મુંબઈમાં ફેસબુક લાઈવ દરમિયાન ઠાકરે જૂથના નેતાની ગોળી મારી હત્યા, બાદમાં આરોપીએ પણ કર્યો આપઘાત

મુંબઈના દહિસરમાં ફાયરિંગની ઘટનાથી સમગ્ર મહારાષ્ટ્ર હચમચી ગયું છે. દહિસરમાં ઠાકરે જૂથના ભૂતપૂર્વ કોર્પોરેટર અભિષેક ઘોસાલકર પર ત્રણ ગોળીઓ ચલાવવામાં આવી હતી. તેમને તાત્કાલિક નજીકની હોસ્પિટલમાં દાખલ કરવામાં આવ્યા હતા, પરંતુ આ ફાયરિંગમાં અભિષેક ઘોસાલકરનું મોત થયું હતું. રસપ્રદ વાત એ છે કે ઘોસાલકરને ગોળી મારનાર આરોપીએ પણ પોતાને ગોળી મારી દીધી હતી. તેણે પોતાની જાતે ચાર વખત ગોળી મારી. તેનું પણ મોત થયું છે.

રસપ્રદ વાત એ છે કે આરોપી મૌરીસે સૌથી પહેલા તેના અધિકૃત ફેસબુક એકાઉન્ટ પર ફેસબુક લાઈવ કર્યું હતું. તેણે કહ્યું કે અમે સમાજ માટે ભેગા થયા છીએ. ત્યારબાદ અભિષેક ઘોસાલકર પોતાની ભૂમિકા રજૂ કરે છે. પછી ઘોસાલકરે તેમનું ભાષણ પૂરું કર્યા પછી, તેમના સ્થાનેથી ઉભા થાય છે ત્યારે તેમની પર ગોળી ચલાવવામાં આવે છે.

કોણ હતા અભિષેક ઘોસાલકર ?

અભિષેક ઘોસાલકર પૂર્વ ધારાસભ્ય વિનોદ ઘોસાલકરના પુત્ર છે. અભિષેક ઘોસાલકરે શરૂઆતમાં સામાજિક કાર્ય શરૂ કર્યું. આ પછી તેઓ મહાનગરપાલિકાની ચૂંટણી લડ્યા હતા. અભિષેક ઘોસાલકર મુંબઈ મહાનગરપાલિકામાં બે વખત કોર્પોરેટર તરીકે ચૂંટાયા હતા. દહિસરમાં તેમને એક યુવાન અને મહેનતુ નેતા તરીકે જોવામાં આવતા હતા. તેમની છબી એક અભ્યાસુ અને જુસ્સાદાર કાઉન્સિલર તરીકેની હતી. ઘોસાલકર દહિસર કંદરપાડા વોર્ડ નંબર 7ના કોર્પોરેટર હતા. હાલમાં આ વોર્ડ શીતલ મ્હાત્રેના કબજામાં છે. હાલમાં ઘોસાલકરના પત્ની વોર્ડ નંબર 1ના કોર્પોરેટર છે.

ગોળી ચલાવનાર મોરિસ કોણ છે ?

ગેંગસ્ટર મોરિસ બોરીવલી વેસ્ટની આઈસી કોલોનીમાં રહે છે. સામાજિક કાર્યકર મોરિસ નરોના ઉર્ફે મૌરીસ ભાઈ તરીકે પ્રખ્યાત છે. તેની સામે બળાત્કાર, ખંડણી અને છેતરપિંડીના કેસ નોંધાયેલા છે.

કહેવામાં આવી રહ્યું છે કે તેના પર એક મહિલાને 88 લાખ રૂપિયાની છેતરપિંડી કરવાનો અને તેની સાથે બળાત્કાર કરવાનો આરોપ છે. તેણે આ મહિલાને ધમકી પણ આપી હતી. ધમકીનો કથિત વીડિયો પણ વાયરલ થયો હતો. એટલું જ નહીં, એવું કહેવામાં આવી રહ્યું છે કે કોર્ટમાં જતાં તેણે પત્રકારોને પણ ધમકી આપી હતી. મોરીસ વોર્ડ નંબર 1માંથી મહાનગરપાલિકાની ચૂંટણી લડ્યો હતો.