ફાટેલા હોઠના ઈલાજ માટે આ રીતે કુદરતી લિપ બામ બનાવો, બધી ડ્રાઈનેસ થશે દૂર
શિયાળામાં હોઠ ફાટવા ખૂબ જ સામાન્ય બાબત છે. જો કે એક્સટર્નલ લિપ બામ હોઠને ડ્રાઈ અને તિરાડ પડતા અટકાવવા માટે બહુ કામ કરતા નથી. આવી સ્થિતિમાં હવે તમે ડ્રાયનેસ અને ફાટેલા હોઠને ઠીક કરવા માટે ઘરે જ કુદરતી લિપ બામ બનાવી શકો છો.
મોટાભાગના લોકો શિયાળાની ઋતુમાં હોઠ ફાટવાની ફરિયાદ કરતા હોય છે. વધુ પડતી ઠંડીને કારણે આપણા હોઠ પર તેની ખરાબ અસર પડે છે. જેના કારણે હોઠ ફાટવા લાગે છે. હવામાં ભેજનો અભાવ અને ઘરની અંદર ગરમી હોઠમાંથી કુદરતી ભેજ છીનવી લે છે. જેના કારણે હોઠ સૂકા થવા લાગે છે. આવી સ્થિતિમાં હોઠને નરમ અને હાઇડ્રેટેડ રાખવા માટે લોકો ઘણીવાર મોંઘા લિપ બામનો ઉપયોગ કરે છે, પરંતુ તે પણ કાયમી પરિણામ આપતા નથી.
જો તમે શિયાળામાં તમારા હોઠને નરમ અને હાઇડ્રેટેડ રાખવા માંગતા હોવ તો તમારા માટે ઘરે જ લિપ બામ બનાવો. આ લિપ બામ તમારા હોઠને દિવસભર હાઇડ્રેટેડ રાખશે. જો આ ઘરે ઉપલબ્ધ વસ્તુઓમાંથી બનાવવામાં આવે છે તો તમારા હોઠ પર તેની આડઅસર થવાની સંભાવના પણ ઓછી હશે. તો ચાલો જાણીએ કે ઘરે કુદરતી લિપ બામ કેવી રીતે બનાવી શકાય.
આ રીતે બનાવો કુદરતી લીપ બામ : ઘી લિપ બામ - અડધો કપ બીટરૂટને છીણી લો અને તેનો રસ ગાળી લો. હવે બીટરૂટના રસમાં 1 ચમચી ઘી નાખીને બરાબર મિક્ષ કરી લો. પછી આ મિશ્રણને નાના પાત્રમાં ભરીને રેફ્રિજરેટરમાં રાખો. તૈયાર છે તમારું લિપ બામ. તેને તમારા હોઠ પર લગાવો. ઘી હોઠની ત્વચાને ઊંડાણપૂર્વક હાઇડ્રેટ કરે છે અને ભેજ જાળવી રાખે છે.
પેટ્રોલિયમ જેલી લિપ બામ : પેટ્રોલિયમ જેલી લિપ બામ બનાવવા માટે 1 ટેબલસ્પૂન પેટ્રોલિયમ જેલી, 1 ટેબલસ્પૂન નારિયેળ તેલ, 1 ચમચી મધ અને 2 વિટામિન ઇ કેપ્સ્યૂલ લો. પેટ્રોલિયમ જેલીને એક તપેલીમાં મૂકો અને તેને મધ્યમ તાપ પર ઓગાળી લો. જ્યારે તે ઓગળે ત્યારે તેમાં નારિયેળ તેલ અને મધના થોડા ટીપાં ઉમેરો. આ પછી વિટામિન ઇ કેપ્સ્યુલનું તેલ ઉમેરો. તેને સારી રીતે મિક્સ કરો અને પછી તેને કન્ટેનરમાં મૂકો. તેને લગભગ 30 મિનિટ સુધી ઠંડુ થવા દો. તમારું હોમમેડ લિપ બામ તૈયાર છે. જે હોઠને નરમ અને હાઇડ્રેટેડ રાખશે.
નાળિયેર લિપ બામ : નારિયેળના કુદરતી મોઇશ્ચરાઇઝિંગ ગુણ હોઠને હાઇડ્રેટ રાખવામાં મદદ કરે છે. આ રેસીપી કલાકો સુધી હોઠને નરમ અને ચમકદાર રાખે છે. આ બામ બનાવવા માટે નારિયેળ તેલ અને પેટ્રોલિયમ જેલીને સમાન માત્રામાં મિક્સ કરો. પછી આ મિશ્રણને એરટાઈટ કન્ટેનરમાં મૂકો અને લગભગ 30 મિનિટ સુધી ફ્રીઝ થવા માટે રાખો. તૈયાર છે તમારું લિપ બામ.
આ હોમમેઇડ લિપ બામ ઘરે બનાવીને તમે તમારા હોઠને ફાટવાથી બચાવી શકો છો.