અજાનના જવાબમાં ભાજપના નેતા મોહિત કંબોજે કરી વિનામુલ્યે લાઉડસ્પીકર વિતરણ કરવાની જાહેરાત, કહ્યું- બધા હિન્દુઓનો એક અવાજ હોવો જોઈએ

તાજેતરમાં, રાજ ઠાકરેએ શનિવારે શિવાજી પાર્કમાં એક રેલીને સંબોધિત કરતા કહ્યું હતું કે જો આ પ્રકારનું પગલું લેવામાં નહીં આવે તો મસ્જિદોની બહાર લાઉડસ્પીકર લગાવવામાં આવશે અને હનુમાન ચાલીસા મોટા અવાજમાં વગાડવામાં આવશે. તેમની માગને પગલે, મુંબઈ ભાજપે પણ મસ્જિદોમાંથી ગેરકાયદેસર લાઉડસ્પીકર દૂર કરવાની માગ કરી હતી. મોહિત કંબોજ મસ્જિદોમાંથી ગેરકાયદેસર લાઉડસ્પીકર હટાવવાની MNS વડા રાજ ઠાકરેની માગને સમર્થન આપી રહ્યા છે.

હિંદુ એકતાનો અવાજ

મોહિત કંબોજે મંદિરોમાં મફત લાઉડસ્પીકર આપવાની જાહેરાત કરી છે. તેમણે કહ્યું કે જે કોઈ હનુમાન ચાલીસા વગાડવા માટે મંદિરોમાં લાઉડસ્પીકર લગાવવા માંગે છે તે અમારી પાસે મફતમાં માંગી શકે છે. બધા હિન્દુઓનો એક અવાજ હોવો જોઈએ. જય શ્રી રામ! હર હર મહાદેવ. કંબોજે સોમવારે હિન્દી અને મરાઠીમાં ટ્વિટ કર્યું હતું. મોહિત કંબોજે શિવસેનાના નેતાઓને મસ્જિદોમાંથી ગેરકાયદેસર લાઉડસ્પીકર હટાવવાની માગ પર તેમનું વલણ સ્પષ્ટ કરવા કહ્યું.

સમાજમાં તંગદીલી સર્જાય તેવા નિવેદનો ન કરવા અપીલ

આ પણ વાંચો : સંજય રાઉત સામે ઈડીની કાર્યવાહીને લઈને બીજેપી નેતા કિરીટ સૌમેયાએ સાધ્યું નિશાન, આ રીતે યાદ અપાવી પીએમ મોદીની વાત