Breaking News : મુંબઈમાં વરસાદની ધમાકેદાર ઈનિંગ, ગુજરાતમાં ક્યારે થશે ચોમાસાનું આગમન ? જુઓ Video
મહારાષ્ટ્રમાં ચોમાસાનું આગમન થઈ ગયું છે. મુંબઈમાં આજે 23 જૂન સવારથી જ ભારે વરસાદ શરૂ થઈ ગયો છે. મહારાષ્ટ્રમાં વાદળછાયું વાતાવરણ છે અને વરસાદ ચાલુ છે. વરસાદ સાથે વાતાવરણમાં ઠંડક પસરી ગઈ છે.
મુંબઈવાસીઓની વરસાદની લાંબી રાહ આખરે પૂરી થઈ ગઈ છે. ચોમાસાનું આગમન થઈ ગયુ છે. આજે મુંબઈના ઘણા ભાગોમાં વરસાદ પડી રહ્યો છે. વાતાવરણમાં ધુમ્મસ પણ જોવા મળ્યું છે. મહારાષ્ટ્રમાં ચોમાસું સંપૂર્ણપણે સક્રિય રહેશે. આ વર્ષે દર વર્ષની સરખામણીમાં વરસાદ મોડો પહોંચ્યો છે. મુંબઈમાં પાણીની મોટી અછતનું સંકટ પણ સર્જાયું હતું. જો કે હવે ચોમાસાના આગમન બાદ હવામાન વિભાગે વરસાદ અંગે મુંબઈમાં મહત્વપૂર્ણ ચેતવણી આપી છે.
10:30 AM.. ⛈️ Mumbai & surroundings will get non stop moderate to heavy rains for next few hours. South Mumbai has been getting rain since early morning, more rains to come. ☔ #MumbaiRains pic.twitter.com/4Tp3wv0T1t
— Mumbai Rains (@rushikesh_agre_) June 23, 2026
હવામાન વિભાગના જણાવ્યા અનુસાર, 23 જૂને ચોમાસું મહારાષ્ટ્રમાં આગળ વધ્યુ છે. જેના કારણે ભારે વરસાદ પડવાની શક્યતા છે. ચોમાસાની ઉત્તરીય સરહદ બાદ હવે પુણે, નિઝામાબાદ, દાંતેવાડા, બલાંગીર, અલીબાગ, સુંદરગઢ તરફ આગળ વધી શકે છે. ચોમાસું આ વિસ્તારમાંથી આગળ વધી રહ્યું છે. આગામી 48 કલાકમાં પરિસ્થિતિ અનુકૂળ રહેશે. જેનાથી ચોમાસાને મુંબઈ સહિત મહારાષ્ટ્રના બાકીના ભાગોમાં આગળ વધવામાં મદદ મળી શકે છે.
મુંબઈમાં વરસાદ
મુંબઈ અને તેના ઉપનગરોમાં ચોમાસાએ જોરદાર હાજરી નોંધાવી છે. મુંબઈ અને મુંબઈ ઉપનગરોમાં આજે ભારે વરસાદ પડશે. આજે મુંબઈમાં વરસાદ માટે યેલો અલર્ટ આપવામાં આવ્યુ છે. મુંબઈમાં સવારથી ભારે વરસાદ પડી રહ્યો છે અને વાદળો એકઠા થઈ ગયા છે. કાંદિવલી, બોરીવલી, મલાડ, અંધેરી, ગોરેગાંવ, દહિસરમાં ચોમાસું સક્રિય થયું છે.
નાસિકમાં યલો એલર્ટ
આગામી 3 કલાકમાં મુંબઈ શહેર અને મુંબઈ ઉપનગરોમાં ગાજવીજ સાથે વરસાદ પડવાની શક્યતા છે, તેથી નાગરિકોને સાવચેત રહેવાની સલાહ આપવામાં આવી છે. આજે નાસિક માટે વરસાદ માટે યલો એલર્ટ આપવામાં આવ્યું છે. ગઈકાલે (22 જૂન) શહેરના કેટલાક વિસ્તારોમાં છૂટાછવાયા વરસાદ પડ્યો હતો. છેલ્લા 24 કલાકમાં મહત્તમ તાપમાનમાં પણ ઘટાડો થયો હતો. હવે કેટલાક વિસ્તારોમાં વરસાદ શરૂ થઈ ગયો છે.
ગુજરાતમાં વરસાદી માહોલ
ગુજરાત રાજ્યમાં ચોમાસું વધુ મજબૂત બનતું જઈ રહ્યું છે. હવામાન વિભાગના અનુમાન મુજબ આજે 23 જૂને અમદાવાદ સહિત રાજ્યના અનેક જિલ્લાઓમાં વરસાદ પડવાની શક્યતા છે. આગામી 2 દિવસ સુધી ગુજરાત રાજ્યમાં વરસાદી માહોલ ચાલુ રહે તેવી શક્યતા વ્યક્ત કરવામાં આવી રહી છે. કેટલાક વિસ્તારોમાં ભારે વરસાદ પડી શકે છે. જેના કારણે લોકોને ગરમીથી રાહત મળે તેવી છે.
