Hajmola Recipe : બજારમાંથી ખરીદવાની જરુર નથી… હવે ઘરે જ બનાવો હાજમોલા, આ રહી રેસિપી

હાજમોલા એક પાચક ગોળી છે. જે સ્વાદમાં પણ ભરપૂર હોય છે. તેનો મસાલેદાર સ્વાદ બાળકોથી લઈને પુખ્ય વયના લોકો સુધી બધાને ગમે છે. આ ગોળીની અનેક વિશેષતા છે. જો તમને ઉબકા આવી રહ્યા હોય અથવા પેટમાં ગેસનો દુખાવો હોય, તો મસાલાથી બનેલી આ મીઠી અને ખાટી ગોળી કામમાં આવી શકે છે.

ઘરે બનાવેલી વસ્તુઓ વધુ ફાયદાકારક માનવામાં આવે છે કારણ કે તેમાં કોઈ પ્રિઝર્વેટિવ્સ અથવા કૃત્રિમ રંગોનો ઉપયોગ થતો નથી. તમને ફક્ત પોષણ મળે છે. એકવાર બનાવી લીધા પછી, હાજમોલા ગોળીઓ લાંબા સમય સુધી સંગ્રહિત કરી શકો છો.

હાજમોલા બનાવવા માટેની સામગ્રી

2 ચમચી અજમો, 1 ચમચી જીરું, 1 ચમચી વરિયાળીના બીજ, 1 ચમચી કાળા મરી, 1.5 ચમચી કાળું મીઠું, 1/2 ચમચી સફેદ મીઠું, 3 ચમચી આમચૂર પાવડર, 1 ચમચી ગોળનો પાવડર , 3 ચમચી પાણી, 1 ચમચી તેલ, બે ચપટી કોર્નફ્લોર, અને જો ઈચ્છો તો કોટિંગ માટે દળેલી ખાંડ.

હાજમોલા કેવી રીતે બનાવી?

ઘરે હાજમોલા બનાવવા માટે, અજમાના બીજ, જીરું, વરિયાળી અને કાળા મરી, એટલે કે બધા મસાલાને ભેળવી દો. તેમને સુગંધ આવે ત્યાં સુધી એક પેનમાં શેકો. આ શેકેલા મસાલાને 5 મિનિટ માટે ઠંડુ થવા દો. હવે, બધા મસાલાને ગ્રાઇન્ડરમાં નાખો અને 4 ચમચી પાણી ઉમેરો. તેમને એકસાથે પીસી લો. પાવડર બરાબર થઈ જાય પછી, કાળું મીઠું, સફેદ મીઠું, ગોળ અને આમચૂર પાવડર ઉમેરો અને ફરીથી પીસી લો. જો ઈચ્છો તો, તમે બે ચપટી હિંગ પણ ઉમેરી શકો છો. આનાથી ચીકણી પેસ્ટ બનશે.

આ રીતે બનાવો હાજમોલાની ગોળી

તમારા હાથમાં થોડું તેલ લગાવો અને તૈયાર કરેલા મસાલાના પેસ્ટના ગોળીઓ બનાવો. હવે, તેના પર થોડો કોર્નફ્લોર છાંટો અને તેને થોડી મિનિટો માટે ઓવનમાં મૂકો જેથી તેઓ સખત થઈ જાય. આ રીતે, તમારો હાજમોલા તૈયાર છે. તો બધા ગોળા ઉપર ખાંડના પાવડરથી કોટ કરીને હવાચુસ્ત બરણીમાં સ્ટોર કરી શકો છો.