Skin Care Tips: આ 4 રીતે લીમડાનો કરો ઉપયોગ ચહેરા પર નહીં રહે એક પણ ખીલ

Skin Care Tips: ઉનાળા અને ચોમાસામાં ઘણા લોકો ખીલની સમસ્યા થતી હોય છે, તમે ખીલને મડાટવા માટે લીમડાનો (Neem Leaves) પણ ઉપયોગ કરી શકો છો. લીમડો તમારી ત્વચાને ઘણા ફાયદા આપે છે. તેનાથી તમને ખીલ, સ્કિનની એલર્જી અને કરચલીઓ જેવી સમસ્યાઓથી રાહત મળે છે. આ પાંદડાઓમાં એન્ટીબેક્ટેરિયલ ગુણ પણ હોય છે. તેમાં એન્ટિફંગલ ગુણો છે. તમે ચહેરા માટે લીમડાનો ઉપયોગ ઘણા પ્રકારે કરી શકો છો.

અહીં લીમડાના પાનનો ઉપયોગ કરવાના અનેક ફાયદાઓ જણાવવામાં આવ્યા છે. લીમડાના પાન ત્વચાના વધારાના તેલને નિયંત્રણમાં રાખવાનું પણ કામ કરે છે. અહીં જાણો કે તમે ત્વચા માટે લીમડાના પાનનો ઉપયોગ કેવી રીતે કરી શકો છો.

આ પણ વાંચો: શું તમે પણ તરબૂચ ખાધા પછી આ કામ કરો છો ? જાણો શું કહે છે આરોગ્ય નિષ્ણાતો

લીમડાના પાનની પેસ્ટ

પહેલા થોડા તાજા લીમડાના પાન લો. લીમડાના પાન અને પાણીમાંથી પેસ્ટ તૈયાર કરો. લીમડાના પેકને ચહેરા અને ગરદન પર લગભગ 20 મિનિટ માટે રહેવા દો. પછી સાદા પાણીથી પેસ્ટ કાઢી લો. તમે અઠવાડિયામાં 2થી 3 વખત ત્વચા માટે લીમડાની પેસ્ટનો ઉપયોગ કરી શકો છો.

લીમડાનું તેલ

ખીલથી રાહત મેળવવા માટે તમે લીમડાના તેલનો પણ ઉપયોગ કરી શકો છો. તે સ્કીન પર થતા ખીલમાંથી રાહત આપે છે. આ માટે ખીલથી પ્રભાવિત ત્વચા પર લીમડાનું તેલ લગાવો. લીમડાના તેલને ત્વચા પર આ રીતે 10 મિનિટ રહેવા દો. આ પછી ક્લીંઝર અને પાણીનો ઉપયોગ કરીને ત્વચાને સાફ કરો. ખીલ મુક્ત ત્વચા રાખવા માટે તમે લીમડાના તેલનો નિયમિત ઉપયોગ કરી શકો છો.

એલોવેરા અને લીમડો

તમે ત્વચા માટે લીમડા અને એલોવેરા પેસ્ટનો ઉપયોગ કરી શકો છો. આ માટે એક બાઉલમાં એલોવેરા જેલ લો. તેમાં લીમડાનો પાવડર ઉમેરો. આ બંનેની પેસ્ટને ત્વચા પર 20 મિનિટ સુધી રહેવા દો. આ પછી ચહેરો સ્વચ્છ પાણીથી ધોઈ લો. તમે અઠવાડિયામાં 2થી 3 વખત એલોવેરા અને લીમડાની પેસ્ટનો ઉપયોગ કરી શકો છો.

લીમડો અને લીંબુનો રસ

લીમડાના પાન અને પાણીમાંથી પેસ્ટ તૈયાર કરો. તેમાં થોડો લીંબુનો રસ ઉમેરો. આ પેકને સાદા પાણીથી કાઢી નાખતા પહેલા 20 મિનિટ સુધી ત્વચા પર રહેવા દો.

(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા નિષ્ણાતની સલાહ લો.)

Healthના દરેક સમાચાર વાંચવા અહીં ક્લિક કરો