INS Vikrant Fund Case: બોમ્બે હાઈકોર્ટે કિરીટ સૌમેયાના પુત્રને આપી વચગાળાની રાહત, 28 એપ્રિલ સુધી નીલ સૌમેયાની ધરપકડ ટળી
TV9 GUJARATI | Edited By: Pinak Shukla
Apr 20, 2022 | 6:00 PM
બોમ્બે હાઈકોર્ટે નીલ સોમૈયાને (Neil Somaiya) ધરપકડમાંથી વચગાળાની રાહત આપતા તેમની અગાઉની જામીન અરજી પર તેમના પિતાની અરજી સાથે સુનાવણીનો નિર્ણય કર્યો છે.
Follow us on
ભાજપના નેતા કિરીટ સોમૈયાના પુત્ર નીલ સોમૈયાને INS વિક્રાંત ફંડ ફ્રોડ કેસમાં (INS Vikrant Fund Case) ધરપકડમાંથી વચગાળાની રાહત મળી છે. નીલ સોમૈયાને 28 એપ્રિલ સુધી ધરપકડમાંથી વચગાળાની રાહત મળી છે. ભાજપના નેતાના પુત્રને હાલમાં બોમ્બે હાઈકોર્ટમાંથી (Bombay High Court) ધરપકડમાંથી રાહત મળી છે. તમને જણાવી દઈએ કે આ મામલો નિષ્ક્રિય થયેલા એરક્રાફ્ટ કેરિયર આઈએનએસ વિક્રાંતની સુરક્ષા માટે જમા કરવામાં આવેલા નાણાંના કથિત ગેરઉપયોગ સાથે સંબંધિત છે. આ કેસમાં ભાજપના નેતા કિરીટ સોમૈયાના પુત્ર નીલ સોમૈયાને (Neil Somaiya) 28 એપ્રિલ સુધી ધરપકડમાંથી વચગાળાની રાહત મળી છે.
આ કેસની સુનાવણી દરમિયાન જસ્ટિસ અંજુઆ પ્રભુદેસાઈની સિંગલ બેન્ચે કહ્યું કે ધરપકડની સ્થિતિમાં નીલને 50,000 રૂપિયાના અંગત બોન્ડ પર મુક્ત કરવામાં આવે. જણાવી દઈએ કે પૂર્વ સેનાના જવાનની ફરિયાદ પર 6 એપ્રિલે ટ્રોમ્બે પોલીસ સ્ટેશનમાં નીલ સોમૈયા વિરુદ્ધ FIR નોંધવામાં આવી હતી. આ ફરિયાદમાં પૂર્વ સેનાના જવાને દાવો કર્યો હતો કે બીજેપી નેતા અને તેમના પુત્રએ યુદ્ધ જહાજને ભંગા જવાથી બચાવવા માટે 2012માં 57 કરોડ રૂપિયા ભેગા કર્યા હતા. પરંતુ આ રકમ ક્યારેય રાજ્યપાલની ઓફિસમાં જમા કરાવવામાં આવી ન હતી.
નીલ સોમૈયાને ધરપકડમાંથી વચગાળાની રાહત
બીજી તરફ ભાજપના નેતા કિરીટ સોમૈયાએ પૂર્વ સૈન્યકર્મીના આરોપોને નકારી કાઢ્યા છે. આ સાથે તેમણે 57 કરોડ રૂપિયા એકઠા કરવાના મામલે પણ સવાલ ઉઠાવ્યા હતા. જણાવી દઈએ કે આ મામલામાં હાઈકોર્ટે ગયા અઠવાડિયે બીજેપી નેતા કિરીટ સોમૈયાને ધરપકડમાંથી આવી જ રાહત આપી હતી. બોમ્બે હાઈકોર્ટે નીલ સોમૈયાને ધરપકડમાંથી વચગાળાની રાહત આપતા તેમની અગાઉની જામીન અરજી પર તેમના પિતાની અરજી સાથે સુનાવણીનો નિર્ણય કર્યો છે.
જામીન અરજી પર સુનાવણી 28 એપ્રિલે હાથ ધરાશે
હવે બંનેની અરજી પર 28મી એપ્રિલે સુનાવણી થશે.કોર્ટમાં પોલીસ તરફથી હાજર રહેલા એડવોકેટ શિરીષ ગુપ્તેએ કહ્યું કે પોલીસ નીલ સોમૈયાની પૂછપરછ કરવા માંગે છે, તેણે અગાઉ કિરીટ સોમૈયાની પણ પૂછપરછ કરી છે. તે જ સમયે, ન્યાયાધીશ પ્રભુદેસાઈએ નીલ સોમૈયાને પૂછપરછ માટે 25 થી 28 એપ્રિલ સુધી સવારે 11 થી બપોર સુધી પોલીસ સમક્ષ હાજર થવાનો નિર્દેશ આપ્યો છે.
