Gadchiroli AI: કુપોષણને દૂર કરવા સરકારનું અનોખું અભિયાન, AI આધારિત મશીન ઓળખશે ‘ખોરાકની ગુણવત્તા’, જુઓ Video

ભારતમાં ટેકનોલોજી માત્ર શહેરો સુધી મર્યાદિત નથી. આનું એક મોટું ઉદાહરણ મહારાષ્ટ્રના ગઢચિરોલીમાં જોવા મળે છે. વાસ્તવમાં, અહીંની એક શાળામાં, આર્ટિફિશિયલ ઇન્ટેલિજન્સનો ઉપયોગ કરીને ખોરાકની ગુણવત્તા શોધી કાઢવામાં આવે છે. પોષણ સ્તરમાં થયેલા સુધારાને ધ્યાનમાં રાખીને આ મશીન લગાવવામાં આવ્યું છે. ગઢચિરોલીના એટાપલ્લીમાં ટોડાસા આશ્રમ શાળામાં આર્ટિફિશિયલ ઈન્ટેલિજન્સ (AI) આધારિત મશીન સ્થાપિત કરવામાં આવ્યું છે.

આ પણ વાંચો: Gujarat Video: ભાવનગરમાં ડમી કૌભાંડ મુદ્દે ગૃહ રાજ્યપ્રધાન હર્ષ સંઘવીનું નિવેદન, કહ્યું સમગ્ર મામલે ઉંડાણ પૂર્વક તપાસ કરાશે, કોઈને પણ છોડવામાં નહીં આવે

આ મશીન ભોજનની પ્લેટ સાથે વિદ્યાર્થીની તસવીર લે છે અને થોડીક સેકન્ડમાં, કોઈની મદદ વગર, ‘ખોરાકની ગુણવત્તા’ સારી છે કે નહીં તે ઓળખી કાઢે છે. મહારાષ્ટ્ર સરકારે કુપોષણને દૂર કરવા માટે આ પગલું ભર્યું છે. જેના કારણે ગામમાં રહેતા આદિવાસીઓ સુધી પહોંચ જળવાઈ રહેશે. કેટલાક અધિકારીઓના મતે આદિવાસી વિસ્તારોમાં રાજ્ય સરકાર દ્વારા ચલાવવામાં આવતી શાળાઓમાં શિક્ષણની સાથે પોષણયુક્ત ખોરાક પર ધ્યાન આપવામાં આવે છે.

જો કે, ઘણા આદિવાસી વિસ્તારોમાં બાળકો હજુ પણ કુપોષિત છે. આનો સામનો કરવા માટે આધુનિક ટેક્નોલોજીનો ઉપયોગ કરવો પણ જરૂરી છે જેથી બાળકો સુધી યોગ્ય ગુણવત્તાયુક્ત ખોરાક પહોંચે.

ગુણવત્તા સાથે યોગ્ય જથ્થા પર ધ્યાન કેન્દ્રિત કર્યું

અધિકારીએ કહ્યું કે મહારાષ્ટ્ર સરકારના આદિજાતિ વિકાસ પ્રોજેક્ટ હેઠળ ચલાવવામાં આવી રહેલા આ અભિયાનમાં એક NGO પણ મદદ કરી રહી છે. બીજી તરફ ઉદ્યોગ યંત્ર સ્ટાર્ટ અપની મદદથી ટોડાસા આશ્રમમાં આ AI આધારિત મશીન લગાવવામાં આવ્યું છે. આ મશીનને એવી રીતે ડિઝાઈન કરવામાં આવ્યું છે કે ખોરાકની ગુણવત્તા અને ખોરાકની માત્રાનું ધ્યાન રાખી શકાય.

આ મશીન કેવી રીતે કામ કરે છે?

આ મશીનની કામ કરવાની રીત પણ ઘણી અલગ છે. જે વિદ્યાર્થી ખાવા માગે છે, તે મશીનની સામે ઉભો રહે છે અને મશીન પર ભોજનની પ્લેટ મૂકે છે, ત્યારબાદ મશીન તે પ્લેટનો ફોટો લે છે. થોડીક સેકન્ડોમાં મશીન તે બાળકને ઓળખી લે છે. ત્યાર બાદ મશીન જણાવે છે કે બાળકના હિસાબે ખોરાક પર્યાપ્ત માત્રામાં છે કે નહીં. આમાં અલ્ગોરિધમનો ઉપયોગ કરવામાં આવી રહ્યો છે. આવી સ્થિતિમાં, સંપૂર્ણ ડેટા કોઈપણ મદદ વગર ITDP ઓફિસમાં પ્રિન્સિપાલ સુધી પહોંચે છે.

આશ્રમની 222 છોકરીઓમાંથી 61 કુપોષિત હતી

એટાપલ્લીના આસિસ્ટન્ટ કલેક્ટર અને સંકલિત આદિવાસી વિકાસ પ્રોજેક્ટના ડિરેક્ટર શુભમ ગુપ્તાએ જણાવ્યું હતું કે, “જ્યારે હું આ આશ્રમમાં આવતો ત્યારે મને લાગતું કે અહીં ભણતી છોકરીઓમાં પોષણની ખામી છે. ત્યાર બાદ તેની ઓળખ કરવા માટે અમે શારીરિક માસ ઈન્ડેક્સ BMIનો ઉપયોગ કર્યો.

222 માંથી 61 છોકરીઓ કુપોષિત હોવાનું જાણવા મળ્યું હતું. અમે વિચાર્યું કે તેને કેવી રીતે ઠીક કરવું જેથી સમસ્યા ઉકેલાઈ જાય. AI ની મદદથી, અમે આ પરિસ્થિતિમાં જે મશીન મૂક્યું તે સુધારણા માટે અસરકારક સાબિત થયું.

તેમણે વધુમાં માહિતી આપી હતી કે અમને ખૂબ જ સારા પરિણામો મળી રહ્યા છે, છેલ્લા છ મહિનામાં ખોરાકની ગુણવત્તામાં સુધારો થયો છે, તેમજ પોષક આહાર, પ્રોટીન, કાર્બોહાઈડ્રેટ, એકંદર સૂચકાંકો અને બાળકોના BMIમાં પણ સુધારો થઈ રહ્યો છે. આ સાથે આગામી સમયમાં અન્ય શાળાઓમાં પણ આ મશીન લગાવવામાં આવશે.

ટેકનોલોજીના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ફોન અને ગેઝેટ સાથે જોડાયેલા તમામ સમાચાર વાંચવા માટે જોડાયેલા રહો…