Natural bleach for skin care: શું તમે જાણો છો કે ઘરેલુ ઉપચારની મદદથી ઘરેલુ બ્લીચ તૈયાર કરી શકાય છે. આ લેખમાં, અમે તમને ઘરે હાજર વસ્તુઓ વિશે જણાવવા જઈ રહ્યા છીએ જેનો ઉપયોગ બ્લીચ બનાવવા માટે કરી શકાય છે.
Natural bleach for skin care (Symbolic Image)
Follow us on
ગંદકી, સૂર્યના કિરણો અને પ્રદૂષણથી ચહેરાને ઘણું નુકસાન (dullness in skin) થાય છે. આ કારણોથી મોટાભાગના લોકોના ચહેરાના રંગ પર ખરાબ અસર પડે છે. ચહેરાના રંગને પાછો મેળવવા માટે લોકો વિવિધ રીતો અજમાવતા હોય છે. જો કે ઘણી વખત આ પદ્ધતિઓનો ઉપયોગ કરવા છતાં કોઈ નોંધપાત્ર અસર જોવા મળતી નથી. આવી સ્થિતિમાં લોકો બજારમાં ઉપલબ્ધ ઉત્પાદનોની મદદ લે છે અને તેમને તેમની બ્યુટી રૂટીનનો ( beauty routine) ભાગ બનાવે છે. તેમાં રહેલા રસાયણો ત્વચાને પણ નુકસાન પહોંચાડી શકે છે. આ રાસાયણિક ઉત્પાદનોમાંથી (chemical products) એક બ્લીચ છે. ચહેરા પર લગાવવાથી થોડા સમય માટે ગ્લો આવી શકે છે, પરંતુ ધીમે-ધીમે તેની અસર ઓસરવા લાગે છે.
બ્લીચને ત્વચા પર ચમક લાવવા માટે શ્રેષ્ઠ પરિણામો સાથેનું ઉત્પાદન માનવામાં આવે છે, પરંતુ તેનો વધુ પડતો ઉપયોગ ત્વચાને નુકસાન પહોંચાડે છે.આ કારણોસર લોકો ઘરેલું ઉપચાર તરફ વળવાનું પસંદ કરે છે. શું તમે જાણો છો કે ઘરેલુ ઉપચારની મદદથી ઘરેલુ બ્લીચ તૈયાર કરી શકાય છે.આ લેખમાં અમે તમને ઘરે હાજર વસ્તુઓ વિશે જણાવવા જઈ રહ્યા છીએ જેનો ઉપયોગ બ્લીચ બનાવવા માટે કરી શકાય છે.
મધ અને લીંબુ
લીંબુમાં રહેલું એસિડ ત્વચા પર બ્લીચ જેવું કામ કરે છે.આ કારણોસર તેને કુદરતી બ્લીચ ઘટક તરીકે પણ ઓળખવામાં આવે છે.તેનું બ્લીચ બનાવવા માટે તમે એક બાઉલમાં એક લીંબુનો રસ લો અને તેમાં એક ચમચી મધ ઉમેરો.લગભગ 10 મિનિટ સુધી તેને ચહેરા પર રાખો અને પછી તેને હૂંફાળા પાણીથી દૂર કરો.અઠવાડિયામાં બે થી ત્રણ વાર આમ કરવાથી તમે વધુ સારા પરિણામો જોઈ શકશો.
મસૂર દાળ બ્લીચ
નિષ્ણાતોના મતે મસૂરમાં મળતા પોષક તત્વો કુદરતી બ્લીચનું કામ કરે છે. કહેવાય છે કે ત્વચાની સંભાળમાં તેને અપનાવવાથી પોષક તત્વોની ઉણપ તો પૂરી થાય છે, સાથે જ ચહેરાનો રંગ પણ નિખારી શકાય છે. તેનું બ્લીચ બનાવવા માટે એક બાઉલ લો અને તેમાં દાળ પલાળી દો. હવે તેને બ્લેન્ડ કરીને પેસ્ટ બનાવો અને તેમાં ત્રણ ચમચી દૂધ ઉમેરો. આ પેસ્ટને ચહેરા પર લગાવો અને સુકાવા દો. સામાન્ય પાણીથી ચહેરો ધોઈ લો.
દહીં અને ચણાનો લોટ
દહીંમાં એવા ગુણો પણ હોય છે, જે કુદરતી બ્લીચ તરીકે કામ કરી શકે છે, જ્યારે ચણાના લોટથી ચહેરાનો ખોવાયેલો રંગ પાછો મેળવી શકાય છે.તેનું બ્લીચ બનાવવા માટે એક વાસણમાં 4થી 5 ચમચી દહીં લો અને તેમાં બે ચમચી ચણાનો લોટ મિક્સ કરો.આ પેસ્ટને ચહેરા પર લગાવો અને લગભગ 10 મિનિટ સુધી સુકાવા દો.હવે આ પેસ્ટને ઠંડા પાણીથી રિમૂવ કરો.તમે આ અઠવાડિયામાં બે વાર કરી શકો છો.
(નોંધ: આ લેખ માત્ર જાણકારી માટે છે. તેનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો.)
