જમીન ખરીદવાના કેસમાં સાત કલાકની પૂછપરછ બાદ તેની ધરપકડ કરવામાં આવી.

આ પણ વાંચો: Nawab Malik arrested by ED : આઠ કલાકની પૂછપરછ બાદ ED એ મહારાષ્ટ્રના પ્રધાન નવાબ મલિકની કરી ધરપકડ