મુસ્લિમ પરિવારે રામલલ્લાની પ્રાણ પ્રતિષ્ઠા માટે બનાવ્યા 2500 સિક્કા, રામ મંદિર-મોદીના નામ કોતર્યા

અયોધ્યાના રામ મંદિરમાં રામલલ્લાની પ્રાણ પ્રતિષ્ઠા આડે એક સપ્તાહથી પણ ઓછો સમય બાકી છે. રામલ્લાની પ્રતિષ્ઠાને લઈને હિન્દુઓમાં ભારે ઉત્સાહ જોવા મળી રહ્યો છે. પરંતુ આ ખુશીમાં કેટલાક મુસ્લિમ પરિવારો પણ સામેલ છે. મુસ્લિમ પરિવાર દ્વારા આ તહેવારને વધારવાના પ્રયાસો કરવામાં આવી રહ્યા છે. તેઓ આ બાબતે યોગદાન આપી રહ્યા છે. મુંબઈનો એક મુસ્લિમ પરિવાર આ ખાસ પ્રસંગ માટે સિક્કા બનાવી રહ્યા છે. આ સિક્કાની એક બાજુ રામ મંદિર બનેલું છે, જ્યારે બીજી બાજુ મોદીજીનું નામ લખેલું છે.

અત્યાર સુધીમાં અઢી હજાર સિક્કા બનાવનાર આ પરિવાર ટૂંક સમયમાં યુપીના સીએમ યોગી આદિત્યનાથને સમર્પિત કરશે. કમલના ફોટાની સાથે લખ્યું છે- MODI UNSTOPABLE. બીજી બાજુ રામ મંદિરની સાથે અયોધ્યા ધામ લખેલું છે.

સોનાની જેમ ચમકતા આ સિક્કા રામ ભક્તો માટે બનાવવામાં આવી રહ્યા છે. જેઓ 22 જાન્યુઆરીએ પ્રાણ પ્રતિષ્ઠામાં ભાગ લેશે. સિક્કાની એક તરફ રામ મંદિરની પ્રતિકૃતિ કોતરેલી છે અને બીજી બાજુ કમળના ફૂલ પર વડાપ્રધાન નરેન્દ્ર મોદીનું નામ છે, પરંતુ ખાસ વાત એ છે કે તેને બનાવનાર મુંબઈનો એક મુસ્લિમ પરિવાર છે.

20 વર્ષથી વધુ સમયથી દેવી-દેવતાઓના સિક્કા બનાવે છે

શાહબાઝ રાઠોડ કે જેઓ 20 વર્ષ કરતાં પણ વધુ સમયથી દેવી-દેવતાઓના સિક્કા બનાવી રહ્યા છે, તેમનું કહેવું છે કે તેમને ભગવાન રામ પાસેથી આજીવિકા મળી રહી છે, તેથી તેમના માટે આટલું તો કરી શકું. શાહબાઝ રાઠોડની પત્ની પ્રિયા જન્મથી હિન્દુ છે. તે પોતાનું ફિલ્મ પ્રોડક્શન હાઉસ ચલાવે છે. પ્રિયા કહ્યું કે અમે પહેલા હિન્દુસ્તાની છીએ, બાદમાં મુસ્લિમ છીએ.

રાઠોડ પરિવારનું કહેવું છે કે તેઓએ ઉત્તર પ્રદેશની યોગી સરકારનો સંપર્ક કર્યો છે અને તેઓએ આ માટે તેમને સમય પણ આપ્યો છે કે તેઓ બુધવારે રાત્રે લખનઉ જઈ રહ્યા છે અને યોગીજીને આ સિક્કા સોંપશે. તેમની ઈચ્છા છે કે આને ત્યાં આવનાર વીઆઈપીમાં વહેંચવામાં આવે.

સોનાની જેમ ચમકતા આ સિક્કા પિત્તળની બનેલી ખાસ ધાતુથી બનેલા છે, જેની ચમક આગામી દસ વર્ષ સુધી રહેશે. 22 જાન્યુઆરીએ પ્રાણ પ્રતિષ્ઠા માટે આવેલા ખાસ રામ ભક્તો માટે લગભગ અઢી હજાર સિક્કા બનાવવામાં આવ્યા છે.

આ પણ વાંચો વીડિયો : રામલલાની પ્રતિમા વર્કશોપમાંથી બહાર લાવવામાં આવી, મૂર્તિને ગર્ભગૃહમાં સ્થાપિત કરાશે